طلبت فستان من بنت معايا في الجامعه أونلاين، تمام
الفستان مكنش زي اللي في الصورة خالص كلمتها قالت لي مينفعش يرجع بسبب إن من اسبوعين لما كانت منزلة صورة الفستان وسعره اللي هو ٤٨٠ قلت لها تحجزه بس متطلبهوش غير الأسبوع اللي هننزل فيه الكلية لان كليتنا أسبوع حضوري وأسبوع اونلاين تمام هي طلبته اول ما قلت لها تحجزه قلت لها آخده منك في الاسبوع الحضوري وكده وخدته منها امبارح وبحكلها على المشكلة بتقولي مينفعش عشان عدا عليه اسبوعين مع إني لسه مستلماه امبارح؟ ممكن تقولولي اعمل إيه لأن الفستان كدة مش هيتلبس والفلوس هتبقى راحت عليا؟ وكمان بكلمها مش بترد 😥😥
السلام عليكم. يعني لازم تبقي عارفه انه ده من عيوب الشراء اونلاين وخصوصا لما تكوني بتتعاملي مع افراد يعني مش مع شركه او موقع هيكون ليه فاتوره ضريبيه والكلام ده فموضوع انك تقدري توصلي لحل هيكون صعب شويه مش هيكون قدامك غير انك تقدري تعرضي انتي الفستان لحد ثاني ممكن الفستان يناسبه بعيد يعني دي اكتر حاجه انت تقدري تعمليها. لكن هي بالنسبه لها انت من وقت ما قلت لها اطلبي لي ده واحجزي لي ده فهي بالنسبه لها كده ده خلاص اوردر ففعلا خلاص هو عدى عليه اسبوعين يعني مش تقدري تقولي لها لا انا قلت لك اطلبي الاسبوع اللي بعديه كنت ممكن تقولي لها خلاص اجلي لي الاوردر دلوقتي فاا اعتبريها تجربه بس تتعلمي منها. ازاي تتعاملي مع مساوئ الشراء اون لاين وازاي تحاولي تتجنبيها في اي مره ثاني تطلبي فيها يعني؟
تم النشر الخميس، ٥ ديسمبر ٢٠٢٤
أختي العزيزة، أقدر تمامًا مشاعرك تجاه هذه المشكلة. من الواضح أن ما حدث تسبب لك في إحباط، وخاصةً أنه كان لديك توقعات معينة. أولًا، يجب أن تتذكري أن لديك حقوق كمستهلك. إذا كان الفستان مختلفًا تمامًا عن ما تم عرضه في الصورة، يمكنك التفكير في بعض الخطوات: التواصل : حاولي مرة أخرى التواصل مع الفتاة واستفسارها عن سبب عدم الرد، فقد تكون مشغولة أو تمر بظروف معينة. مع ذلك، يجب أن تُبيّني لها أن لديك حق في الحصول على منتج مطابق لما تم ترويجه لك. البحث عن سياسة الإرجاع : إذا كانت الفتاة لديها سياسة إرجاع أو استبدال، اعملي على التفاوض معها بخصوص استرجاع الفستان أو استبداله بشيء آخر. التوثيق : إذا كان لديك رسائل أو صور تُظهر الفستان كما كان مُعلنًا عنه، احتفظي بهذه الأدلة لدعم قضيتك إذا احتجت إلى ذلك. أخذ نصيحة : يمكنك الاستعانة بشخص تثقين فيه، سواء كان أحد أصدقائك أو أفراد عائلتك، للحصول على رأي أو نصيحة إضافية. التفكير في الدروس المستفادة : حتى لو لم يتم حل المشكلة كما كنت تأملين، حاولي أخذ هذا كدرس حول كيفية التعامل مع الشراء عبر الإنترنت في المستقبل، كفحص المنتجات وشروط الإرجاع. أتمنى لك التوفيق في حل هذه المشكلة. إذا احتجت إلى المزيد من الدعم، فلا تترددي في طلب المساعدة.
تم النشر الثلاثاء، ٣ ديسمبر ٢٠٢٤
يبقي استعوضي ربنا .. و بعد كده اعملي حسابك الدفع يبقي عند الاستلام و التحقق من الحاجه الأول .. جهاز حماية المستهلك لو كتبتيها علي جوجل و خدتي اول رابط تفهمي كل شيء .
تم النشر الثلاثاء، ٣ ديسمبر ٢٠٢٤
هو اي جهاز حماية المستهلك؟ وازاي اتواصل معاهم؟
تم النشر الثلاثاء، ٣ ديسمبر ٢٠٢٤
حضرتك انا طلبت منها وتساب و الشات موجود ونزلت اخدت الفستان وخلاص كده؟ وحصل اللي حصل؟ مكنش في فاتورة بس
تم النشر الثلاثاء، ٣ ديسمبر ٢٠٢٤
لو معاكي فاتورة تثبت الشراء .. اتصلي ليها و قوليلها انك هتتصل بجهاز حماية المستهلك و تسجلي شكوي رسمية و انك كمان تنزلي بوست علي السوشيال عند حد عنده جمهور كتير و تنزلي تجربتك صوت و صورة باللي حصل معاك كل ده لحد اما حقك رجعلك لانك كده اتعرضتي للنصب و عرفيه انك تذكري اسم الشركة بتاعتهم صراحة و كمان هتتخذي كل الإجراءات القانونية ضدهم ، و شوفي رد فعلها ايه ، توقعي انها تقولك ربنا يوفقك اعملي اللي تعمليه ، بعدها لو ده حصل اتصلي فعلا بجهاز حماية المستهلك و شوفي الإجراءات ، لكن خطوة السوشيال متعمليهاش علشان دا ممكن يتحسب تشهير لو معملتينوش بطريقة صحيحة ، و في الحل الاسلم اللي بنصح بيه اي حد يشتري سوشيال او اونلاين ، بلاش انزل لف علي المحلات و خد حاجتك بنفسك ،
تم النشر الثلاثاء، ٣ ديسمبر ٢٠٢٤
لعرض السؤال في فدني اضغط هنا