انا متزوجه من ١٣ سنه ربنا كرمني بالخلفة بعد ٨ سنين جواز جوزى بيحب عياله اوى بس انا لا كنت بحبه بجنون، من فتره حصل بينى وبينه مشكله كنت بعدها حاسه انى كارهه العيشه معاه ومش قادره ارجعه للمكانه للى هو كان فيها كنت بعمل كل حاجه علشان ارضيه دلوقتى بحاول ابعد عنه صدري مقفول منه تعبانه مش قادره اتعامل خايفه اكون بتبطر
اهلا وسهلا بيكي حبيبتي انتي ممتلئه بالمشاعر السلبيه والتراكمات وهو ده السبب في ضيق قلبك والإحساس اللي انتي حاسه بيه اولاً لازم تفرغي المشاعر السلبيه اللي جواكي وثانيا لازم تهتمي بنفسك اكتر وتقدريها ويبقي عندك حاجه بتعمليها لان مركزه مع زوجك ونسيه نفسك خالص ولازم تعرفي حاجه ان دايما في حاجات في حياتنا تحت سيطرتنا ودي نقدر نحسن فيها ونقدر نغيرها وحاجات تانيه خارجه عن سيطرتنا ودي بنحاول نتعايش معاها ممكن تدي لنفسك فرصه تفرغي مشاعرك السلبيه ممكن بالكتابه او بأستشاره أحد الاخصائيين وانا تحت امرك وبعدين ابدئ قيمي مشاعرك
تم النشر الثلاثاء، ١٥ أكتوبر ٢٠٢٤
السلام عليكم ورحمه الله وبركاته 13 سنه مش قليلين خالص ومش حاجه بسيطه. بتقولي انك بعد ثمان سنين جواز ربنا كرمك بالاطفال طب تعالي كده نفكر خلال الثمان سنين دول كنت بتتعاملي مع زوجك ازاي انت متحمله ليه ما هو ما كانش فيه عيال كنت متحمله ليه اكيد في مواقف كثير حلوه اكيد ما بينكم حاجات كتير جدا يعني لطيفه وفيها ود وفيها رحمه. هل ده معناه انه ما يكونش فيه حاجات منظفه انه ما يكونش في حاجات بتكون مستفزه حاجات بتضايق حاجات مش قادرين نتفاهم فيها حاجات مش قادرين ننظفك فيها حاجات بيجي عليا هو فيها حاجات انا باجي عليه فيها لا ده موجود والاشخاص المكملين مع بعض واللي حياتهم بتستمر وتفضل الحاجات دي موجوده نسبها بتختلف من فتره للثانيه نسبها ممكن تقل كل فتره الجواز تطول عشان بيبداوا يعني يوصلوا كده لسيستم ايا كان. خليني اقول لك على حاجه مهمه جدا ممكن يكون الاحساس اللي انت حاساه دلوقتي ده احساس جه فجاه احساس مش بسبب الموقف ومش بسبب تراكمات بس ممكن يكون بسبب انه الشيطان مستخسر ال 13 سنه. زعلان من ال 13 سنه وكمان صبرته لحد ما بقى في ولاد ايه ده عندكم بيت مبني على الحلال. واولاد وبيت مسلم ايه ده ايه ده ايه ده هو ازاي هيسيبكم كده لا طبعا لازم يعمل حاجه لازم يبص كده جوه نفسك احساس وحش وانت تقعدي تمشي ورا الاحساس ده انا حاسه الاحساس ده ليه فدوري له على اسباب فتقعدي تجيبي حاجات من القديم اكيد عشان خاطر وهو مزنق عليا في كذا عشان هو خانقني في حياتي في كذا اكيد عشان هو بيعاملني بطريقه انتقاليه فخليني مش احسن حالات هتدوري على اسباب وهتثقلي الاحساس ده وهتاكديه فمن هنا الكسبان الشيطان. الشيطان هو اللي هيكسب لما يطير 13 سنه في الهوا الشيطان هو اللي هيكسب لما 13 سنه يبقوا ولا كان حصل فيهم اي حاجه حلوه موضوع مش بيبقى مساله بقى ان انت بتتبطري مش كده خالص بتبقى مساله انه انا محتاجه اقف مع نفسي واقفه واشوف هل انا بفكر بتوازن ولا انا متطرفه دلوقتي في افكاري او في مشاعري. انا كده بحاول اجي عليك واقول لك ان انت كده ظلمه خالص ابدا انا بس عايزاكي. على قد ما انت محترمه مشاعرك والاحساس بالقفله اللي انت حاساه على قد ما عايزاكي تعرفي تتعاملي معاه صح علشان ما ينتوكش منه قرار او يطلع منه افكار تكون سيئه وتبوظ عليك حاجات حلوه كتير جدا لما هتيجي تفتكريها هتقولي ازاي انا وقتها ما افتكرتهاش فارجوكي حاولي كده توزني الامور تحطي كفتين ميزان وتشوفي فين المميزات وفين الحاجات الحلوه اللي انا عشتها مع الراجل ده في حياتنا كلها سواء واحنا معناش ولاد او واحنا معانا ولاد فين الحاجات الوحشه شوفي الميزان انهي كفه فيهم اللي اكتر اكرر.
