في المسأله دي محتاج فدني بجد محتاج مساعدتكم ولو بآيه قرأنيه تخفف عني
انا عندي امتحان الفتره دي ولما بذاكر بكون عارف ان في حاجات عليا كان لازم تخلص ولكن لما فوقت وبدأت اذاكر او في معظم مذاكرتي باي وقت
عندي «وسواس دايما يقولي مش هتلحق مش هتوصل مش هتخلصي حاسس ان عقلي اكبر سبب في فشلي اني ادرس خصوصا لما بشوف الطلاب الاوائل وهما بيقولوا إن اعصابهم بارده»
دايما مشكلتي لما اتأخر اني بحسبها وعارف اني مش هلحق اخلص اللي لازم يخلص وزعلان من نفسي اني دايما حاسس بالتواكل على ربنا وكل سنه اقول ربنا هيوفقني في الاخر زي كل مره بس من جوايا بحلم اكون وسط الناس اللي بتخلص السنه عامله اللي عليها من جوايا اكون راضي عن نفسي اهم من اني اكون من الاوائل بس الشيطان طول السنه ما بيسيبني وبيقولي منتا كدا كدا مش هتخلص كدا كدا مش مكانك
كدا كدا هيكون الامتحان غير اللي اتعلمته اه يانفسي الان وما حالك وانت تألمين 😔
بجد لو حد مر بمشكلتي واتعافا منها يقولي الطريق انا دلوقتي خايف لاني عارف اني مش هلحق فمليش نفس اذاكر
فى البداية كده.من الواضح انك شاب طموح وبتحاول لكن جواك شعور انك مش هتقدر والوقت فات انك تحاول لآخر وقت وتعمل اللى عليك ده المطلوب منك. مستسلمش لأى شعور سلبى يوقفك مكانك انك بتفكر انك توصل اصلا ده مؤشر انك شخص مش حابب تقف مكانك وعايز توصل لهدفك وعشان ده يحصل لازم تحدد هدفك وازاى تقدر توصله.وتحدد أولوياتك ده مهم جدا.تنظيم وقتك هيخلى الموضوع معاك مختلف وفى نظام. وقبل كل ده لازم تكون واثق من نفسك انك هتجتهد وتوصل لهدفك اللى بتحلم بيه وخليك دايما واثق أن ربنا معاك في كل خطواتك وبيساعدك.وخليك واثق دايما انك هتقدر🌷
تم النشر السبت، ٢٢ يونيو ٢٠٢٤
كتير مننا بيعاني من التسويف وتأجيل المهام الحياتية فلازم تدرك انك مش لوحدك. خلينا نتفق علي انك تعمل جدول للمهام المطلوبة منك ويكون أساسي ف يومك انك تخلص المهام دي. لازم تعمل ورد يومي لقراءة القرآن هتحس بإرتياح شديد. خليك واثق انك هتنجح وهتعدي الأزمة دي بس لازم شوية مجهود منك علشان تقدر تتخطى الأزمة دي
تم النشر السبت، ٢٢ يونيو ٢٠٢٤
السلام عليكم ورحمة الله وبركاته، إن شاء الله موفق بامتحاناتك. دعني أخبرك أولًا أنه لا فائدة من كل هذه الأفكار وذلك الوسواس الذي يوحي لك أنّك لن تستطيع الإنجاز ولن تلحق، كل هذا لن يغير من واقع أنّك واقف مكانك ولا تقوم بما عليك فعله ولن يغير من كون هذا الوسواس لن يفعل إلا تثبيطك ولن يزيدك إلا إحساسًا بالذنب والإحباط. لا تهتم لغيرك من الطلاب الذين تقول أنّ أعصابهم باردة... أولا الشخصيات وردود الأفعال تختلف ودعني أخبرك أيضًا أنه حتى من بين هؤلاء المتفوقين من يشعر بتوتر الأعصاب والخوف والقلق وربما لا ينام ليلة الامتحان. هذه المشاعر طبيعية جدًا، المهم ألا تدعها تعيقك وتؤدي إلى فشلك. لا تفكر أبدًا أنّك لن تلحق... فقط لا تضيع وقتك وذاكر قدر ما تستطيع، كل معلومة تستذكرها مهمة... أحيانًا