انا شايفة ان مفيش فرق طالما المخطوبين بيخرجو مع بعض وممكن ساعات يبقو فاكرين نفسهم ازواج ويحصل بينهم حجات مش كويسة زي كأنهم متصاحبين بالزبط
مش معنى أن في مخطوبين بيعملوا كدا يبقى صح خطيب البنت دا ما يزال راجل أجنبي عنها تماما و الخطبة ما هي إلا وعد للزواج الصحوبية دي مش وعد زواج اصلا مجرد بنت و ولد بيخرجوا مع بعض و دا حرام إنما الخطوبة دي وعد جواز يعني مدة و يتجوزوا و دا قدام الأهل طبعا و مايزال لازم بين البنت و خطيبها حدود على فكرة يعني هي مش سايبة زي ما انتي فاكرة
تم النشر السبت، ١٥ يوليو ٢٠٢٣
فى البداية نثلى على النبيى عليه الصلاة والسلام وتانى حاجة إننا مينفعش بنت تصاحب ولد لان دا حرام وكلنا عارفينه وبالنسبة للبنت والشاب المخطوبين ميطلعوش مع بعض او حتى يتكلموا مع بعض غير لما يكون تم كتب الكتاب بعد كدا يقدروا يخرجوا براحتهم
تم النشر الاثنين، ١٧ يوليو ٢٠٢٣
هو اه طبعا مفيش فرق كده غلط وعك وكده غلط وعك
تم النشر الأحد، ١٦ يوليو ٢٠٢٣
الفرق بينها ببساطة: إن المخطوبة: لما كانت أمينة كانت ثمينة. الصحوبية: لما خانت هانت!
تم النشر الأحد، ١٦ يوليو ٢٠٢٣
الصحوبيه بيبقي واحد بيتسلي بلبنت ومستحيل يجي يخطبك لانو اكيد مش هيتجوز واحده مشيت معاه هيدي ثقتو فيها ازاي أنها تربي عيالو وغير كدا البنت دي هتخون ثقه أهلها ولو فعلا بيحب البنت يبقي يجي يخطبها اما المخطوبين بقا بيبقي جاي علشان هو عاوزها وعارف احترامها موديلها ثقتو وبيحبها وغير كدا أهلها عارفين فا كدا مبوظتش ثقه أهلها ممكن اه البنت تصاحب بس في حدود الدراسه او حدود الشغل غير كدا مينفعش
تم النشر الأحد، ١٦ يوليو ٢٠٢٣
الصحوبية بين الولد و البنت حرام حتي لو الاهل عارفين اما ف فترة الخطوبة فلو بحثنا ف الدين كويس هتلاقيه ممنوع من كلل حاجة حتي انه يكلمها لما يبقي يتجوزها يبقي يعمل الي هو عايزه قبل كدة الدين سمحله يشوفها يجلس معاها مع اهلها و اهله غير كدة م مسموح مهو طول فتره الخطوبه ممكن يمشي في اي لحظه ده اولا ثانيا اي ذنب هو عمله قبل الجواز الذنب ده ما تغفرش لسه الذنب لسه موجود الى ان يتجوزوا وكمان تتوب يعني حتى لو اتجوزت الشخص ده هو لسه في ذنب وعلاقتهم ابتدت بذنب ودي حاجه سيئه جدا وكمان ممكن ربنا ما يجعلش في حياتهم البركه فلازم نقرب من ربنا ونركز في اهم النقط علشان ما نندمش بعدين هو اذا كان المجتمع موافق بان في فتره الخطوبه يحصل اي حاجه خارج نطاق التعامل مع البنت قصاد اهلها ده ما يعنيش ان الذنب راح لان ما يغركيش او ما يغركش كثره المذنبين لان كلهم هيتحاسبوا حتى لو البشريه كلها اقرت على الشيء ده كلهم هيتحاسبوا هم مش هيغيروا حاجه من اللي ربنا قالها وغير كده هتلاقي المجتمع ضد الصحوبيه اكثر لان الصحوبيه دي اهلك كمان ما يعرفوش الموضوع ده عنك على الاقل خليهم عارفين علشان لما يحصل مصيبه او لما الشخص ده يمشي يقدروا اهلك يتصرفوا ساعتها مع العلم ان ما فيش اي اجراء ممكن ياخدوه لو كان حصل اي حاجه بارادتك انتي
تم النشر السبت، ١٥ يوليو ٢٠٢٣
أول حاجه ده meaning و ده meaning تاني خالص الفرق المبسط هنا إن الصحوبيه ديه بتبقى فى الخفى حبتين يعني مش قدام كلو بتقولي أنا صاحبي بعتلي مسج أو بيرن عليا أو حتى خارجه معاه كل ده بيكون فى الخفاء ولا إيه رأيك 😀 و على فكره كل ده أصلا لا يصح و مش معترف بيه فى الدين ولا فى السنه و حتي فى المنطق اللي بيشجعوا على كده اغلبيتهم أجانب مفيش واحد عربي هيشجعك على كده غير قله (اللي هما أصلا هيكونوا بيعملوا كده) إنما بالنسبة للخطوبة ديه بتكون فى العلن قدام الكل قدام الحج و الحجه الغاليين على الكل و بيكون أساسها إن الاتنين يتعرفوا على بعض فى نطاق زيارات من الشاب للبنت فى بيتها فى حضور أكيد الحج و الحجه و الأخوات الأعزاء و مفيش حاجه فيها إسمها خروجات ده كلو برضوا لنفس السبب اللي فى الصحوبيه مش محتاج إني اقولهولك تاني و أظن إنك أصلا عارفاه من غير ما كنت اقولوا اصلا بس
تم النشر السبت، ١٥ يوليو ٢٠٢٣
أيا كان الناس بتستغل ولا مبتستغلش دا عمره مهيخلي الغلط صح ولا عمره هيكون عذر عند ربنا
تم النشر الأحد، ١٦ يوليو ٢٠٢٣
تمام في ناس بتستغل دا بحجة ان الخطوبة احسن وكدا رغم ان الفتاة ممكن تفقد عذريتها وقت الخطوبة ويتضحك عليها بس بيتقال عليهم(مخطوبين) احسن مايتقال عليهم متصاحبين
تم النشر السبت، ١٥ يوليو ٢٠٢٣
بالنسبة لما قلته عن أن المخطوبين يخرجون مع بعض ويتصرفون كأزواج ويحدث أمور غير لائقة بينهم، فهذا يعتبر تصرفًا غير مقبول ولا يجب أن يحدث. الخطوبة هي فترة اختبار للتعرف على بعض أكثر وتحديد ما إذا كانا يتوافقان ويناسبان بعضهما للزواج، ولا يجب أن يتم خرق الحدود والقيم الاجتماعية خلال هذه الفترة.
تم النشر السبت، ١٥ يوليو ٢٠٢٣
لعرض السؤال في فدني اضغط هنا