السلام عليكم انا طالبة داخلة اولى ثانوي ومش عارفة اختار اللغة التانية اهلي عايزيني اخش الماني واصحابي عايزيني اخش فرنساوى وانا بحب اوى الاسباني وكنت باخد فيه كورس وعارفة عنه معلومات كويسه بس اهلي مش موافقين علشان مفيش مدرسين للاسباني في المحافظة اللي انا عايشة فيها وانا لقيت مدرس اونلاين شرحه كويس اوى وعايزة اخد معاه للمعلومية انا لو شددت رأيي علي الاسباني اهلى هيوافقوا عادي بس انا خايفة اتورط في نص السنه او الامتحانات تيجي صعبه او متجيش من المنهج
فلو حد كان اسباني ممكن يفدني بخبرته
الدافع لتعلم آي لغة هو الرغبة، فإذا لم يكن لديك رغبة لتعلم اللغة لن تتعلميها إلا لتجاوز الامتحانات على سبيل المثال، فإن كنت قد أعجبك الأسباني فاختاريه، وللعلم الأسباني أسهل الثلاثة، وعندما دخلت أختي الصف الأول الثانوي، واستشارتني رجحته لها، على الرغم أني كان معي اللغة الفرنسية في الثانوية، والآن في الكلية ألماني وتركي. ونقطة إضافية شرح اليوتيوب هو أفضل من جُل الكورسات والمدرسين الحقيقة، ولكن هو يحتاج إلى انضباط كبير. بالتوفيق
تم النشر الخميس، ١ أغسطس ٢٠٢٤
اختاري يلي تفهمي فية اكتر ويلي تحبينة ومفس قدراتك والاسباني مش مشكله ممكن تخدية بعد متخلصي ثانوية خالص
تم النشر السبت، ٣ أغسطس ٢٠٢٤
بصي الأول كدا سيبك من صحابك لان الفرنساوي لغه تقيله اوي و تقريبا من اتقل اللغات لانه بيكون فيه حروف سايلنت كتير اوي ف مثلا كلمه نطقها ممكن يكون من ٣ حروف بس هي فعليا من ٧ حروف مثلا و هكذا بقى و الألماني لو انت عايزه اللغه کـ ماده تلم درجات و خلاص اختاري اسباني لانه اسهل و كمان انت بتحبيه لكن لو حاطه عينك على كليه فيها لغه المطلوب اكتر الألماني و الاسباني مطلوب بردو بس الألماني اكتر يعني و في الاخر بردو الاختيار ليكي انت انت اللي هتذاكري و تتعبي مش اي حد تاني ولا اهلك ولا اصحابك ف خدي اللغه اللي انت حباها و شايفه انها احلى و اسهل بالنسبه ليكي و ربنا يوفقك يا قمر و دي نصيحه من اخت اكبر منك ب سنه 🙈🤍🤍🤍
تم النشر الخميس، ١ أغسطس ٢٠٢٤
في رأيي من سيحدد هذا هو أنتِ. لندع خوفكِ جانبًا... هو نابع من خشيتكِ أن تختاري ويعاتبك الأهل إن لا قدر الله لم تتفوقي في المادة التي اخترتها. اللغات حتى مع تصنيف بعضها أصعب من الآخر لكن حتى الصعب عندما تحبينه وتضعين هدفًا لتعلمه يكون سهلًا. بالنسبة لي أنا أحب الأسباني أكثر وأراه أسهل حتى من الفرنسي... لو كان على أيامي إمكانية الاختيار بينه وبين الفرنسية كنت اخترته. الألماني من اللغات الثقيلة ومصنف من أصعب اللغات في العالم لكن كذلك اللغة العربية تعد من أصعب اللغات. لكن كما قلت إن كنتِ تحبين اللغة الألمانية وتريد إتقانها ستفعلين. لكنكِ بالفعل تحبين الأسباني وبدأتِ تعلمه بالفعل وما دام هناك مدرس أونلاين سيساعدكِ فلماذا لا تختارين ما ترينه أسهل لكِ وأحب إلى قلبكِ. إن اخترت الأسباني فابدأي بالتعرف على المنهج لديكم والمصادر التي ستتعلمين منها بالإضافة إلى المصادر الأخرى من الانترنت. ويا حبذا لو تعلمتِ من قنوات تعليم لأشخاص لغتهم الأم هي الأسبانية لتتقني اللغة من البداية ومن ناطقيها. اعتبري أنكِ تدرسين اللغة لتتقنيها وتمارسينها لا من أجل الامتحانات، وضعي خطة مرنة للتعلم وهدفًا تصممين على تحقيقه في نهاية العام وأنكِ حتى بعد تخرجك ستواصلين الاستفادة من هذه اللغة. تعلمك الأسبانية من مصادر خارجية سيجنبك نقطة الخوف من أن تأتي الامتحانات من خارج المنهج. توكلي على الله واعملي ما عليكِ وادرسي جيدًا وإن شاء الله خيرًا لا تقلقي. بالتوفيق إن شاء الله.
