السلام عليكم
وانا بكتب الكلام مكنتش عارفه ان البوست هيبقي كبير كدا انا اسفه على الاطاله بس الموضوع بالنسبالي مهم...
انا بقالي فتره بتعلق بناس كتير لمجرد انهم بس بيساعدوني في اي حاجه سواء في شغل في مواصلات حتى لو كنت بخلص ورقه
انا من الفيديوهات الي سمعتها عن التعلق دا فهمت اني عشان ملقتش الحب من وأنا صغيره بس انا اهلي كانو بيحبوني وبيعملوني حلو عادي بس لما لما اسمع كلامهم واجي على نفسي كتير في حاجات ودا عرفته واخدت بالي منه لما كبرت زي مثلا ممكن اتنازل اني اجيب لبس وكنت اكتفي اني اخد لبس من بنات قريبي بس انا كنت بعمل كدا لان بابا كان بيصعب عليا لاننا بنات كتير وكمان في حاجات في جهازي او حتى في الرفهيات الي اخواتي البنات عادي بيطلوبها انا شايفه ان دا حقهم عادي ومش زعلانه اني مريت بحاجه زي كدا
بالعكس انا فخوره بنفسي بس من فتره قريبه كان والدي مصمم اني اتخطب لحد معين وانا علشان والدي كان فرحان ب الشاب ووافقت علشان كنت فرحانه انه فرحان بس لما كنت مخطوبه كنت مخنوقه ومكنش عندي تجاه اي قبول بس قولت انا كدا هظلم نفسي وهظلمه قولت لا بعد تفكير طويل ف بابا مكنش راضي يفسخ الخطبه وازاي انتي تقولي على حاجه لاء انا اديت كلمه بس انا وقتها كنت حساه اني شخصيه ضعيفه مش عارفه ادافع عن نفسي وكلمت فتره ومسحملتش وقولت لا وبقيت مصصمه على الفسخ لاخر لحظه ووالداي وقتها مكلمنيش وقعد يعاملني معامله وحشه مكنتش متخيله انه يتغير معايا بالشكل دا ومن ضمن الكلام الي كان بيقوله ليا انتي هم على قلبي امتي تمشي من البيت بقا انتي بقيتي كبيره وانا اصلا سني ٢٣ سنه ولخد الان بيوجهه ليا كلام بيوجع زي ما تغوري بقا
المهم بقيت حاسه اني لوحدي في الحياه والدي الي كنت متعلقه بيه وبقول لنفسي مستحيل يعاملني وحش دا انا عمري ما دايقته وباجي على نفسي كتير كنت بوفر عليه حاجات كتير واقول معلش بكرا اشتغل واجيب لنفسي كل الي نفسي فيه ولما اشتغلت كنت حوشت مبلغ بالنسبالي كبير ادتهاله مقابل الخطبه الي خسر فيها وبعد المبلغ دا يعتبر اصلا مخسرش حاجه والغريب انه مبيقبلش ياخد فلوس من الغريب وعادي هد مني وكنت بجد مصدومه 😅
المهم سؤالي هنا انا بقيت بتعلق بأي شاب بيقدم ليا اي مساعده في اي حاجه وافتكر انه كمان بيفكر فيا زي ما انا افكر فيه وارسم لنفسي خيالات واحلام وحاجات كتير وهو اصلا ولا على باله ومعتبر عادي مساعده انسانيه مش اكتر.
مثال قريب حد حجز ليا مكان علشان بس اني من بلده لان المواصلات كانت صعبه في اليوم دا وصعب القى مواصلات
تعلقت بيه وبقيت ادور عليه دايما في المواصلات وشغاله نفسي بيه وحد تاني معايا في الشغل كان حصل موقف في الشغل فقام دافع عني اتعلق بيه وبقيت اتابع هو فين وجيه الشركة انهارده ولا لاء وبفرح اوووي لما يتكلم معايا حتى لو في الشغل كلام عادي خالص بس بفرح 😂
الامثله كتير زي كدا فأنا مبقتش عارفه اعمل اي واركز علي شغلي ومعلقش قلبي بحد لاني دايما لما بعلق قلبي بحد بوقف حياتي عليه واركز في حياته وادخل الفيس بتاعه واشوف هو بينزل اي ومن بعيد لبعيد وهو اصلا ولا على باله حاجه واديق بقا ازاي يشوفني وعادي ولا كأنه شافني بستغرب وبقعد اعيط واحس اني مش مرغوب فيا
ممكن حد يقولي طريقه عمليه اني احب نفسي واهتم بيها ومش اخليها عرضه لمواقف زي كدا؟!
