انا تعبان جدا نفسيا وجسديا وعندي خمول طول الوقت وعيلتي مش متناسقين مع بعض وديما بيعملوا مشاكل وانا حاسس اني شايل حاجات كتير اوي وفعلا هموت بحاجه ف القلب ومش عارف اعمل اي
سلمك الله. حدد كل الاسباب التي تشكل ضغوطات عليك، ولا تحمل نفسك عبئًا ليس لك. يعني لا تطل التفكير مثلًا في اضطراب العلاقة بين والديك، المفترض أنهما ناضجين كفاية للتعامل مع ما يقابلهما من مشاكل، أنت كن محضر خير وفقط. افحص نسبة فيتامين د لديك، على الأغلب لديك نقص وهذا يسبب الخمول والضيق والاكتئاب أحيانًا. بالنسبة لمشاكل القلب، الشعور غير كافي للتشخيص، يعني قد تكون المشكلة أن القولون ملتهب فيضغط على الحجاب الحاجز فيؤثر سلبًا على كفاءة الجهاز التنفسي فتشعر بوخز في الصدر أو اضطراب في النبض. وقد يكون استهلاكك من الكافيين مرتفع وبعض الناس للأسف يعانون من خفقان القلب بسبب الكافيين. كذلك راجع نظامك الغذائي وما إن كنت تشرب قدر كافي من الماء. اشترك في نادي رياضي واذهب ولو نصف ساعة هذا سيشكل فارقًا في طاقتك النفسية والجسدية. راجع علاقتك بالله فهي الأساس.
تم النشر الأحد، ١١ أغسطس ٢٠٢٤
المواقف والظروف المحيطة بيك اثرت على نفسيتك بشكل كبير جدا وده واضح من كلام فى البداية كده. حاول تبدأ انك تقوى علاقتك بربنا وتتقرب منه لان ده بدايه لاى مسار ناجح فى حياتنا اكتب كل اللى جواك واللى بتحس بيه ده هيفرق معاك جدا لازم ارادتك تكون قويه وعندك صبر علشان تقدر تخرج من الحالة دى حدد ايه هدفك اللى نفسك تحققه وازاى ممكن تشتغل عليه لو فى حاجه المفروض تنجزها وحاسس انها كبيرة حاول تجزئها واشتغل فيها بس متسيبها فكر فى الحاجات اللي لما بتعملها بتحس بانجاز وبتسعدك وارجع اعملها تانى حاول تغير روتين يومك واعمل حاجات جديده هيفرق معاك جدا الدعم النفسي مهم جدا فحاول لو ليك صديق مقرب او لايف كوتش اتكلم معاهم وشاركهم افكارك ده هيفرق معاك جدا وافتكر دايما ان ربنا معاك فى كل خطواتك وبيساعدك وانك قوي وهتقدر🌷
تم النشر الخميس، ١٥ أغسطس ٢٠٢٤
اولا داوم على الصلاة في المسجد في وقتها ثانيا اذكار الصباح والمساء وظب عليها ثالثا اقرأ يوميا سورة البقرة ثم حاول تمارس رياضة أو تستثمر وقتك في حاجة كويسة شغل أو هواية حلال وادعي ربنا يفرج همك وقول دعاء الحزن وعد حياتك حتتغير للاحسن من سعادة ورزق وبركة بس اهم حاجه داوم عليهم وجاهد الشيطان عشان هو ديما سبب كسل الإنسان وسقمه وكل البيوت بتحصل فيها مشاكل لكن حاول تشوف ايه الي ممكن يصلح الحال بين الأهل تحولوا تقعودا مع بعض قاعدة جميلة وهادئة أو خروجة تعزمهم على عصير او اعمل مسابقات في البيت اي فاعلية تعمل ترابط أسري وكده أما لو هم دائما في خناق متواصل قدامكم ويأثر على نفسيتك حاول تتكلم معاهم بلطف وتقول لهم أن ده خنقك وبيزعلك لعل وعسى تقل المشاجرات وداعي ربنا يهديهم
تم النشر الاثنين، ١٢ أغسطس ٢٠٢٤
