كنت منفصله و اتجوزت راجل منفصل برضه و يدوب من بعد اول شهر جواز اتضحلي انه لسه بيحب طليقته ....و فضل معيشني في الاحساس دا ٣ سنين لحد متأكدت فعلا انه لسه بيحبها و عايز يرجعلها ..لكن بصراحه هي مش حابه ترجعله و اتجوزت كمان من حد محترم و مبسوطه معاه كمان الحمدلله....انا مبقتش طيقاه ولا قادره اعيش معاه و فكرة الطلاق لتاني مرة تقيله علي قلبي مش عارفه اعمل ايه و حرفيا بقيت بكرهو من ساعة ما اتاكدت ...اتخطي ازاي دا و اعيش من سكات و اربي ولادي وخلاص معايا طفلتين @Nesma Rizk
السلام عليكم ورحمة الله وبركاته اهلا بيكي الحقيقه اقدر شعورك و فهماه كويس، و أدام عندك شعور بالضيق اتجاهه إذا انتي بتحبيه؟ (هرد بشكل عام علي اللي بيحصل بين الرجل و المرأه في هذه الظروف، لعدم وجود بعض التفاصيل) 📌خليني اقولك ان معظم الحقائق اللي بندركها، بندركها من وجهه نظرنا احنا و لكن ليس هي الحقيقه المطلقه دي اول نقطه و اهمهم. الرجل غير المرأه في العاطفه، و دا كلام بيكون احيانا غريب علينا ك نساء ولكن دي الحقيقه، الرجل ممكن أن يحب واحده و اتنين و تلاته و بنفس درجه الحب، علشان هو بيشوف في كل واحده صفه معينه بيحبها و بيقدر يصنف دا كويس جدا علي عكس الست. 📌في قاموس المرأه بقي لو حب واحده تانيه غيري إذا أنا وحشه أو انا ناقصني حاجه ! مع انها ملهاش دخل في الحسبه دي، زيها زي اللي مبيصليش، هل لو زوجك مبيصليش يبقي انتي وحشه أو ناقصك حاجه؟ ف تاني حاجه هنا لازم تفصلي بينك و بين أفعاله ( اللي هو بيحب واحده) و هنا بيجي (التقبل) تقبل الزوج كما هو عليه، ربما لديه أسباب سابقه قبل وجودك في حياته، ربما هذا امتحان لكي من الله، لأن هنا مفيش في بايديكي، و الحاجه اللي ملكيش دخل فيها عليكي بتقبلها حتي لا تصبح نكدا و عبئا عليكي و تطاردك طوال يومك. 📌 هل انتي محتاجه تعيشي و خلاص مع زوجك؟ ولا ممكن تحاولي تعملي جهد علشان تعيشي أوقات حلوه معاه و مع أطفالك؟ هل نفسيه أطفالك تفرق معاكي و عوزاهم أفضل؟ ف خليني اقولك ان وجود الاسره مهم جدا، و هنا هنسأل هل فيه تفاهم و لحظات ونس مع الزوج؟ لو فيه يبقي احنا قطعنا شوط كبير جدا في العلاقه و هيبقي الجزء الخاص بالتقبل و الصبر لو العلاقه اتوترت ف هنا عليكي بإعاده تهيئه الأمور، و التحدث معه في اشياء ليست لها علاقه بأمور البيت و يا ريت تكون تبع اهتماماته علشان تعرفوا تتكلموا، أخرجوا يوم سوا حتي لو تأملوا آيس كريم و ترجعوا، امدحيه لما يعمل اي حاجه حلوه ليكم، عبر عن مشاعر الحب اتجاهه، كل دي حاجات بتفرق. اما عنك انتي استرخي بتمارين التنفس، و تخيلي اسوء و اكتر موقف مش عوزاه يحصل معاكي و تخيلي انك قدرتي علي تخطي و تجاوز هذه المحنه ببراعه ثم قومي بتخيل أجمل و احسن موقف نفسك يحصلك و تتخيل انك مستمتعه بحدوثه و دا هيفرق معاكي جدا في التقبل. و طبعا الاعتناء بالنفس و المظهر العام لكي انتي اولا و كوني علي يقين أن الله يجبر بخاطرك. تحياتي
تم النشر الجمعة، ١١ أبريل ٢٠٢٥
مبيحبهاش .. ولا عايز يرجعلها لو هي مكنتش متجوزة .. في الغالب هو بس ندمان ومتحسر على خسارته ليها وانها عايشة حياتها ومبسوطة مع راجل تاني هي متجوزة وعايشة حياتها ومش في دماغها ، ولو كان فيه خير ليها مكنتش هتسيبه وتتجوز غيره هو اللى محتاج يشتغل على مشاعره وافكاره ، وانتي محتاجة تركزي في نفسك وفي بناتك ومتطلقيش ، طالما عايشة ماديا كويس معاه ، وبيراعي ربنا فيكي ومش بيسييء ليكي في حاجة .. ركزي في نفسك وفي بناتك وفي نفسيتك تكون كويسة ، وعلي ثقتك بنفسك .. الراجل يقدر يحب بدل الواحدة اربعة ، ربنا خالقهم بالفطرة دي ، وبتختلف طبعا من شخص للتاني ، ولكن حبه ليها(دا لو كان فعلا بيحبها) مش معناه انه مش بيحبك .. معناه بس انه هو اللى مش قادر يتخطى فكرة انفصاله عنها .. لكن هو قدر يتجوزك ويفتح بيت جديد وعايش معاكي انتي .. فمتفكريش ولا يشغل بالك ولا تكدري على نفسك حياتك .. لو مكنتش عجبتيه وحبك مكنش اتجوزك
تم النشر السبت، ١٢ أبريل ٢٠٢٥
🎤 إجابة صوتية
تم النشر الجمعة، ١١ أبريل ٢٠٢٥
اثبتيله انك بتحبيه وبينيلو حبك ليه
تم النشر السبت، ١٢ أبريل ٢٠٢٥
قبل لا تفكرين بنفسج فكري بأطفالج عيشي حياتج الهم واعتبري ماموجود شخص عادي عوفي للوكت وبعدين راح يحس بقيمتج لاتنطين اهميه للموضوع
تم النشر الجمعة، ١١ أبريل ٢٠٢٥
عيشي ولا تهتمي ليه
تم النشر الاثنين، ١٤ أبريل ٢٠٢٥
عملت علي قد ما اقدر مش شايفه تماما
تم النشر السبت، ١٢ أبريل ٢٠٢٥
لعرض السؤال في فدني اضغط هنا