طريقه التعامل مع زملاء العمل والمديرين بالعلم اني عندي رهاب اجتماعي وانطوائيه
ازيك ❤️ عارفه بداية مشكلتك فين انك حكمتي علي نفسك انك انطوائية وعندك رهاب الحل كله اصلا هنا بمعني انك عشان يكون عندك ثقة في نفسك لازم لازم توطي صوت الناقد الداخلي بتاعك الناقد الداخلي ده اللي بيقعد يقولك انك انطوائية مش هتعرفي تتكلمي مع حد او يقعد يقولك بلاش تتكلمي هيكسفوكي بيقعد يديكي كلام سلبي عن نفسك مش موجود اصلا فيكي دي اول خطوه لازم تعمليها تبطلي تحكمي علي نفسك تمامآ . ٢- بطلي تركزي في ردود افعال الناس اللي حواليكي و ركزي في نفسك و في اللي عايزه تعمليه يعني مثلا انا النهارده عندي بريزنتيشن او عندي ميتينج مع المدير اركز في الكلام اللي هقوله في الميتنج مش اسيب كلامي و اسيب الميتنج واركز المدير بصلي ازاي ولا زمايلي بصنلي ازاي ! ٣- صدقي في نفسك بمعني انك انسانه ليكي حقوق علي نفسك الحقوق دي انك من حقك تحبي نفسك و انك من حقك تعبري عن رأيك و تتدافعي عن حقوقك و تتكلمي عن نفسك سواء مع صحابك مع زمايلك في اي مكان من حقك علي نفسك انك متقلليش منك او تهمشيها . آخر حاجه بقي عشان طولت عليكي .. تعاملك مع زملاء العمل و المديرين لازم تفهمي حقوقك بالظبط عشان محدش يتعدي عليها و متتكسفيش ابدآ انك تطالبي بيها لو حد تعدي علي حقوقك بكل ذوق واحترام طبعا . خليكي لطيفة مع الكل بس لازم مع اللطف يبان انك مبتسمحيش لحد انه يستغلك اللطف والمساعده في حدود المعقول ❤️ متنسيش اهم نصيحة * متنتقديش نفسك ابدا وتصدري احكام سلبيه عن نفسك *
تم النشر الثلاثاء، ٤ أبريل ٢٠٢٣
عشان تخفف من اى توتر بيجيلك وانت بتتعامل مع الزملاء او المديرين اعرف المطلوب منك بالظبط فى محيط العمل. فى البداية متتعاملش غير فى امور العمل اكتسب ثقتك من جودة شغلك اطلب دايما من مديرك مساعدة لما تحتاج دون كسوف. خلى جملك فى الملام قصيرة ومحددة فى ايدك كوباية مايه وانت بتتكلم وكل شوية اشرب بوق ميه.
تم النشر الثلاثاء، ٤ أبريل ٢٠٢٣
ايه المشاكل الي بتواجهها معاهم عشان نبدأ نلاقي حلول ليها؟
تم النشر الثلاثاء، ٤ أبريل ٢٠٢٣
ممكن تكون طبيعتك انطوائي، لكن ليه شخصت نفسك بان عند رهاب اجتماعي؟
تم النشر الثلاثاء، ٤ أبريل ٢٠٢٣
أهلاً بك، يبدو أن لديك تحدي محدد تريد العمل عليه. للتعامل مع رهاب الاجتماعي والتنطوائية في مكان العمل، أوصي بالقيام بالأتي: 1- تحدثي إلى نفسك بإيجابية: قلل من تحليلات الذات السلبية والشكوك المستمرة. في حال شعرت بالتوتر، استخدمي التنفس العميق وتذكري أن كل شخص يخطئ ويصيب. 2- تدربي وتعلمي: قم بالبحث عن دورات تنمية الذات والتعلم عن كيفية التعامل مع الآخرين. لا تخافي من الحضور في ورش العمل المختلفة وتعزيز قدراتك ومهاراتك. 3- الاهتمام الصحي: تساعد النوم الجيد وتناول الطعام المتوازن وممارسة الرياضة بانتظام في تحقيق الشعور بالتوازن والاستقرار العاطفي. 4- كوني مفتوحة: حاولي الاستفادة من فرص التواصل والانفتاح على المحيطيين والآخرين من خلال محادثات ونشاطات التعاون في العمل. لا تنسي، تغيير الطريقة التي تفكرين بها يمكن أن يؤدي إلى تغيير إيجابي في حياتك، بادري الآن بالعمل على نفسك ولا تيأسي.
تم النشر الثلاثاء، ٤ أبريل ٢٠٢٣
لعرض السؤال في فدني اضغط هنا