السلام عليكم طب لو احنا قلنا لك تعمل ايه هتعمله ولا هتفضل تقول لنفسك انا عندي خمول يمنعني ان انا اعمل اي حاجه انا عندي تعب جسدي. ونفسي يمنعني ان انا اعمل اي حاجه. بصي احنا محتاجين خطوات صغيره صغيره وبسيطه ومش مهم لو بطيئه لان ده اللي هيخلينا نتحرك لقدام ونبدا نكسر فكره انه انا حملان وانا عندي اسباب تمنعني من الحركه وانا عندي اسباب تمنعني من ان انا يعني احقق اي حاجه في الحياه. الافكار هي اللي بتثقلنا اكثر من اي حاجه ثانيه لان انت ممكن يعني نقعد نسرد في امثله لناس نجحت وهم اصلا كان عندهم امراض نفسيه طب هم عملوا كده ازاي لان رغم ان هم عارفين انهم مرضى نفسيين هو عندهم بشكل من الازمات النفسيه او الجسديه الا ان الفكره دي ما كانتش مثقلاهم ما كانتش الفكره دي الا منعاهم ان هم يعني يقوموا يتحرك فالموضوع كله في الفكره لو فضلت تركن لفكره انه انا عندي اسباب كافيه تمنعني من اني اتحرك يبقى حتى لو قلنا لك على حاجات تتعمل. اخذها تعمل بيها. فركز كويس قوي انك تقول لنفسك حتى لو ده موجود بس انا هتحرك ه ودي الحاجه اللي انا ممكن اقول لك اعملها بس اتمنى ان الناس تعملها.تحرك ازاي هعمل حاجات صغيره انا دلوقتي عيلتي مش متناسقين مع بعض يعني ما بينهم مشاكل يعني بيقولوا كل يوم الصبح اخترعوا قصص وحوارات ويتخانقوا عليها طب معلش انت مالك ما انت تقدر تقول صباح الخير يا جاري انت في حالك وانا في حالي صباح الخير يا جماعه انتوا بتتخانقوا طيب انا رايح يعني ايه اشوف حياتي فيها ايه وممكن اعمل ايه حتى لو هتنزل عشان تفكر تنزل تتمشى في الشارع عشان هم عاملين دوشه في البيت وبيتخانقوا انت اللي تقدر تقرر ده عشان تتحرك.
تم النشر الاثنين، ١٢ أغسطس ٢٠٢٤
الف سلامة عليك ، في الغالب عندك احباط ، وقد يكون الاسباب النفسية من الضغوط والمشاكل اللي في البيت هي اللي مسببالك بقية الاعراض. حاول تتكلم مع اخصائي او معالج نفسي يساعدك على تخفيف الضغوط عليك ويعرفك ازاي تتعامل مع مشاعرك وافكارك تجاه عيلتك.
تم النشر الأحد، ١١ أغسطس ٢٠٢٤
أول حاجة، أنا متفهمة شعورك تماماً. لما تكون العيلة مش متناسقة، ده بيعكس على نفسيتك وكمان على جسمك. الخمول اللي بتحس به غالبًا ناتج عن الضغط النفسي اللي عليك. جرب تاخد لك شويّة وقت لنفسك، حتى لو لنصف ساعة يومياً، ابعد عن المشاكل واهتم بنفسك، ممكن تقرأ أو تتمشى في مكان هادي. حاول كمان تتكلم مع حد مقرب لك، سواء صديق أو حتى مختص نفسي، مهم جدًا تعبر عن مشاعرك. وبلاش تحس إنك لوحدك، دايمًا فيه حلول ودعم حوالينك. أهم حاجة هو تبدأ تحط خطوات صغيرة نحو الراحة النفسية. إنت مش لوحدك، ربي يوفقك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأحد، ١١ أغسطس ٢٠٢٤
حاول تلاقى حد تتكلم معاه وتفضض وطلع المشاكل السلبيه الى جواك
تم النشر الاثنين، ١٢ أغسطس ٢٠٢٤
اشتغل اشتغل اشتغل.. اي شغل حتى لو لسه طالب اشتغل الشغل بيلهي
تم النشر الأحد، ١١ أغسطس ٢٠٢٤
حاول تتكلم وتعبر عن مشاعرك دا هيخفف الضغط النفسي اللي عليك مع صديق او حد قريب منك او اكتب االضغط اللي انت حاسس بيه ف يومياتك عادي هتحس انك فضفض وارتحت، المهم حاول تفصل من الضغط دا ، انزل اتمشي وابعد عن أجواء البيت
تم النشر الأحد، ١١ أغسطس ٢٠٢٤
لعرض السؤال في فدني اضغط هنا