مدمن مخدرات نشط
تعافيت ثلاث مرات أكبر مرة كانت أربع شهور و فترة الرجوع مابين فترات التعافي قصيرة
يعني اتعافي و اكون بخير و ارجع اقؤل ياعم مانتا شوفت بتتعافي عادي وسهل والموضوع بسيط
لكن انا حياتي حرفيا مدمرة
ضغط نفسي فظيع في كامل يومي و اكتائاب و بفرح اوي لما بقاوم و افوق وارجع طبيعي زي البشر بس مش بقدر علي الاستمرارية . أريد حل .
روحت مصحه علاجية كاتبولي علي أدوية ديتوكس و هيا بصراحه خلال خمس أيام بتكون جابت نتيجة و قدرت تساعدني علي التعافي و جسمي بيبقي خلاص نضيف و مش عاوز اي مخدرات خلاص و بلعب رياضة سويدي ف البيت لأني ببقي فرحان بنفسي اني رجعت إنسان
بصحتي و بحمد ربنا علي رحمته بيا
لكن الفرحة لا تدوم طويلا
فجأة كدا الاقي فكرة ملحة اوي اوي اوي مابتحلش عقلي ولا بتسيبه غير و منتكس و برجع أندم لكن برضه ندم اهبل كمدا مجرد وقت و اقؤل عادي بقا اهو كام يوم و هتعافي تاني
و علي مدار كل الفترات دي ف الإدمان و التعافي انا بيتي و جيبي وانا مدمرين بسبب الذفتة المخدرات .... يارب حد يقف جمبي في الخير و يقؤلي ازاي اقدر اسيطر علي عقلي أو ازاي اعل سلوكي المؤذي لصحتي و لاولادي و بيتي و جيبي
دى خدعة بتمارسها نفسك عليك بحكم انك عرفت قدرتك... زى اللى بيبقي عارف انه شاطر وبيلم المنهج بسرعة فيفضل يلعب ويذاكر اخر وقت... ميبقاش عارف ان الطريقة دى ممكن تيجى فى مرة وتخذله وتبقي حاجة مهمة ونقطة مصيرية فى حياته مثلا.... فيلعن اعتماده على قدرته دى وقتها لأنها خذلته. لو فكرت نفسك شوية فى ان ممكن مرة من الانتكاسة دى تخسر فيها شىء كبير ولا قدر الله تبقي حياتك.... وقتها قدرتك على سرعة اتعافى مرة تانيه مش هتكون مفيدة خالص. حاول تركز اوى على انك لو جالك الأفكار دى انك ترجع تتعاطى حط كل الاحتمالات اللى ممكن اخسرها فى مرة فى الانتكاسة وان شاء الله هتكون كفيلة توقفك لانك شخص عاوز يحافظ على حياته بشكل تكون فخور بيه.
تم النشر الأربعاء، ٢٠ ديسمبر ٢٠٢٣
شكرا لحضرتك على المشاركة التعافي قد يكون امر سهل وبسيط في أوله ولكن الاستمرار عليه محتاج منك زيادة دافعية للتكملة الأفضل تتابع مع جروبات الدعم اونلاين او اوفلاين ومجموعات naهتساعدك وتاخد بإيدك في ناس فيهم بتكون مبطله يوم واحد وبتكون مجانيه ومتاحة في جميع محافظات مصر لو اخدت ال١٢خطوة كأسلوب علاج فلازم تخلص مرحلة مرحلة ولو وقفت عند مرحلة معينه لازم يكون ليك مشرف وربنا يعينك وتبطل طول عمرك
تم النشر الأربعاء، ٢٠ ديسمبر ٢٠٢٣
بعد التعافي من الإدمان لا بد من الاستمرار في جلسات العلاج والتأهيل النفسي، والانضمام لمجموعة من مجموعات العلاج الجمعي للإدمان.