تم النشر الخميس، ١٧ أكتوبر ٢٠٢٤
عزيزتي، أفهم تمامًا مشاعركِ وما تمرين به. العلاقات الزوجية أحيانًا قد تواجه تحديات وصعوبات، وخاصة عندما تتراكم الأحداث والمشاعر السلبية. من المهم في مثل هذه الأوقات أن تعيدي تقييم مشاعرك وتفكيري في الأمور التي تزعجك. إذا كان لديكِ شعور بالكراهية أو الإحباط من العلاقة، فقد يكون ذلك علامة على أنك بحاجة إلى التواصل مع زوجك بصراحة. تحدّثي معه عن مشاعرك وعما حدث بينكما من مشاكل، فالتواصل الصادق يمكن أن يفتح طريقًا لفهم أفضل وتقارب جديد. بالإضافة إلى ذلك، من المهم الانتباه إلى صحتك النفسية. إذا كنتِ تشعرين بالضغط أو الاكتئاب، قد يكون من الجيد استشارة مختص نفسي يمكنه مساعدتك في تخطي هذه المشاعر. تذكري أن كل علاقة تحتاج إلى جهد من الطرفين، والحب يتطلب الصبر والتفاهم. تأملي في الأسباب التي جعلتكِ تحبينه في السابق، وقد تجدي في ذلك دافعًا لإعادة بناء العلاقة إن كان ذلك ممكنًا. كوني صادقة مع نفسك ومعه، ولا تترددي في طلب الدعم من الأهل أو الأصدقاء المقربين إذا شعرتِ بالحاجة لذلك. وفقك الله ورزقك السعادة في حياتك.
تم النشر الثلاثاء، ١٥ أكتوبر ٢٠٢٤
الله يحفظلك ابنائك وبيتك، حسب شو قلتي المشاكل مش كثير كبيرة واساسية، تقربي من ربنا استغفري كتير ، لطفي العلاقات مع جوزك وولادك وما تخربي بيتك
تم النشر الثلاثاء، ١٥ أكتوبر ٢٠٢٤
ع حسب المشكله للى خلاكي تتقفلي منه كده
تم النشر الثلاثاء، ١٥ أكتوبر ٢٠٢٤
تواصلي مع متخصص نفسي دا افضل حل ، استشاره فرديه يقدر يفيدك فيها بعد معرفه كل جوانب المشكله
تم النشر الخميس، ١٧ أكتوبر ٢٠٢٤
بص سيبك من كل الناس اللي معني كلامها انك تاخدي موقف ونصيحتي لوجه الله فكري في العيال خراب البيوت واعر
تم النشر الأربعاء، ١٦ أكتوبر ٢٠٢٤
تجاهلي الأخطاء اختي الكريمه طالما لا تتنافي مع مكارم الاخلاق والشرع وتوكلي علي الله ولا تعجزي
تم النشر الأربعاء، ١٦ أكتوبر ٢٠٢٤
التحكمات والكدب والوعود انه شايف انه صح دايما وان انا غلط مهما اعمل عدم التقدير وحاجات تانيه كتير وكتر ما انت بتسامح فجاءه كده بتحس ان الرصيد خلص بس المشكله العيال
تم النشر الثلاثاء، ١٥ أكتوبر ٢٠٢٤
لعرض السؤال في فدني اضغط هنا