ازاي اتخطي قسوة اهلي عليا
وعدم تفهمهم ليا وازاي اقدر احمي نفسي أنه محدش يستغل النقطة دي عندي ولا يضغط عليا بيها لاستغلالي؟
آه يا سكر، أنا حاسة بيكي فعلاً. دايمًا بيكون صعب لما ما تلاقيش الدعم والتفهم من أهلك. بس أكتر حاجة ممكن تعمليها لنفسك هي تقوي شخصيتك وتبني حد لمشاعرك. فهم مشاعرك: أوّل خطوة هي إنك تفهمي مشاعرك وتقبلي إن عندك حق تشعري بالحزن أو الغضب. كوني صريحة مع نفسك. التحدث مع أهلك: جرّبي تتكلمي معاهم بشكل هادئ وصريح. ممكن يبدأوا يفهموا موقفك لو اتكلمتي بلطف عن اللي بتحسيه. حاجز عاطفي: حاولي تبني حاجز عاطفي بينك وبين التصرفات اللي بتجرحك. مش لازم تخلي كلامهم يأثر عليكي بشكل كبير. حطي في بالك إن دايماً في حاجات ما تقدريش تغيريها. الدعم الخارجي: لو تقدري تلجئي لدعم من برة، سواء كان من أصدقاء أو حتى معالج نفسي، دا ممكن يساعدك كتير. تطوير نفسك: اشتغلي على تطوير شخصيتك ومهاراتك. لما تحسي إنك قوية ومستقلة، حيكون أصعب على أي حد يستغلك. الإيجابية والشغف: حاولي تلاقي حاجات تفرحي بيها وتمارسيها عشان تعطل أفكارك السلبية. إنتِ قوية يا جميلة، وما تسمحيش لحد يخليكي تشكي في نفسك. 💪
تم النشر الأحد، ٢٣ يونيو ٢٠٢٤
بالتجاهل التجاهل احسن حل لدا انا كنت بواجه دا كتير جدا وبقيت اتجاهل لحد ماتاقلمت علي الوضع
تم النشر الثلاثاء، ٢٥ يونيو ٢٠٢٤
شكرا ليكي علي المشاركة من اوحش واقسي التجارب ع النفس ان تكون العائلة هي مصدر الوجع النفسي اول خطوة واهم خطوة هيا فهمك لنفسك واحتياجاتك تاني حاجة وضع حدود واضحة لنفسك داخل الاسرة وخارجها وبكده هتحمي نفسك ومش من يوم وليله هيحصل ده ولتغيير نظرة الاهل جوانا بنحط نفسنا مكانهم عشان نفهم هما اتصرفوا كده من منطق ايه هل كان لمصلحتي ؟ولاهربت منهم؟ ولا كان قصدهم يئذوني ؟ ساعات بنكون شايفين الموقف بنظارة معتمه شويه وعلي اساسها بنبني باقي التفكير
تم النشر السبت، ٢٩ يونيو ٢٠٢٤
سلام عليكم ازاي تتخطي قسوه اهلك طيب الأول نعرف معنى قسوه الأهل بالنسبه لك اللي هي ايه يعني ان هم مش بيقروا كلام حلو ولا ان هم بيتكلموا بزعيق دايما ولا ان هم بينتقدوا دايما يعني قسوه الاهل بالنسبه لك عامله ازاي؟ عدم تفاهمهم ليكي ممكن تكوني حاليا انت في فتره فتره الثانوي مثلا او الاعدادي او حتى الجامعه وفي الفتره دي بنكون احنا منفتحين على شكل من الحياه بعيدا عن اصلا المسؤوليات والحاجات اللي الاهل عايشين فيها فعشان كده بنحس كانهم مش فاهمانا هم القصه ان هو مش فاهمين هم عندهم يعني ليفل من المسؤوليات احنا لنا على معه شيء ولذلك بنحس انهم كانهم مش فاهمنا كانهم مش عارفين الحياه فيها ايه لا والله هم عارفين الحياه فيها ايه بس الحياه عندهم فيها حاجات احنا لسه ما نعرفش. يعني نعمل فيها ايه لو احنا مكانها فده بتبقى من الاسباب اللي ممكن تخليكي حاسه انه كانهم مش فاهمينك كانك بتتكلمي في حاجه هم مش فاهمينها هم بس يعني ما عندهمش مساحه كافيه بسبب الضغوط والمسؤوليات انهم حتى يح. ان هم يشوفوا الدنيا بتاعتك ماشيه ازاي او ايه اهتماماتك او ايه الحاجات اللي فارقه معك يعني بيبقى غصب عنهم ممكن بشكل كبير؟ لو يا ريت تدي تفاصيل تانيه عشان يعني نقدر نقول لك تعملي ايه في الحاجات اللي عندك؟ طيب علشان ما حدش يستغل النقطه دي يعني من الاخر كده ما حدش يدخل لك من المدخل ده وانت عشان اهلك قاسيه عليك وانت حاسه ان هو مش فاهمينك فيبقى اي مثلا حد يجي يقرب منك ويبقى حنين شويه او يبقى لطيف شويه فانت بتبقي الموضوع نقطه ضعف بالنسبه لك محتاجه انك تقوي نفسك بالعلاقات التانيه الصح يعني من قرايبي طيب انا اهلي مش فاهمني خلاص اوكي يعني ممكن ناس تانيه من قرايبي ممكن ناس تانيه من صحابي ممكن من معارفنا ممكن من من جيراننا الناس الثقه الناس دي ممكن يكونوا فاهمينه يعني انا اكون قريبه من النادي وبستمد منهم اللي انا محتاجاه من اهلي ومش عارفه اخده بدل ما تبقى العمليه فاضيه خالص ويبقى الموضوع متحول لنقطه ضعف وسهل ان اي حد يستغلها. دي الطريقه ولو في عندك اي تفاصيل ممكن تقوليها؟
تم النشر الثلاثاء، ٢٥ يونيو ٢٠٢٤
اعرفي قيمة نفسك وانك شخص يستحق الاحترام بغض النظر عن تصرفات اهلك وحطي حدود واضحة لأي شخص يحاول استغلال قسوة اهلك
تم النشر الخميس، ٢٧ يونيو ٢٠٢٤
تغلب عليه بالاجتهاد والنجاح في حياتك وعدم الاستسلام للظروف
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا