السلام عليكم ورحمة الله
انا مشكلتي بدأت لما تزوجت رجل وانا عمري عشرين سنة في الخطبة كان شكاك ويفتش أغراضي وجوالي تطور الأمر بعد الزواج بشهر وأصبح يمتلك جوالي ويراقبني ويهددني بالزواج الثاني ويشك اني على علاقة بأحد وانا بريئة من كل ذلك استمر اسلوبه خمس سنوات وبعد إنجاب طفلين اتهمني بعرضي بعد أن اكتشفت أنه على علاقة بفتاة يريد الزواج منها أصر على طلاقي وبعد أن طلقت أجبرني والدي على الزواج مرة اخرى زوجي الثاني كان جيد ولكن لم أكن أريد الحياة لأني لا اجد لها معنى بعد ان احببت زوجي الاول وفعل الافاعيل فيي فاصبحتلا احب احد ولا اثق بأحد وكنت ابكي كل يوم اريد اطفالي أو الموت فطلقني الثاني واعدت اولادي بحضني ولكن أعاني جدا نفسيتي دمرت تماما من الداخل وأكثر شيء افكر فيه أن الموت راحة لي ماذا أفعل
طبعا اللي انتي عشتيه مش سهل ابدا .. ولكن طبيعي طبعا تبقى في مرحلة صدمة .. وحاسه ان اي راجل ممكن يعمل اللي عمله زوجك الاول بكل سهولة .. ولكن هل ده ممكن يحصل .. ممكن اه وممكن لا.. يعني مفيش علاقة مضمونة 100% .. مقدرش اقولك هتشوفي ايه في زواجك .. بس اللي اقدر اقوله ليكي .. انك للتسف كنتي صغيرة جدا على تجربة الزواج، وفي نفس الوقت انتي لقيتي من الشخص ده اشياء في الخطوبة المفروض وقتها مكنتيش تكملي معاه، زي انه شكاك، يفتش ف اغراضك وهكذا .. للاسف انتي كنتي ضحية لانسان مريض، وغير سوي. ولكن اللي اقدر اطمنك فيه، انك دخلتي تجربة المفروض انها اصقلتك .. عيشتي تجربة واتعلمتي منها .. يعني لما تيجي تختاري حد بكره هيكون عندك وعي، انتي بتختاري ايه بالظبط؟ الحياة فيها كتير .. فيها الحلو والوحش .. حاولي تتقبلي الججزء ده من الدنيا، واعرفي ان بالرغم من التجربة المريرة اللي انتي عيشتيها .. الا ان فيها تجارب مستفادة.
تم النشر الأحد، ٣٠ يوليو ٢٠٢٣
ربنا يعوضك بالفضل افضل حاجة للخروج من الشعور دا هو انك تغيري من وضعك يعني لو مش بتشتغلي ابحثي عن شغل مناسب ليكي العبي رياضة جيم اقصد لو تقدري تخلي اولادك يتمرنوا رياضات مهمة برده وديهم واتعرفي علي ناس جديدة اخلقي ليكي مجتمع جديد غيري من استايل لبسك كل دا حيحسسك بالتغيير وحتحسي ان في تجديد وربنا ييسر لك امرك
تم النشر الأحد، ٣٠ يوليو ٢٠٢٣
طبعا دى تراكمات كتيرة وانتى متخلصتيش من اثر الزواج الاول عشان يبقى الزواج التانى مناسب او حياة افضل ومحتاجة تعافى صحيح من الموضوع كله ومن الاثر اللى سابه فيكى الاول . المشكلة كلها فى موضوع الاولانى كنت بحبه ...فضلتى تحبيه وهو بيعاملك غط ومعرفتيش ترفضى اللى بيعمله وسيبتيه هو اللى يوصل انه يسيبك .....ده كله بسبب عدم احترامك لقيمتك كانسانه وده اللى لسه مستمر معاكى وشايفة انك بلاقيمه بردوا رغم انك الحمدلله سليمة معافاه واولادك فى حضنك . طبعا عدم الاحساس بالقيمة ده بسبب التخبط النفسي اللى انتى فيه وواضح ان محدش ساعدك ولا اصلا حد مفهمك اى حاجة من اهلك . انتى محتاجة حد يسندك فى فترة التعافى والتشافى ومحتاجة تزودى وعيك انصحك تقرأى كتاب علاقات خطرة ..د.محمد طه وتلجأى لاخصائى نفسى لو تقدرى ماديا او تستخدمى الخدمات المجانيه النفسية المتاحة من وزارة الصحة .
تم النشر الأحد، ٣٠ يوليو ٢٠٢٣
حبيبتي متزعليش نفسك كده، الدنيا مش وحشة للدرجة دي. انتي لسه شابة وعندك عمر كامل قدامك. اول حاجة لازم تعمليها إنك تحاولي تنسي الماضي ده كله وتركزي على اللي قدامك من مستقبل وأولادك اللي محتاجينك. ما تخليش أخطاء الناس تأثر عليكي، أنتي إنسانة قوية وقادرة تكملي حياتك بنجاح. خلي بالك من نفسك وصحتك النفسية، واطلبي المساعدة لو احتجتيها. بس المهم ماتستسلميش، الأيام الجاية ممكن تكون أحسن بكتير لو عرفتي تتخطي الفترة دي. ربنا معاكي يا قمر وإن شاء الله ترجعي سعيدة تاني.
تم النشر الأحد، ٣٠ يوليو ٢٠٢٣
اعلمي ان كل محنة هي منحة من الله وانا كل ابتلاء اختبار
تم النشر الأحد، ٣٠ يوليو ٢٠٢٣
حسبي الله ونعم الوكيل
تم النشر السبت، ٢٩ يوليو ٢٠٢٣
اصبري اكيد في حل اشتغلي وربي اولادك وكوني لهم قدوة ولا تفكري في الانتحار كده مش هتاخدي لادنيا ولا اخره وحقك ربنا هبجبولك في الدنيا قبل الاخره اصبري ربنا بيختبرك بس بيشوفك هتصبري ولا هتعملي اي وقولي حسبي الله ونعم الوكيل
تم النشر السبت، ٢٩ يوليو ٢٠٢٣
لعرض السؤال في فدني اضغط هنا