معلومة تقرأها في الوقت بدل الضائع قد تتفاجأ بها في ورقة الامتحان وهذا حدث معي كثيرًا. ثانيًا، تجربة جميلة نفعتني جدًا وباركت في وقت وتحصيل مذاكرتي في امتحانات دراستي العليا وإن شاء الله تنتفع بها أنت أيضًا... قسم وقت مذاكرتك 25 أو 50 دقيقة ركز خلالها في الدراسة ثم افصلها ب5 أو 10 دقائق راحة ستقرأ خلالها بعضًا من القرآن الكريم. هذه الفكرة كانت نصيحة على فيسبوك من بعض الطلاب الذين انتفعوا بها وقررت استخدامها أثناء امتحاناتي والحمد لله أديتها بكفاءة ونجحت... حتى امتحانات الشفوي والعملي التي كنت متوترة وخائفة من دخولها استغليت الذكر والقرآن في الهدوء قبل الامتحان والحمد لله وفقني الله في إجاباتي. لذا دعك من التسويف والخوف وابدأ ولا تفكر أبدًا أن المشكلة في قلة الوقت... يمكنك تحصيل أكبر كم من المعلومات في وقت أقل إذا ركزت وتوقفت عن التشتت. (study smarter not harder) ولا تنس أن تحدد نيتك من الدراسة والمذاكرة وتخلصها لوجه الله وتحافظ على أذكار وأدعية المذاكرة والامتحانات وغيرها. بالتوفيق إن شاء الله.
تم النشر السبت، ٢٢ يونيو ٢٠٢٤
أولاً، خليني أقولك إنك مش لوحدك في الشعور دة. كتير من الناس بيمروا بنفس الحالة وبيواجهوا نفس الوساوس. المهم انك تكون واعي إن مشكلتك ممكن تتحل بالصبر والإيمان بنفسك. فيما يخص حكمة للتشجيع، خذ دي المثل: "النجاح مش بيوصل للناس بالقدر، النجاح بيجي للناس اللي بيجتهدوا". يعني حاول تعطي نفسك وقت علشان تركز في هدفك وبلاش تخاف من الفشل، لان الخوف هو أكبر عائق. وفي القرآن، آية جميلة ممكن تساعدك تهدي نفسك: "وَقُل رَّبِّ زِدْنِي عِلْمًا" (سورة طه، آية 114). ركز في الدعاء وربنا هيعطيك العلم اللي تقدر بيه تواجه الامتحانات. دلوقتي، عندي لك شوية نصائح علشان تتخلص من التوتر وتخليك تذاكر بتركيز: قسّم وقتك: خلي وقت المذاكرة مقسم لفترات قصيرة بحيث يكون في راحة بين كل فترة والتانية. ابتدي بالحاجات السهلة: اول ما تبتدي بالمذاكرة، ركز على المواد السهلة علشان تعطي نفسك دفعة من الثقة. نظم أهدافك: اعمل قائمة بالحاجات اللي لازم تخلصها وأولوياتك، ومش لازم تكون مثالية. ابدأ بالحاجات الاعلى اهمية. شيل وساوس الفشل: كلما يجيك شعور انك مش هتقدر تخلص، افتكر كل مرة نجحت فيها قبل كدة وازاي تجاوزت الصعوبات. وأخيراً، خلي عندك ثقة في ربنا وفي نفسك. انتا تقدر تحقق حلمك بس لازم تصدق في نفسك وتديها الوقت اللي تحتاجه. بعد كل ده، اهتم بصحتك النفسية وما تسمح للتوتر يسيطر عليك. ربنا معاك وانت قدها إن شاء الله. 🌸
تم النشر السبت، ٢٢ يونيو ٢٠٢٤
قل اعوذ بالله من كل هم وضيق وثق بان الله سيكون عونا لك وكلما ضاقت بك الجأ إلى الله وان شاء الله يفرجها عليك
تم النشر السبت، ٢٢ يونيو ٢٠٢٤
كل ما تحس انك كدا اقف شويه و خد انفاس عميقه ببطأ و اذكر ربنا و كرر دايما لنفسك ان انت هتقدر و انت مش اقل من اي حد
تم النشر السبت، ٢٢ يونيو ٢٠٢٤
لعرض السؤال في فدني اضغط هنا