انا مبقتشى حابب الحياه خالص مبقاش عندى ثقه ف حد بقيت بتمنى الموت ف كل لحظة
مهما كانت المشاكل الي بتمر بيها صعبه انت حياتك مهمه جدا وليها قيمه ومغزى ...ممكن تكون اتألمت كتير وتعبت فاهمه شعورك بس رحلتك لسه فيها كتير زي محصل مواقف خلتك تحس بالالم ده هتلاقي حجات كتير حلوه اوقات من كتر الالم والمشاكل بنبص ع زاويه واحده من الاوضه مش بنشوف باقي الاوضه من كتر تركيزنا ف الزاويه دي طب لو الزاويه فيها مشاكل فيها تجارب فقد فيها الالم كتير هتفتكر ان الاوضه كلها ضلمه زيها ومش هتحرك عينك عنها لف بعينك هتلاقي حجات كتير تستحق انك تبصلها وتعيشها وتعافر عشانها حياتك غاليه قوي قرب من ربنا وادعيله ف كل احظه ويوريك الهدف من حياتك يوريك باقي الزوايا الي انت مشفتهاش هتلاقي الحل ان شاءالله
تم النشر الأربعاء، ١ مارس ٢٠٢٣
انت كدا عندك وقت فراغ كبير اشغل وقتك بشغل و رياضه طلما انت كدا كدا مبتحبش تكلم حد ف سهل انك تتحرك في اي مكان ف اي وقت بدون ازعاج استغل الوحده دي ف انك تراجع حسباتك تاني و تبص للدنيا بنظره تانيه ، عندي اقتراح لكتاب ياريت تقراه اسمه (قوة العادات)اقرا و الله المستعان
تم النشر الأربعاء، ١ مارس ٢٠٢٣
ايه اللي حصل علشان توصل للنقطة ديه؟
تم النشر الأربعاء، ١ مارس ٢٠٢٣
طيب اولا انت محتاج تفنط كل آلامك وتحترمها وتعطيها حقها وتعطي لنفسك حقك فالزعل,, لان وارد اهمالك عمل تراكمات والتراكمات سببت احساسك دلوقتي انك مش قادر تكمل.. تانيا هو مش المفروض نثق فالناس ولا المفروض نخونهم .. المفروض نتعامل معاهم بالحسني وندعي لنفسنا وليهم عشان الفتن والنفس البشريه فايد ربنا فقط.. ونحرص منهم وناخذ بالاسباب,, والثقه فربنا فقط تالتا استعين بربنا يفهمك حكمته من اقداره وادعي يرضيك بيها وينسيك .. نعمه النسيان مهمه اوي ولو فضلنا فاكرين كل بلاء مرينا بيه الحياه هتقف واشتغل علي نفسك واستوعب انها دنيا وانه اشد الناس بلاءا اشدهم ايمانا وستظل تُختبر في اكثر ما تحب حتي لا تحب الا الله .. رابعا كل مخلوق خلقه الله لحكمه واثر في منهم ال بيعلمها اسرع وفي ال لسه بيجرب وبياخد وقت ولكن كلنا حتي حبه الرمله مميزه وليها هدف ما بالك بقي اعظم الخلق احنا ! انت حاليا خلتني اتغلب علي حاجه مشتتاني بقالها كتير !وفكرتني وشجعتني من كلامي ده اتعافي من حاجه مزعلاني ! فده اثر ليك كبيييير وصدقني استمرارك رساله لغيرك.. هونها واشكي لربنا واستعين بيه يارب يريح بالك ويجبر بقلبك يارب
تم النشر الأربعاء، ١ مارس ٢٠٢٣
لعرض السؤال في فدني اضغط هنا