السلام عليكم
ا٠.
انا عاوزه اطور من نفسي عاوزه اعيش الحياه دي بسلام عاوزه اسافر وأشوف طموحي فين بالظبط بس المشكله انو. اهلي مفيش دعم ابدا محدش واقف معايا اصلا محدش النهار كلو كلام احباط نفسي خلاص مش قادره انا اكبر واحده وعندي ١٥سنه .وغير كد عماتي واعمامي برضو بيقولوا كلام عليا زي مثلا انتي فاشله انتي مش متربيه انتي مش هتنجحي انتي اصلا هتعيشي كدا وهتموتي كدا انا مش عارفه اعمل اي معاهم .انا زهقت مش عارفه اعمل اي وغير كدا اصحابي انا مش عارفه بجد اعمل معاهم اي .. معنديش حد مقرب مني ابداا ولا اي حد حتي ماما معنديش فعلا . قبل كدا انا صحبتي كانت محتاجه مساعده وقفت معها وسندتها وكنت أنا اقرب حد ليها . ولما وصلت للي هيا عاوزه اتخلت عني في نفس اللحظة .. وساعات بميل للحب واقول لنفسي لي ما احبش والكلام دا بس برجع وبقول دي حياتي مش.عارفه اعمل اي يعني اهلي مش واقفين معايا . اخواني واخواتي مفيش اي حد معايا ابدا . في فراغ في قلبي مش عارفه اعمل اي بس انا عاوزه اقف مع نفسي بنفسي بس المشكله اني مش عارفه.غير كدا ابن عمي عاوز يرتبط بيا وانا مش عاوزه كدا خالص عاوزه اركز في دراستي حياتي لكن. انا تايهة مش عارفه اعمل ايه ولا اي
حاسه بيكي بجد بتكون صعبه علينا لما بيكون الاهل سبب في تعبنا أو اننا نبطل نحلم ونتمنا بس حابه اقولك انتي شخصيه قويه اووي بجد انك رغم كل دا لسه عندك طموح انك تكملي رغم سنك صغير بس تفكيرك واعي اووي مش عيب انك ترفضي حاجه مش عاوزاها وعندك حق انك تحلمي وتتمني تحققي الحلم دا كلنا بنسعي عشان نبقا شخصيه كويسه وليها حاجه خاصه بيها بتمارسها بس احنا لو اخدنا علي احباطات وكلام اللي حوالينا سوا اهل او أصحاب او قرايب انتي كدا بتثبتي ليهم ولنفسك ان هما صح وانتي غلط طبيعي هتتأثري بكلامهم وهتنهاري وتتضايقي بس لحظه تفكير كدا يعني شويه كدا من وقتك اقعدي فيهم مع نفسك في مكان بعيد عن الاهل والصحاب عشان متحسيش بكلامهم واقعدي فضفضي مع نفسك احكي طموحك واي بتتمني تحقيقه قولي دايما لنفسك انك حد كويس وجميل خليكي مصدر الدعم لنفسك ومتنسيش انك ربنا دايما معانا داومي علي الدعاء بأن ربنا يدلك عالطريق الصح واللي فيه الخير ليكي دايما خلي مساحه في حياتك خاصه بيكي خلي احباطهم دافع اووي ليكي انك تكملي مهما كان اي بيقولوها انتي مش مطالبه تصدقي دا كفايه بس انك عندك دراستك اهم من الارتباط خاصه في السن دا ادعي ربنا يرزقك التوفيق ويرشدك للطريق الصح قربي من ربنا واكثري من الدعاء دايما باللي بتتمنيه ربنا يوفقك وتحققي كل اللي بتتمنيه♥️
تم النشر الجمعة، ١٩ يوليو ٢٠٢٤
يوجد حكمة مفادها: فكر هنا والآن. أنت الآن ما زلتِ طالبة، لما تشتتين نفسك وترهقين عقلك بالتفكير فيما بعد ذلك؟ من أدراكِ، أليس من الممكن أن تحصلي على منحة للدراسة؟ أليس من الوارد أن تتفوقي وتتخرجي وتتوظفي سريعًا؟ أليس من الممكن أن تأتيك فكرة مشروع بسيطة فتنجحي نجاح باهر. بمناسبة الأفكار البسيطة هل تعرفي كيف بدأ براند era care لمستحضرات العناية بالبشرة والشعر؟ بدأ بربع كيلو تقريبًا من زبدة الشيا من عند العطار، والآن ما شاء الله صاحبته سيدة أعمال كانت تطلب 9 مليون مقابل 20% من الأرباح في واحدة من حلقات شارك تانك. خلاصة القول، ركزي في دراستك الآن وأثبتي لنفسك وليس للجميع أنك قادرة على النجاح ولا تسمحي لنفسك أبدًا بتصديق أحكامهم عليكِ. بالتوفيق.
