السلام عليكم ورحمة الله وبركاته اهلا بيكي الحقيقه اقدر شعورك و فهماه كويس، و أدام عندك شعور بالضيق اتجاهه إذا انتي بتحبيه؟ (هرد بشكل عام علي اللي بيحصل بين الرجل و المرأه في هذه الظروف، لعدم وجود بعض التفاصيل) 📌خليني اقولك ان معظم الحقائق اللي بندركها، بندركها من وجهه نظرنا احنا و لكن ليس هي الحقيقه المطلقه دي اول نقطه و اهمهم. الرجل غير المرأه في العاطفه، و دا كلام بيكون احيانا غريب علينا ك نساء ولكن دي الحقيقه، الرجل ممكن أن يحب واحده و اتنين و تلاته و بنفس درجه الحب، علشان هو بيشوف في كل واحده صفه معينه بيحبها و بيقدر يصنف دا كويس جدا علي عكس الست. 📌في قاموس المرأه بقي لو حب واحده تانيه غيري إذا أنا وحشه أو انا ناقصني حاجه ! مع انها ملهاش دخل في الحسبه دي، زيها زي اللي مبيصليش، هل لو زوجك مبيصليش يبقي انتي وحشه أو ناقصك حاجه؟ ف تاني حاجه هنا لازم تفصلي بينك و بين أفعاله ( اللي هو بيحب واحده) و هنا بيجي (التقبل) تقبل الزوج كما هو عليه، ربما لديه أسباب سابقه قبل وجودك في حياته، ربما هذا امتحان لكي من الله، لأن هنا مفيش في بايديكي، و الحاجه اللي ملكيش دخل فيها عليكي بتقبلها حتي لا تصبح نكدا و عبئا عليكي و تطاردك طوال يومك. 📌 هل انتي محتاجه تعيشي و خلاص مع زوجك؟ ولا ممكن تحاولي تعملي جهد علشان تعيشي أوقات حلوه معاه و مع أطفالك؟ هل نفسيه أطفالك تفرق معاكي و عوزاهم أفضل؟ ف خليني اقولك ان وجود الاسره مهم جدا، و هنا هنسأل هل فيه تفاهم و لحظات ونس مع الزوج؟ لو فيه يبقي احنا قطعنا شوط كبير جدا في العلاقه و هيبقي الجزء الخاص بالتقبل و الصبر لو العلاقه اتوترت ف هنا عليكي بإعاده تهيئه الأمور، و التحدث معه في اشياء ليست لها علاقه بأمور البيت و يا ريت تكون تبع اهتماماته علشان تعرفوا تتكلموا، أخرجوا يوم سوا حتي لو تأملوا آيس كريم و ترجعوا، امدحيه لما يعمل اي حاجه حلوه ليكم، عبر عن مشاعر الحب اتجاهه، كل دي حاجات بتفرق. اما عنك انتي استرخي بتمارين التنفس، و تخيلي اسوء و اكتر موقف مش عوزاه يحصل معاكي و تخيلي انك قدرتي علي تخطي و تجاوز هذه المحنه ببراعه ثم قومي بتخيل أجمل و احسن موقف نفسك يحصلك و تتخيل انك مستمتعه بحدوثه و دا هيفرق معاكي جدا في التقبل. و طبعا الاعتناء بالنفس و المظهر العام لكي انتي اولا و كوني علي يقين أن الله يجبر بخاطرك. تحياتي
هنا انتي محتاجه اخصائي يتابع معاكي(لأن هنا استشارات للإفاده) ليري المشكله بشكل أوسع و يقدر ينور ليكي الأمور و كيفيه التصرف معاها و مع المواقف المشابهه و هنا مش بغرض العلاج لأنه يوجد مداخل عديده لعلم النفس، دا أفضل حل علشان مبيكنش مجرد كلام يسكن الآلم، التعليم و التطبيق مهم. و هو كمان محتاج يروح بمفرده علشان يفهم نفسه و يفسر سلوكه و محتاجين برضو جلسات سويا. و إذا كان لا يوجد مقدره علي فعل هذا فيوجد قنوات علي اليوتيوب يوجد فيها الجانب التعليمي و انتي يكون عليكي التطبيق.
تم النشر السبت، ١٢ أبريل ٢٠٢٥
مفيش مشاعر حب من نحيته ولا بالكلام و لا بالافعال و لا حتي علاقه زوجية حضرتك . و تقريبا كل يوم و التاني بكتشف حاجة جديدة كان مخبيها عليا كاني بتعرف علي الراجل دا لاول مرة حياته كلها بالنسبالي غمضه و مش واضح و كل حاجة في ال ٣ سنين كنت اعرفها عنه اكتشفت اني اعرف جزء بس هو عايز يعرفهولي مش كل الحقيقه زي مثلا انه واخد اكتر من قرض و اكتشفتها بالصدفه زي مثلا انه كتبلها الشقه باسمها و برضه اكتشفتها بالصدفه و حاجات كتير مش هعرف احكي كله طبعا و عرفت انه فضل يجري وراها حتي بعد زواجي منه و يطاردها عشان ترجعله و لما اتاكد انها اتجوزت سكت ساعتها بس فضل يكرهني انا في العيشه معاه و ينفر مني و يهجرني بالشهوررر و يقارني بيها في ابسط الامور حتي الاكل و الشرب مع ان والله العظيم نفسي في الاكل حلو الحمدلله
تم النشر الجمعة، ١١ أبريل ٢٠٢٥
لعرض الإجابة في فدني اضغط هنا