أنا عايزة حد يرد عليا لأني قربت اتجنن أو اموت من قهرة قلبي وحسرتي على نفسي
انا كنت مخطوبة بقالي 4 سنين وكان فاضل شهرين علي فرحي وحماتي حسبي الله ونعم الوكيل فيها دمرت كل حاجه في لحظة بدون سبب
هو كان زميلي ف الجامعة حبينا بعض وقررنا نتخطب عشان كل حاجه تبقى في النور وهو كان خايف انى اضيع منه اتخطبنا في سنه تانية وبعدين اتفق مع اهلي ان اول ما هنتخرج هنتجوز وكان شغال وعنده شقته تمليك وكل حاجه تمام
اشتغل خلال سنتين الجامعة ووضب شقته وعملي كل الي انا عايزاه وكان طالع عينه حرفيا ما بين دراسة وشغل واتبهدل بجد عشاني ومبخلش عليا بأي حاجه ولا قصر ف دراسته بأي شكل ما شاء الله
بعد التخرج كان المفروض مالوش جيش عشان عنده إصابة في رجله لكن للأسف دخل الجيش وضاعت مننا سنة كمان ع الفاضي وبفضل الله عدت السنه وكانت صعبة اوى عليه وعليا نفسيا ومعنويا وكل حاجه وطبعا مقدرش في خلال السنة دى يحوش ولا يعمل اى حاجه
قبل ما يخلص جيش ب 4 شهور رتبنا انا وهو اننا هنجهز جمعية اول ما يخرج يرجع شغله اللي كان فيه ويدخلها نجيب بيها الفرش ونعمل الفرح ونتجوز علي طول بعد الجيش بشهرين
وكل حاجه كانت تمام واتفق مع اهلي ع كده
وطول فترة الخطوبة هو اللي بيتفق مع اهلي على كل حاجه وهو المسؤول عن كل حاجه لأنه شايل نفسه تماما وأهله شايلين ايدهم من كل حاجه وملهمش دعوه بيه في اى شيء كأنه مش ابنهم حتي انا واهلي لا كانو بيسألو علينا ولا بيودونا ولا لهم اى احتكاك بينا نهائي
في الاول انا ووالدتي كنا بنكلم والدته ونسأل عليها وساعات نروح لها لحد ما لقيناها مش مقدرة اى حاجه بطلنا تعامل احنا كمان او بالأخص ماما لكن انا كنت بكلمها من وقت للتاني اتطمن عليها ف المناسبات وخلاص
وكانت مش بترد اى حاجه بنعملها وتعاملها قمة ف قلة الذوق رغم اننا مجيناش علي ابنها ف اى شيء واحسن معاملة وترحاب مننا وكفاية اصلا ان اهلي قبلوا بيه وهو صغير كده ولسه قدامه كتير لكنهم توسموا في حسن أخلاقه واعتماده علي نفسه وانه شاريني وجد مش بيلعب ولا عيل صغير زى اى شاب ف سنه
المهم اول الشهر ده بقى خرج وظبطنا الجمعية بابا كتر خيره هو اللي جابهاله ودورنا ع اماكن للفرش وقاعات للفرح وكل حاجه كانت تمام وكان بقالي سنه جبت فيها كل جهازي حرفيا من الالف للياء من أجهزة لهدوم لرفايع ومفروشات وكل حاجه وبقيت حاطه ف كل حته حاجه ومبقالهمش مكان حرفيا
جت والدته اول ما عرفت باتفاقه مع والدي قلبت الدنيا وزعقت وعيطت ورفضت تماما كأننا هنعمل حاجه حرام او حاجه غلط ولا عيب وقالت له لأ أجل سنه عشان انا عايزة ابيع شققك انت واخواتك واشتري بيت عيلة!!!
يعني القرار ده وصلت له فجأة كده! طب ما كان عندك كل السنين الي فاتت تعملي كده اشمعنا دلوقتي!
