بتمنى من ربنا تردو عليا عشان انا تعبت اوي ف حياتي
أنا منذ الطفوله فقدت والدتي وكنت عايش مع مرات خالي وعانيت طفوله قاسيه معاها من ضرب لإهانة وذل وهكذا وحاليا لما كبرت بدأت افهم الدنيا شويه لاقيتني بتفرج علي حاجات أنا اسف بتتسمي مازوخيه يعني ولد بيسمع كلام بنت وكده وبيحبها وبتثيرني دائما الاقدام في البنات ونفسي أتعالج من الموضوع دا ومش عارف
وعمري ما تكلمت مع اي حد ف حياتي كلها عن الموضوع دا بس هوا تعبني وأثر عليا وحاليا أنا خاطب وفرحي كمان سنه وخائف اني معرفش امارس العلاقه الطبيعيه بسبب مرضي ده وحقيقي بصلي وبتمنى من ربنا يعفو عني ويشيل عني المرض دا بس ببعد وبرجع تاني اتفرج على الحاجات دي أنا حقيقي بقيت كاره حياتي وكاره كل حاجة
ارجوكم محدش يتريق عليا واللي ف ايدو يساعدني حتى لو بكلمه يساعدني أنا ف امس الحاجه اني اكون بخير والله العظيم ربنا يعفو عنا جميعا يارب يارب يارب
السلام عليكم ورحمه الله وبركاته. الاستاذه ساره جزاه الله خيرا يعني وجهتك للنقطه بتاعه ازاي يعني تبدا توقف اصلا انك تشاهد اي حاجه اباحيه ايا كانت بقى هي ايه خلينا نتكلم بقى في النقطه بتاعه ازاي تتخلص من اللي انت فيه من اول ضروري نفهم هو ايه سببه هو في نقطه الضعف اللي عندك علشان محتاجين نقويها علشان تبدا فعلا تخلص من الموضوع ده. نقطه الضعف هنا هو الجزئيه اللي انت قلت عليها انك عشت طفوله كانت قاسيه وكان فيها ضرب هنا وظل واا لذلك انت بدات تعتاد على نقطه القلم. اخدت النمط بتاع انه فيه اممم انثى هي اللي بتؤذي الذكر ان هو ده النمط الطبيعي للاسف هو ده اللي اتثبت جواك. فلذلك كمان لما اتجهت الاباحيه بدا الموضوع يتشاف انه اه تمام عادي انا مستحسن الصوره دي طب انا ليه مستحسن الصوره برفضها لان انا اعتدت عليها مش اكثر من كده غالبا من كثر ما كان في مواقف فيها ضرب وانت صغير كان بيتقال لك في وسطيها انت مبسوط كده مبسوط ان انت تضرب انت شكلك بتنبسط لما فتثبتت الجمله جواك. ومن غير ما تحس بقيت بتستحسن الصوره دي وخلاص صدقت بس صدقت دي ده تصديق مزيف لانه اصلا المعلومه خطا فلما يكون عندنا معلومه خطا والمعلومه الخطا دي اييي اتثبتت فاحنا محتاجين ان احنا نفهم نفسنا ان دي معلومه خطا ومش هي دي الحقيقه واحنا محتاجين نثبت المعلومه الصح المعلومه الصح هو انه الشخص اللي ربنا خلقه من ساعه ما ربنا خلقه وهو طفل وهو مكرم يعني ايه مكرم يعني الاذى والاهانه ما بتكونش حاجه عاديه ليه ابدا ابدا هو ده التكريم اللي ربنا كرمه للبني ادم فما ينفعش تحت اي بند من البنود ان احنا نصدق انه الاهانه شيء عادي وان هو ده مكاننا الطبيعي لا مش هو ده مكاننا الطبيعي همم لو مش هتقدر تشتغل على الافكار دي الواحده. ده ده الافضل انت محتاج انك تتابع مع الطبيب نفسي علشان النقطه دي ما تتصورش ولا تروح لحت ابعد ان شاء الله فتره السنه دي فتره كافيه لو تابعت مع اخصائي يكون اا مختص قوي في الامور اللي هي لها علاقه بالعلاقات الجنسيه هيقدر يساعدك وتتخلص من الموضوع ده قبل الجواز ان شاء الله.
تم النشر الأحد، ٢ فبراير ٢٠٢٥
لو مُشكلتك فِ الأفلام الإباحية فَـ هتدور هنا فِ التطبيق هتلاقي فِي أسئلة وإجابات عليها من الخبرا بإنك تستخدم مُحرك البحث وتكتب مشكلة الأفلام الإباحية هيجيلك الاسئلة اللي بخصوص الموضوع ده وإجابتها... بخصوص نُقطة تانية هو طبيعي إنك تحس بالإثاره من الجنس الأخر عموما بس النُقطة إنك تغض بصرك عشانك عشان متتعبش نفسك يعني ولإنه حرام طبعاً. نُقطة المازُوخية" الشخص يحب يكون مُستقبِل ومتحكم فيه " عند كل الناس بس بدرجات، بتكثُر عند السيدات، مقابل لها السادِية " الشخص يحب يكون متحكِم و المُبادِر "بتكثُر عند الرجالة...
