في حاجات كتير في طفولتي مدمراني
علي قد ما انا حد بيحب ذكريات اوي و بحن لأشخاص كانوا موجودين معايا زمان مش موجودين دلوقتي
علي قد ما انا مدمرة نفسيا لما اتعرض لي في طفولتي
بهرب دايما و بقنع عقلي ان كل الي حصل ده مش صح و انه تهيؤات و دلوقتي مفيش حاجه بس دايما برجع لنقطة الصفر، و من كتر ما بعمل كده مبقتش اعرف اميز بين ذكريات حقيقية و الكدابة و في ذكريات كتير مشوشة في دماغي و مش قادرة افتكرها بجد مش عارفه دي حاجه حلوة ولا وحشة بس مقلقاني
انا حالياً بهرب من نفسي دايما بهرب من اي لحظة ممكن اقعد فيها قصاد نفسي و افتكر اي ذكرى مؤلمة ليا
جوايا مشاعر حزن و بكى كتير اوي جوايا كاتمها مش قادرة اطلعها قدام نفسي حتى علشان محسش بالضعف
من زمان اوي و انا بعاني من مشاكل الطفولة دي و بعيط و بحاول اتعايش بس بتيجي عليا كتير اوي في حياتي و ساعات مبعرفش اتعامل
كمان في مشاكل حصلت في حياتي مؤخراً و صدمة وفاة بابا و مشاكل الي حصلت من بعده كل ده مش قادرة اتخطاه
بيتهيألي اني اتخطيته و بقيت احسن اول نا الاقي لحظة بقيت فيها كويسة بس برجع تاني لنقطة البداية برجع تاني للكل حاجه بهرب منها جوايا
مش عارفه ايه الحل الأول كنت بتابع مع أخصائية نفسية و عندي قابلية لده دلوقتي حاسه اني معنديش طاقة اني اروح و اشرح لحد اي حاجه جوايا علشان هيفكرني بكل حاجه و هيطلع ألم جوايا انا بهرب منه دايما
السلام عليكم ورحمة الله وبركاته المواقف اللى حصلت زمان ده ماضى مش هيرجع ومش هيتغير واللى جاى حضرتك مش شايفاه ومش عارفاه مفيش فأيدك غير أنك تستعينى بالله اولا وتساعدى نفسك ثانيا عشان محدش هينفعك ولا دكاتره ولا دوا المعركه دى بينك وبين نفسك وعقلك ربنا يعينك وتنتصرى أنتى قدها
تم النشر السبت، ١٦ ديسمبر ٢٠٢٣
إذا اقنعتي نفسك أن حياتك مجرد رحلة فيها الحلو والوحش وعلشان تكملي رحلتك لازم تتعلمي من الوحش وتتجاوزيه مش تهربي منه أتعلمي تواجهي مشاكلك والأحداث السيئة اللي مريتي بيها المجهود اللي بتعمليه علشان تتذكري أحداث ده بيرجعك أنك تعيشي الماضي تاني حاولي يكون تذكرك للذكريات الحلوه حسب الصدف اللي هتمر عليك غير كده عدي وتجاوزي علشان نفسك كونك حابسه نفسك في دائرة مغلقه فأي حدث بيمر بيأثر عليكي زائد أن رحلتك زي ما فيها الحلو والوحش فيها ابتلاءات من رب العالمين عليكي الصبر والإحتساب عليها عدي رحلتك وعوضي طفولتك في ولادك بعد كده واستعيني بالله وركزي مع نفسك وحياتك وأهدافك لأن اللي فات مش هيزوك بالعكس هيسحب طاقتك كلها
تم النشر السبت، ١٦ ديسمبر ٢٠٢٣
بكل بساطة الماض اسمه ماضي عشان خلص ويتلخص في كلمة ذكريات....ذكريات نفتكرها كل فين وفين...لكن لو حطيناه قدامنا طوب الوقت حياتنا مش هتتقدم زي بالضبط كدا اللي ماشي وباصص وراه هيفضل يقع ويمشي غلط عشان مش باصص قدامه لكن لو بص قدامه هيعرف يمشي صح ...سيبي الماض وبصي لحياتك ومستقبلك...امجي مع المجتمع...اتفاعلي مع الناس...اتكلمي ..اجري ..انطلقي...لكني متفضليش كدا
تم النشر الاثنين، ١٨ ديسمبر ٢٠٢٣
والله وانا كمان.. بس اسمع اشرب عصفر انقعه بماء يهدي النفسيه.. واقرا كمان سوره البقره.. وحاول تنسى الماضي.. الزعل من الشيطان لانه يبي ابن آدم دايم حزين
تم النشر الاثنين، ١٨ ديسمبر ٢٠٢٣
العصفر مثل الزعفران.. شوفيه بقوقل
تم النشر الاثنين، ١٨ ديسمبر ٢٠٢٣
شكراً جدا علي مشاركتكم
تم النشر الاثنين، ١٨ ديسمبر ٢٠٢٣
ممكن توضحيلي ايه هو العصفر؟
تم النشر الاثنين، ١٨ ديسمبر ٢٠٢٣
لعرض السؤال في فدني اضغط هنا