وغير كده عندها حالة وفاة ابن اخوها مات تقوله لأ لازم نأجل سنه احتراما لحالة الوفاة
المفروض والطبيعي والمتعارف عليه اى حالة وفاة بيتأجلها شهر شهرين 3 بالكتير انما سنة!! علي واحدة مخطوبة بقالها 4 سنين؟!
مش بالذمة ده حرام! يعني ده ف شرع مين؟! وليه اصلا الافترا ده !
طبعا هو رفض تماما ووقف قدامها وزعق وعمل كل حاجه راحت عاندت معاه اكتر وقالت له ملكش شقق عندي روح اتجوز ف ايجار! مستغله ان الشقق باسمها اكمنها جابتهم وهما تحت ال21 فكاتبه كل حاجه باسمها
وابوه حرفيا مش موجود مالوش كلمه ولا رأي ولا حد عارف يرجعها عن اللي ف دماغها واخواته نفس الشيء مفيش حد واقف جنبه حتي لو من وراها كلهم بيخافو منها ومحدش عارف يقول كلمة حق ترضي ربنا
حسبي الله ونعم الوكيل كسرت فرحتي وقلبي وكسرت ابنها
وفوق كل ده قابلت اهلي وكلمتهم بمنتهي قلة الذوق واحرجتهم وقالت علي خطيبي كلام كله كدب عشان تطفش اهلي وتكرههم فيه وتقول انها كانت معترضة ع الخطوبة من الأول طب م كنتي تقفي وترفضي الخطوبة جاية دلوقتي تعترضي وتعملي كده ليه بعد بنت الناس اللي ربطوها سنين جاية دلوقتي ترفضيني انا واهلي وانتى مشوفتيش مننا اى حاجه وحشة
حتى لو كانت معترضة ع الأقل دخلت بيتنا وشافتنا ناس كويسين وشافتني اد ايه بحبه وبحترمه وشافته اشتغل ووضب شقته وربنا كرمه ودلوقتي بابا جابله جمعية
يعني كتر خيرنا وزيادة ليه بقى تقف ف طريقنا وتعمل كده
هو حد دلوقتي يطول ان ابنه يتجوز وهي كأم متعبتش ف جوازته بأي شيء! ده حتى شقته حاطط فيها اكتر من نص تمنها لأنه كان بيلعب كورة زمان وكان معاه فلوس
يعني تاخد منه شقاه وتعبه وتحرق قلبي انا ووالدتي ليل نهار بنعيط من الصدمة ومن رفضها لينا ومن كل الي حصل
لأن بجد اهلي عاملوه ع انه ابنهم ووقفوا جنبه واحترمو جدعنته واعتماده علي نفسه ومشافش مننا اى حاجه وحشة ليه دى تكون جزاتنا ؟!
انا هموت من الحزن وكسرة قلبي ومش عارفه ليه كل ده حصل !!!!
بس مع معرفتكم بالعقبه اللي انتوا هتتعاملوا معاها وهي شخصيه والدته. لازم تكوني مجهزه نفسك اذا قررتي انك تستمري مع الشخص ده ان شخصيه والدته هتكون عقبه في حياتك هي مش معترض على الجواز ولكن هي شخصيتها كده شخصيتها بتقول ان هي هتطلع السلوك ده ايا كان انتوا ناس كويسين او ناس وحشين المساله هنا عندها مش متعلقه ب ااا رد فعل على اللي بيحصل لا هو ده هيكون فعلها الاساسي والدائم ومش. كده ان هي قصده ان هي تعامل الناس كويسه الناس مبادئها وعقيدتها اللي هي بتتعمل على اساسها ودي موضوعنا خالص ليه حصل كده حصل كده عشان انت تكوني على نور وعلى بينه وتبقي فاهمه هتتعاملي معاه ايه هتقدري تتعاملي مع ده هتتحملي الشكل ده من اشكال الاذى في سبيل انك تكوني مع الشخص اللي انت شايفاه مناسب ليكي توكلي على الله حاسه انك مش هتتحملي الاذى وهيبقى