تم النشر الثلاثاء، ١٦ يوليو ٢٠٢٤
وعليكم السلام، عزيزتي. أولاً، أحب أقولك إنك شجاعة جداً إنك قررتي تفتحي قلبك وتتحدثي عن المشاكل اللي بتواجهيها. ١. خصوصية نفسك : كل واحد فينا أحياناً بيحس بالوحدة، حتى لو حواليه ناس كتير. حاولي تلاقي الوقت اللي تستمتعي فيه بنفسك وتكتشفي هوايات جديدة أو تقري كتب تحبيها. ٢. حطّي أهداف واضحة : الكتابة بتساعد كثير. اكتبي أهدافك وطموحاتك، واعملي خطة بسيطة لتحقيقها. حتى لو كانت خطوات صغيرة، الأهم انك تفضلي تتحركي للأمام. ٣. التعامل مع الكلام السلبي : حاولي تتجاهلي الكلام السلبي من العائلة والناس اللي حواليك. الكلام ده بيعكس مشاكلهم هما مش انتي. ٤. الدعم النفسي : حتى لو مش لاقية حد يفهمك من العيلة، حاولي تلاقي صديقة كويسة أو معلمة تثقي فيها. كمان، ممكن تستفيدي من مصادر على الإنترنت بتقدم دعم نفسي. ٥. التعليم والمستقبل : بلاش تخلي الأمور العاطفية زي ابن عمك أو غيره يشتتوك عن دراستك وطموحاتك. ركزي في دراستك وحاولي تطوري من مهاراتك. ٦. المساعدة المتخصصة : لو حسيتِ إنك محتاجة مساعدة متخصصة، ممكن تستفيدي من خدمات الاستشارات النفسية المتاحة على الإنترنت أو في مدرستك. ٧. ثقتك بنفسك : أثق إنك قوية وذكية. ركزي على تطوير ثقتك بنفسك واعملي على تحسين نفسك كل يوم. تذكري دائماً إن الحياة رحلة وبنواجه فيها تحديات كتير. انتي مش لوحدك، وفي دايماً طريق للخروج من الصعوبات. أنا هنا لو حبيتي تتكلمي وأسمعك في أي وقت. 💪🌟
تم النشر الأحد، ١٤ يوليو ٢٠٢٤
هي تنفع كتحميس بس، لكن المعلومات اللي فيها للأسف أغلبها خطأ
تم النشر الثلاثاء، ١٦ يوليو ٢٠٢٤
ابتديت اعرف نفسى بحب اى وبكره اى والحجات الضعيفه فيها اقويها والقويه احافظ عليها وازودها والحجات دى هعملها فى صمت ومحدش. يعرف عنى حاجه وحددت اهدافى وابتديت اشتغل عليها واوصلها نا كان طموحى انى اجيب درجات كويسه فى المدرسه عملت كدا واتكلم انجليزى كويس عملت كدا وانجح فى كليتى وانجح فى شغلى ودلوقتى بعد هما كانو بيقولو يافاشل هما هما بيشكروا فيا وبيقولوا انتا ناجح الخلاصه هما مايعرفوش حاجه عنك فسيبك منهم واشتغل على نفسك وحدد اهدافك وبالنسبه للمعلومات هاتها من ومتعرفش حاجه عن نفسك وقرب من ربنا ودا اول حاجه المفروض تعملها وربنا يوفقك على اليتيوب
تم النشر الجمعة، ١٩ يوليو ٢٠٢٤
نا كنت نفس حالتك كدا ونا صغير كله كان عمال يقولى نتا فاش نتا مش نافع والكلام السلبى الى يخلى الواحد يروح ينتحر وفعلا اتأثرت بالكلام دا وصدقته ودخلت فى دوامة اكتئاب قعدت ٣سنوات لحد ماجيت فى مره قولت هما الى شافين غلط هما شافين الظاهر بس وبيحكموا بالنتايج بس وميعرفوش اى تفاصيل عن حياتى وكل اراءهم غلط واول حاجه عملتها انى مبقتش احط كلامهم دا فى دماغى واعتبرت كل كلامهم غلط وتانى حاجه ابتديت اعرف
تم النشر الجمعة، ١٩ يوليو ٢٠٢٤
رفع الوعي مع الوقت بيعلمك ازاي تتعامل مع الحياه والناس
تم النشر الثلاثاء، ١٦ يوليو ٢٠٢٤
انصحك بدكتور ابراهيم الفقي دروسة مجانية وموجودة على النت ، ابتدي بالطريق الى النجاح
تم النشر الاثنين، ١٥ يوليو ٢٠٢٤
لعرض السؤال في فدني اضغط هنا