ازاي اقدر انسي شخص حبيته بجد كنا عشره كبيره وانا قررت ابعد لاسباب كتيره بقالنا ٨ شهور ومش عارفه انسي بحاول وباجي علي نفسي بس اوقات كتير بيجيلي فضول اعرف اخباره فا ادخل علي صفحته واقلب واشوف وكل حاجه بتتهد وببدأ من الصفر تاني 💔
اول ما هيكون فى حاجة تشغلك بشكل كبير وتاخد اهتمامك ...هتبطلى كل ده والدنيا هتبقي تمام. انتى اخدتى قرار صح وطبيعى تلاقى فى خدع بتحصل من مخك ومن الشيطان عشان ترجعك عن قرارك ...ودى اكتر حاجة تأكدلك انك على الطريق الصح. ربنا يقويكى على الفترة دى بس بعدها هتكونى فخورة بنفسك جدا انك مستجبتيش ليها
تم النشر الأربعاء، ٢٢ فبراير ٢٠٢٣
اقفلي اي حاجه تفكرك بيه واي وسيله ممكن تعرفي بيها اخباره وقفيها حتى لو بلوك انتي محتاجه فتره تتعافي وعشان تعدي الفتره دي متجيش تفاصيله قدامك ولو فكرتي فيه حاولي متفتكريش الحلو افتكري اسباب الانفصال وافتكري الحجات الوحشه بس عشان مشاعرك اتجاهه تقل واشغلي نفسك بحياتك بمستقبلك برياضه بأنك تاخدي كورسات طوري نفسك استغلي الفتره دي ف انها تكون نقطه تحول ليكي وتخلي منك شخصيه ناجحه وقويه وعظيمه ...وخليكي متأكده ان كان خير ليكي انفصالكم وربنا بيحبك عشان كده ده حصل صلي وقربي من ربنا جدا وادعي ف كل صلى انه يشيله من قلبك وعقلك ويرزوقك بالزوج الصالح
تم النشر الأربعاء، ٢٢ فبراير ٢٠٢٣
طبيعي ان كل حاجة لازم ترجع للصفر تاني .. لانك لازم تقطعي كل الوسائل اللي ممكن توصلك بيه.
تم النشر الأربعاء، ٢٢ فبراير ٢٠٢٣
لعرض السؤال في فدني اضغط هنا