تم النشر الأربعاء، ٢٠ ديسمبر ٢٠٢٣
ابعد عن صحواب السوء لان دول اول ناس مش حبه ليك الخير ومش عايزنك احسن منهم حاول تاني وهتمون احسن م اي حد وانت ف ايديك تفضل كويس واحسن م اي حد ربنا يعفيك ويقويك
تم النشر الجمعة، ٢٢ ديسمبر ٢٠٢٣
اهم شيئ الانشغال التاك زود الشغل ومتقعدش لوحدك ابدا ابدا اقرا كتب بتحبها انا بصراحة مش متخصصة كلم دكتور يساعدك بس تقوله على الفترة اللى انت بتقع فيها بس انت ما شاء الله تستمر على العزيمة وكلنا كده بس بنحارب لحد مانوصل بفضل الله
تم النشر الخميس، ٢١ ديسمبر ٢٠٢٣
ربنا يشفيك ويعافيك ويبصرك اولا انت محتاج مساعده وقت ما المخ يعرف الادمان في اي شئ مفيش حاجه اسمها اتعالجت وخلاص هتضعف وتتغر بقدرتك عالتعافي وتقول انه سهل وهترجع تاني فانت محتاج متابعه مستمره مع حد متخصص يثبتك ويساعدك ومبدئيا بالورقه والقلم اكتب كل الخساير اللي خسرتها بسبب الادمان وبعدين الاضرار اللي سببتها لكل اللي حواليك بسببه واكتب ايه الاشياء اللي حرمتك المخدرات منها وبعدين اعمل خطه ازاي تصلح كل الخساير اللي اتسببت فيها لنفسك وللاخرين وانصحك بالاستعانه بمختص هيساعدك بامر الله تتجاوز المرحله دي
تم النشر الأربعاء، ٢٠ ديسمبر ٢٠٢٣
التعافي من الادمان تماما لازم زي م نويت تبطل وحابب تشوف نفسك كويس تبعد عن اصحابك ال بيخلوك تعمل كدا وبيشجعوك ع ده لان ببساطه لو حبين ليك الخير هما اول ناس كانت وقفت جمبك وخليتك تبطل ومش تعود تاني وربنا يقويك ويعفيك يارب
تم النشر الجمعة، ٢٢ ديسمبر ٢٠٢٣
عليك بالبعد عن اصحاب السوء والاماكن السيئه،، اجلس مع نفسك وقرر من قلبك اصلح نفسك بنفسك، صلى واتكلم مع الله واساله ان يهديك، واذكر الله كثيرا، واجعل القرآن رفيقك ف محنه التوبه، وعموما الصلاة شفاء وعلاج الامراض وتفريج الكرب والهم
تم النشر الجمعة، ٢٢ ديسمبر ٢٠٢٣
انشغل دايما زود الشغل متخليش في وقت فراغ متقعدش لوحدك واللى معاك يكون بيساعدك على الترك لها ولما تيجي الفكرة كلم حد وانشغل بسرعة وطبعا الدعاء كلنا ملناش غيره خلقنا وهوا عز وجل سبحانه يعينا
تم النشر الخميس، ٢١ ديسمبر ٢٠٢٣
حاول تحافظ علي صلاتك لأنها والله شفاء لأي كرب وقراءة القرآن خليه ملجئك الوحيد
تم النشر الخميس، ٢١ ديسمبر ٢٠٢٣
عليك بمغادرة اصحاب السوء والاماكن الملعونة.. دايما حافظ عل الصلاة ف موعدها انشغالك بيها هيبعد فرصة انك تفتكرها، ممكن تعمل جدول تخفف فيه الجرعة كل يوم بالتدريج بحيث على نهاية الشهر مثلا تكون قاطع، .. وهو جهاد انا عارف شديد بس كلنا بنجاهد يعني، وانت استمر ف المقاطعة واستعين بالله وادعي ربنا يعافيك يارب يعافي كل مبتلى
تم النشر الأربعاء، ٢٠ ديسمبر ٢٠٢٣
لعرض السؤال في فدني اضغط هنا