تم النشر الأحد، ٢ فبراير ٢٠٢٥
أخي العزيز، أولاً، أود أن أعبر عن خالص تعاطفي مع ما مررت به في طفولتك. فقدان الأم وتجربة طفولة قاسية هي تجارب صعبة تؤثر على نفسية الإنسان بشكل كبير. من الضروري أن تعترف بآلامك ومشاعرك، وهذا يمثل خطوة مهمة نحو الشفاء. بالنسبة للأمور التي ذكرتها، مثل القلق بشأن التوجهات الجنسية أو الرغبات غير المريحة، من المهم أن تفهم أن هذه الأمور قد تكون نتيجة للتجارب التي مررت بها. يجدر بك التحدث مع مختص نفسي أو معالج معتمد حيث يمكنهم مساعدتك في فهم تلك المشاعر وتوجيهك نحو استراتيجيات للتعامل معها. حقيقة أنك ستتزوج قريبًا تمثل فرصة كبيرة لبداية جديدة. يجب أن تعمل على تحسين علاقتك بنفسك أولاً، وهذا يشمل الاعتراف بوجود مشاعر ورغبات قد تكون مزعجة، والعمل على تغيير نمط التفكير الذي يجعلك تشعر بالذنب أو الخجل. تذكر أن الإيمان والصلاة هما سلاح قوي في التغلب على المعاناة النفسية. استمر في الدعاء وطلب العون من الله، بالإضافة إلى اتخاذ خطوات عملية مثل البحث عن مساعدة احترافية. لا تتردد في التحدث مع شخص تثق به، سواء كان صديقًا مقربًا أو مختصًا. هناك دائمًا أمل في التغيير، ودعم الآخرين يمكن أن يكون له تأثير كبير. أدعوك أن تبدأ في إجراء تغييرات صغيرة في حياتك اليومية - مثل ممارسة الرياضة، أو البحث عن نشاطات تشغل وقتك وتساعدك على تجديد طاقتك النفسية. كل خطوة صغيرة نحو التغيير يمكن أن تكون ذات أثر كبير. أسأل الله أن يفرج همك ويمنحك القوة لتجاوز هذه المرحلة.
تم النشر الأحد، ٢ فبراير ٢٠٢٥
دكتور النفسي هو اللي هيساعدك في ده
تم النشر الاثنين، ٣ فبراير ٢٠٢٥
شكرا ليك ياأخي علي تعليقك المحترم واسال الله ان يعفو عنا جميعا يااااارب
تم النشر الاثنين، ٣ فبراير ٢٠٢٥
شوف اخي اولا لكي تبتعد لازم تفلتر عقلك من هذه الأفكار اولا لازم تحافظ على الأذكار ليل نهار وورد من القرأن مع الصلاة في أوقاتها لان زي ما حضرتك عارف ان الصلاة تنهي عن الفحشاء والمنكر لكن تذكر انها مش اي صلاه لازم الصلاه ال كلها خشوع ومن داخل قلبك وحاول ياريت انها تكون في جماعه ف المسجد ثقف نفسك ونظم يومك لازم تسيطر على مشاعرك وقلبك وتتحكم في عقلك ويجب أن تنظم يومك ولا تجلس في الفراغ أو وحيدا وحاول دائما انخرط في المجتمع معظم يومك تعمق أكثر في المعرفه بدينك وتذكر كلما عدت الي هذا البلاء ان تتوب منه أن الله لا يمل حتي تملوا وتذكر ايضا ان نعم العبد الاواب اي كثير التوبه وحاجه كمان اخيره ادعي كتيير اوي لأن الدعاء يغير القدر... شفاك الله وعافاك يا صديقي من كل سوء وبلاء 😊
تم النشر الأحد، ٢ فبراير ٢٠٢٥
أعانك الله يا أخي لكن سأوصيك بشخص سيساعدك الداعية مصطفى حسني- برنامج رميم الحلقة التاسعة عشر انهيار الاتزان النفسي بمشاهدة الإباحية، إن شاء الله الحلقة دي مفيدة وكل الحلقات كويسة 💙
تم النشر الأحد، ٢ فبراير ٢٠٢٥
شكرا جدا ليكي بجد
تم النشر الاثنين، ٣ فبراير ٢٠٢٥
لا لاسف بس قريت في علم النفس كتير
تم النشر الاثنين، ٣ فبراير ٢٠٢٥
كلهم غاليين حاليا هوا حضرتك دكتوره
تم النشر الاثنين، ٣ فبراير ٢٠٢٥
لعرض السؤال في فدني اضغط هنا