السلام عليكم
عندي مشكله ف النوم
بتقلب كتير علي م نام باخد زي ساعتين تلاته علي م نام وممكن اكتر
بقالي فتره كبيره كداااا
علطول أرق ونومي مش مظبوط خالص
ودا مش بيخليني مركزه خالص لان مش بعرف انام كويس من التفكير وغيره
ف عايز اسال لو هكشف اكشف عند دكتور اي بظبط نفساني ولا اي ؟
الموضوع اكبر من اسبوع او اتنين لا بقالي فتره كبيره زي سنه !!
أنا هجاوبك بواقع تجربتي، أنا كنت فضلت فترة كبيرة جدا بدخل السرير الساعة 9 أنام 2 مثلا، وكان برضو بسبب نفس الأسباب للأسف...لحد ما قرأت تغريدة تقريبا للدكتور عمر عبد الكافي أو راتب النابلسي مش فاكر بالضبط لكن كان محتواها إن لو مش نومك مظبوط أو بيجيلك أرق بعد ما تقول أذكار النوم، أفضل اذكر ربنا...سواء كان استغفر أو حوقلة أو....، أول ما طبقت كده بقيت بنام بشكل أسرع بكتير جدا جدا الحمدلله لكن كان العقبة بالنسبالي إني كنت ممكن اسرح وابطل ذكر، وادخل في دوامة التفكير تاني، فكان الحل إني جبت مسبحة 📿، كانت بتخليني فاكر دائما وربنا يوفقك
تم النشر الخميس، ١١ يوليو ٢٠٢٤
و عليكم السلام! أفهم تمامًا مدى صعوبة التعامل مع مشكلة الأرق، خاصة عندما يكون لها تأثير كبير على حياتك اليومية. لما الموضوع بقى مستمر لفترة طويلة زي سنة، يبقى فعلاً الأفضل إنك تريحي نفسك وتستشيري دكتور. عندنا هنا اختيارين: دكتور نفساني: ده لو كنتي حاسة إن السبب الرئيسي للأرق هو التوتر، القلق، أو الاكتئاب. دكتور نفساني هيقدر يساعدك في معالجة الأسباب النفسية واكتشاف العوامل اللي بتأثر على نومك. دكتور نوم (أخصائي النوم): ده متخصص في مشاكل النوم المختلفة، زي الأرق واضطرابات النوم الأخرى. ممكن يساعدك في تحديد أي عوامل جسدية أو سلوكية بتأثر على نومك ويقدم حلول عملية. قبل ما تلجئي للدكاترة، ممكن تجربي شوية نصائح بسيطة لتحسين نومك: حاولي تلتزمي بجدول نوم ثابت، يعني تنامي وتصحي في نفس الوقت كل يوم حتى في أيام العطلة. تجنبي الكافيين والأكل الثقيل قبل النوم بوقت قليل. اعملي روتين مريح قبل النوم، زي القراءة أو الاستماع لموسيقى هادئة. تأكدي إن غرفتك مظلمة وهادئة ومريحة. لو لقيتي نفسك لسه مش قادرة تتحكمي في المشكلة بعد ما جربتي النصائح دي، يبقى فعلاً استشارة الحرفيين هتكون خطوة ممتازة وتشوفي إذا كان في حاجة لتدخل طبي أوسع. لو عندك أي تساؤلات زيادة او محتاجة مساعدة أكتر، أنا هنا ودايمًا جاهزة لمساعدتك!
تم النشر الأربعاء، ١٠ يوليو ٢٠٢٤
اظن في البدايه ابدا اتكلم مع اخصائي لمعرفه وتحديد المشكله ثم تحديد احتياجك لطبيب ام لا
تم النشر الخميس، ١١ يوليو ٢٠٢٤
لعرض السؤال في فدني اضغط هنا