السلام عليكم ورحمة الله وبركاته
انا عندي ١٥ سنه وانا في الأسبوعين اللي فاتو كنت بذاكر ليل ونهار وبنام سعتين او تلاته بالكتير واديلي يومين بقيت العكس بنام ليل ونهار وبصحي سعتين ومش بذاكر ولا عايزه اروح دروس ولا اكل انا كل اللي بعمله هوا النوم وماما تعرف واحده يعني هي بترقي وكده روحت عندها قالتلي ان عندي حسد شديد وقالتلي حلولي تقاومي ومتناميش بس انا مش قادره فلو حد هنا مر بحالتي او يعرف حاجه يفدني ضروري بأسرع وقت وجزاكم الله خيرا
ومع العلم انا مش بسيب فرض ولا سنه ومنتظمه علي الصلاه الحمدلله وبصوم اتنين وخميس يعني لو كنت نايمه في سابع نومه واسمع صوت الأذان بقوم علطول الحمدلله اتحسد في الدراسه بس لان اللي بعمله مع ربنا مش بقول عليه لحد لكن الدراسه انا مكنتش اعرف لأنها اول مره تحصلي
ارقي نفسك رقية العين والحسد اقري اذكار الصباح والمساء كل يوم متكسليش عنها ممكن اللي حصل ميكونش حسد ..هو ممكن اللي حصل انك تعبتي نفسك جدا في المذاكرة على حساب نومك فعقلك وجسمك تعب .. فجسمك بيريح غصب عنك. الامر بسيط ان شاء الله قسمي يومك .. ذاكري ساعة وارتاحي ١٠ دقايق او ربع ساعة .. وارجعي كملي مذاكرة ساعة وارتاحي تاني .. وهكذا .. دا هيساعدك تكوني مركزة اكتر ونشيطة نومك لازم يكون منتظم .. من ٦ ل٨ ساعات على بعض كل يوم .. نامي ١٠ او ١١ بالليل واصحي ع الفجر صلي وابداي مذاكرة كام ساعة ونامي بعدها قيلولة نص ساعة او ساعة بعد الضهر. كلي كويس واشربي ميا .. وهتلاقي جسمك استعاد نشاطه وتركيزه من تاني. ربنا يوفقك 🌷
تم النشر الأحد، ٥ مايو ٢٠٢٤
لعرض السؤال في فدني اضغط هنا