أعتقد أنكِ في حاجة لملأ وقت فراغك بما ينفعك، ركزي في حياتك وما يجب أن تفعلينه في هذه الفترة منها وضعي أهدافًا مهمة تنفعك في حياتك ومستقبلك. عندما تملأين وقتك بما هو أهم لن تجدي وقتًا لتفكري في الأمور التافهة. إضافة إلى ذلك، أنتِ تعرفين سبب المشكلة وإنك بتبحثي عما يملأ الفراغ العاطفي الذي تسببت فيه أسرتك فحاولي ألا تنساقي وراء هذه الرغبة... أنتِ الآن تشغلين نفسك بدخول الفيسبوك ومراقبة نشاطات الشخص الذي تتعلقين به وتوقفين حياتك للتفكير في أمره. اجلسي مع نفسك بعض الوقت وفكري جيدًا هذا الذي يضيع هو وقتك وعمركِ وسوف يسألكِ الله عنهما يوم القيامة... هل يستحق هذا التعلق والهوس بمراقبة نشاطات من تتعلقين بهم أن تضيعي وقتك الثمين وراحة بالك لأجله؟ لا تضيعي عمركِ بهذه الطريقة ولا ترمي مشاعركِ الثمينة وتهدرينها على كل من هب ودب. تحياتي.
تم النشر الأربعاء، ١٤ أغسطس ٢٠٢٤
كويس انك عارفه أن اللي انتي فيه مشكله وعارفه الأسباب يبقى الحل عندك على فكره انتي عارفه الناس لو عرفوا انك متعلقه بيهم كده هيكرهوك واللطف الزائد مع الناس بيخلوهم ينفروا منك اوعي تيجي على نفسك عشان اي حد اللي يقدم خدمه ليكي هيقدم للكل مش عشانك حطي في بالك كده وده في الأساس تسخير من ربنا ليكي هو اللي ارسلهم في طريقك فتعلقي بربك ..صح خليكي ثقيله وردي على المعروف بكلمة شكرا جزاك الله خير وبس اقفلي واقلبي الصفحة
تم النشر الأربعاء، ١٤ أغسطس ٢٠٢٤
وعليكم السلام ورحمة الله، حبيبة قلبي. بصي، أول حاجة حابة أقلك إن مش لوحدك، كتير من الناس بيمروا بحاجات زي كده والشعور بالتعلق قوي أوقات بيكون صعب. للأسف، أوقات بنحب نبني توقعات على حاجات بتقول "لو حد ساعدني يبقى هو عنده مشاعر تجاهيا"، وأنتِ دلوقتي حاسة إنك مرتبطه ببعض الأشخاص لمجرد إنهم قدموا لكِ مساعدة، صح؟ هقولك على شوية خطوات ممكن تساعدك تحبي نفسك وتوفري الأمان لنفسك: تحديد الأولويات : حاولي تحطي لنفسك أهداف شخصية تشتغلي عليها. يمكن يكون عندك هواية أو شغف حبيتيه، ابدئي فيه واهتمي بنفسك ووقتك. ابتعدي عن التحليل الزائد : حاولت تسيبي الكلام عن الناس ودوافعهم ومشاعرهم، جربي تركزِ على نفسك فقط. كل ما تحاولي تتخيلي مشاعرهم تجاهك، هتضيع وقتك وطاقتك. مارسي التمارين الرياضية أو الهوايات : ده هيساعدك تفكري بشكل إيجابي وتخرجي كل الطاقة السلبية. مارسي التأمل أو اليوجا : لو تحبي تأملي أو تشوفي ممارسات تساعدك تهدي نفسك، ده ممكن يفيدك كتير. خدي فترات من الهدوء : حاولي تقللي من متابعتهم على السوشال ميديا، وافصلي شوية عن العالم. حددي مشاعرك : خدي ملاحظات على مشاعرك وقت ما تتعلقي بشخص. اسألي نفسك "ليه بحس بالشعور ده؟ هل هو صحي؟". اطلبي المساعدة لو احتاجتي : لو الموضوع بقى صعب عليك، فكري في استشارة خبير نفسي. أوقات المواجهة مع مشاعرنا بتكون أصعب من ما نتصور. فتذكري، إن حياتك واهتماماتك أهم. حاولي تركزِ على حياتك واهتمي بنفسك، وهتتحسني إن شاء الله. 🌹💖
تم النشر الثلاثاء، ١٣ أغسطس ٢٠٢٤
ياريت
تم النشر الأربعاء، ١٤ أغسطس ٢٠٢٤
انا حالياً بمر بنفس الوضع وعملت كذا شي حسن الأمر معايا شويه لو تحبي اساعدك فيها عرفيني عشان مكسل اكتب بس 😁
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا