السلام عليكم ورحمه الله وبركاته جالي البهاق من شهر رمضان الي فات وانتشر في الجسم وصعبان عليا نفسي اوي هل في علاج يقضي عليه
في علاجات له بتخفي اثاره والنفسيه بتفرق جدا اكشفي جلديه وفي تركيبه بتتعمل بتخفي البقع الجديده والقديمه بتاخد وقت شويه وهكذا بتتعامل مع كل بقعه بتظهر في جسمك وتزعلين ناس كتير اوي عندها ومش باين عليهم ومتعايشينن معاه هو ملوش اي اعراض ولا اي حاجهةتضر الجسم غير البقع بس ومش معدي والنفسيه دي أهم حاجه
تم النشر الأربعاء، ٢٣ أغسطس ٢٠٢٣
انا عندي و ظهرلي من فترة قريبه بردو الحمد لله على كل حال اهم حاجة نفسيتك و تقبلي نفسك زي ما انتي ❤️
تم النشر الأربعاء، ٢٣ أغسطس ٢٠٢٣
وعليكم السلام ورحمة الله وبركاته فقدان الصبغة الجلدية هو العرض الاكبر للبهاق ...هو فى الاساس مرض خاص بالمناعه ...الموضوع مش مجرد لون جلد ....متهمليش فى صحتك فى الاساس احنا جسمنا هة منحة من ربنا ...فاللى ينقص منها هو من ربنا بردوا ...هنتقبل عطاء ومنعه لانه فى كل الاحوال ليه حكمه فى ده دايما فقداننا لاى شىء بيمثل تحدى لينا قد ايه هنعرف نتعايش عادى رغم اللى نقص ...الحمدلله ربنا بييسر الامور ,,,يعنى مثلا انتى دلوقتى فى توقيت زمنى فيه وعى ....يعنى محدش هيبصلك بتعجب اوى فى ازمنه اخرى كانوا بدون وعى فاكرينه مرض معدى او مرض جلدى اصلا فالحمدلله اللى هون عليكى الامر بانك فى زمن اكثر وعيا بده انتى بقى يا ستى زعلانه من الشكل ...بلاش تهملى فى العلاج ...لان هو اللى بيحجم الانتششار بتاعه فى بشكل قوى وبعدين كونى واثقه انك هتبقى حلوه على قد ما هتحبى نفسك ..فى ناس جميلة بس عدم ادراكهم لده مش بيبرز جمالهم للاسف
تم النشر السبت، ٢٦ أغسطس ٢٠٢٣
اكيد طبعا في علاج بس دي بتبقي حقن بيتم اخذها تحت الجلد اسمها أفاميلانوتيد
تم النشر الجمعة، ٢٥ أغسطس ٢٠٢٣
ربنا يشفيك
تم النشر الجمعة، ٢٥ أغسطس ٢٠٢٣
حاولي تتعايشي معاه لان ملوش علاج نهائي تتقبلي شكلك بيه صدقيني هيفرق معاكي
تم النشر الأربعاء، ٢٣ أغسطس ٢٠٢٣
لعرض السؤال في فدني اضغط هنا