عندك امل انه هي تتعدل او يعني يكون تعاملها الطف على اساس وضع خطيبك ده زي ما هو وتتجوزوا في ايجار وتبداوا حياتكم ب فكري كويس قوي قوي قوي قوي قوي قوي قوي وخدي قرارك انك هتكملي ولا لا لو البني ادم ده فعلا هو كمان رافض تصرفات امه فيبقى دي نقطه تحسب له ولكن ده مش معناه ان هو يتصرف معاه وحش هو يقدر تعاملاتها وتصرفاتها ولكن ياخد باله كويس قوي من ان دي هتفضل عقبه.شكل افضل بعيد عنها وبعيد عن ان انتوا تكونوا في شقه باسمها كانت ممكن تطلعكم منها في اي وقت ااا اعملوا ده بكل اريحيه ولو انت موافقه على دواء اهلك موافقين عليه كملوا زي ما انتم مفيش اي مشاكل لكن ده افضل لكم بكثير لان هي فعلا بالوضع ده كانت ممكن تطلع اي حد من ولادها من الشقه مجرد ان هي تثبت ان هي المتحكمه وان هي المسيطره وبس.بعد ما تبقي مراته لا ما تعمليش حسابك على الموضوع ده خالص ااا تقدري انك تتعامليالكويسه بطريقه وحشه لا هي هتفضل تتعمل بالشكل ده ليها بقى.
تم النشر الخميس، ١٩ ديسمبر ٢٠٢٤
أختي الكريمة، أولاً، أود أن أعبر عن مدى أسفي لما تمرين به من مشاعر الألم والحسرة بعد هذا الوقت الطويل من الخطوبة. من الواضح أنك قد بذلتِ جهداً كبيراً ودعمتِ خطيبك في كل المراحل التي مر بها، وكان لديكم خطة واضحة للمستقبل، لذا من الطبيعي أن تشعري بالخيانة والخسارة بسبب تصرفات حماتك. ما حدث هو أمر صعب وغير عادل، ولكن دعيني أذكرك أن للحياة أقدارها التي لا نفهمها دائماً. من المهم أن تحافظي على قوتك وعزيمتك. تشتت الأمور قد لا يبدو في البداية إيجابياً، ولكن يمكن أن يكون ذلك مقدمة لفرص جديدة تكتشفينها لاحقاً. حاولي التحدث مع خطيبك بصراحة حول مشاعركما وما حدث. من المهم أن يتواصل كل منكما مع الآخر ويدعم بعضكما في هذا الوقت العصيب. قد يحتاج إلى موقف قوي وصادق تجاه والدته، كي يدافع عن حقوقه ورغباته. احرصي على الاحتفاظ بروح الأمل داخلك. إن كان هذا الرباط مقدراً لهما أن يستمر، فإن كل ما حدث سيصبح جزءاً من التجربة التي تقويكما في النهاية. تذكري أن الإيمان بالله والثقة في قضائه وقدره يجب أن يكون دليلك في الأوقات الصعبة. وأخيراً، لا تترددي في البحث عن الدعم من الأهل والأصدقاء المقربين. مشاركة مشاعرك مع من تثقين بهم قد يساعدك على تجاوز هذا التحدي. وفقك الله وساندك في كل خطوة تخطينها.
تم النشر الخميس، ١٩ ديسمبر ٢٠٢٤
صلي صلاه استخارة وربنا هيحللك كل حاجه
تم النشر الخميس، ١٩ ديسمبر ٢٠٢٤
حسبي الله ونعم الوكيل
تم النشر الخميس، ١٩ ديسمبر ٢٠٢٤
لاحول ولا قوة الا بالله
تم النشر الخميس، ١٩ ديسمبر ٢٠٢٤
وطبعا اهلي فركشو الخطوبة عشان عرفو انها كده بتطفش ومش عايزانا وانا وخطيبي هنتجنن لأن بجد لا انا ولا هو هنقدر نسيب بعض بعد كل ده
تم النشر الخميس، ١٩ ديسمبر ٢٠٢٤
لعرض السؤال في فدني اضغط هنا