تم النشر الخميس، ١ أغسطس ٢٠٢٤
وعليكم السلام! بصي، أنا عارفة أن القرار ده صعب، بس مهم تخيّري الحاجة اللي بتحبيها وتحسّي إنك هتبقي مرتاحة فيها. لو بتحبي الإسباني وأنت قدامك فرصة تتعلمي مع مدرس كويس أونلاين، ده شيء إيجابي. بس كمان لازم تفكري في النقطة العملية، يعني: المدرسة : لو حتقدري تتعلمي مع مدرس أونلاين وتكوني ملتزمة، فده خيار ممتاز. بالعكس، أوقات الكورسات الأونلاين بتكون أكثر مرونة. المحتوى : حاولي تتعلمي عن المنهج الدراسي للإسباني اللي في مدرستك. لو هيبدأ يكون فيه مواد جديدة أو امتحانات صعبة، اسألي المدرس الأونلاين عن حاجات ممكن تساعدك في التحضير. التواصل مع الأهل : حاولي تكلمي عائلتك وأقولهم إزاي الإسباني ممكن يساعدك في المستقبل، وليه هو مهم بالنسبة لك. يمكن يغيروا رأيهم شوية. الاستعداد : إذا قررتي الإسباني، خدي بالدك إنك تدرسي بجد وتتعاملي بتركيز عشان تتغلبي على أي صعوبات. في الآخر، اختاري اللي هتحبّي تتعلميه بجد، وركزّي عليه! أنا معاكِ في أي قرار تاخديه وإن شاء الله يكون كله خير! 🎉
تم النشر الأربعاء، ٣١ يوليو ٢٠٢٤
الحلو في الالماني ان المدرسين بتوعه كتير جدا تقدري تختاري براحتك و تغيري براحتك انما الاسباني قليلين يعني حتي لو لقيتي مدرس و طلع وحش مش هيبقي عندك خيارات كتير و هتتعبي
تم النشر الجمعة، ٢ أغسطس ٢٠٢٤
ايوة فعلا مستر عبد المعز شرحه ممتاز انا اخواتي كانوا بياخدوا معاه ومقفلين الماني + شكرا اوى ليكي
تم النشر الجمعة، ٢ أغسطس ٢٠٢٤
بصي ادخلي اللغة الي امتحانها بيجي كويس و بصراحه انا كنت الماني و خدت مع عبدالمعز اسماعيل اونلاين و كان تحفه الالماني ناقصه فيه ٤ درجات و السؤال ب درجتين فا غلط في سؤالين بس ، الاسباني بيجي حلو بس المدرسين بتوعه مش احسن حاجه لو لقيتي مدرس اسباني كويس ادخليه لانك حباه
تم النشر الجمعة، ٢ أغسطس ٢٠٢٤
ادخلي اللغة اللي تحبيها والامتحان سهل باذن الله
تم النشر الجمعة، ٢ أغسطس ٢٠٢٤
لعرض السؤال في فدني اضغط هنا