ازاي ابقي واثقة في نفسي وواثقة في طريقه كلامي مع الشخص اللي قدامي وابقي واثقة في كل حاجه حوليا
عدم الثقه بالنفس بتيجي من اننا بنركز علي اللي قدامنا بيستقبل كلامنا ازاي و يا تري هو شايفني ازاي طب رد فعله ايه طب هل انا كنت بتكلم كويس ولا لا طيب دول ممكن يتريقو عليا ف بالتالي لما ابقي رايحه اكلم حد و حطه كل الحاجات دي في دماغي هتلعثم و مش هعرف اتكلم طيب الحل ايه ؟ الحل اني اركز في الكلام اللي هقوله و مركزش اللي قدامي هيستقبله ازاي و ابقي عارفه اني شخص مش قليل و ان كلامي مهم و ابقي عارفه قدر نفسي كويس طول مانا مركزه علي نفسي اكتر ما مركزه اللي قدامي شايفني ازاي لا هتحسي انك قليله وهتبقي واثقه في نفسك و هتعرفي تتصرفي في اي موقف انتي محطوطه في و خليكي عارفه ان اللي حواليكي مش مركزين في الكلمه اللي تلغبطي فيها وانتي بتكلمي ولا الحاجه اللي نسيتي تقوليها لا عادي اتعاملي عادي ومتديش المواقف اكبر من حجمها و ركزي علي نفسك اكتر من تركيزك في اللي حواليكي و شايفينك ازاي ❤️
تم النشر الاثنين، ٣ أبريل ٢٠٢٣
هتكونى واثقه لو انتى افكارك ومبادئك مصدرها قوى وموثوق ..مش هتتهزى ولا هتحسي ان ممكن اللى قدامك يكون اقوى لانك ثقتك فى نفسك نابعه من صدق وثقة المصدر. زى ما تكونى مثلا عارفه حديث صحيح عن الرسول عليه الصلاة والسلام...فلو حد بيتكلم فى حاجة عكس الحديث ...هتكونى واثقه وانتى بتقوليله لا طبعا اللى انت بتقوله غلط والدليل اهوه. ثقتك بقي فى شخصيتك وفى قراراتك واختياراتك لازم تبقي كده بردوا ....وميكونش حد ليه احقيه انه يراجعك فى طبيعتك ولا يهزك في انه ينتقد حاجة فيكى مثلا. دايما يكون عندك اعتزاز بكل حاجة فيكى ...اى كانت ...مميزات او عيوب. خلى كلامك واضح وبيكون من جمل قصيره ورا بعض ...ده هيديكى ثقة اكتر ان شاءالله.
تم النشر السبت، ٨ أبريل ٢٠٢٣
بتاخدي نفس عميق قبل متدخلي اي محادثه او تفاعل مع حد وبتحددي بشكل ذهني الحجات الي هتتكلمي فيها طيب الحديث اخدكم لمناطق ملكيش خبره فيها اسمعي متفتيش او تحاولي تبيني انا عارفه الموضوع قوي لا حسسي بس الي قدامك انك منتبه لكلامه ومهتمه كمان اسمعي اكتر متتكلمي لو اندفعتي بالكلام وارد هيكون في اخطاء كتير بتحصل منك لكن لو هديتي وسمعتي عشان ردودك تكون محسوبه وهتلاقي جزء يخص مجال خبرتك انطلقي ف الحديث فيه وابرزي قد ايه عندك المهاره دي
تم النشر الثلاثاء، ٤ أبريل ٢٠٢٣
ايه اللي حصل خلاكي تفقدي الثقة في نفسك؟ وايه قصدك بانك تثقي في كل حاجة حواليكي؟
تم النشر الثلاثاء، ٤ أبريل ٢٠٢٣
إليك بعض النصائح لزيادة الثقة بالنفس: 1. العناية بالمظهر: يمكن أن يزيد الاهتمام بالمظهر الشخصي من شعورك بالثقة، وهذا لا يعني القيام بتغييرات كبيرة في المظهر ولكن يمكن البدء ببعض التغييرات البسيطة مثل تغيير في تسريحة الشعر أو شراء ملابس جديدة. 2. التمرين على التحدث بوضوح: حاولي تمرين العمل على تحسين طريقة كلامك بالعمل على قواعد اللغة العربية وممارسة الكلام الواضح أمام المرآة. 3. الاهتمام بالصحة النفسية: حاولي تحسين صحتك النفسية من خلال القراءة عن الإيجابية والتفاؤل. 4. الممارسة: الامر الأكثر أهميه هو الممارسة في القيام بالأمور التي تحتاج إلى الثقة بالنفس، كالعرض على الآخرين بمشاريعك الشخصية وأحلامك. 5.التفكير بإيجابية: حاولي إعادة صياغة الأفكار السلبية إلى أفكار إيجابية وحافظي على تفكيرك بشكل إيجابي، 6.التعلم: اكتساب مهارات جديدة وتحسين المهارات الحالية يمكن أن تزيد من شعورك بالثقة بالنفس. وأخيرًا، تذكري أن الثقة بالنفس هي شيء يحتاج الوقت لتطويره ولكن مع التمارين اليومية والعمل الدؤوب يمكن أن تحققي هدفك في زيادة الثقة بالنفس والشعور بالثقة تجاه كل ما حولك.
تم النشر الاثنين، ٣ أبريل ٢٠٢٣
نا نفس مشكلتك لا و كمان بتلغبط ف الكلام😭😭
تم النشر الثلاثاء، ٤ أبريل ٢٠٢٣
لعرض السؤال في فدني اضغط هنا