هو انا لية مش بذاكر يعنى ببقى عايزه اذاكر لانى حابه اكون ناحجه و متفوقه و اعمل كرير كويس بس مع ذلك مش بذاكر دايما فى دماغى انى اذاكر بس مش بقوم اذاكر حتى و لو قمت بدور ع اى حاجه علشان مذكرش مش حابة كدا انا حابة اذاكر بس مش عارفه ممكن افهم انا لية كدا و هل فى حل ؟!
تحتاجين إلى الزام نفسك بالمذاكرة رغمًا عن نفسك، ومكافئة نفسك على كل إنجاز تنتهين منه بشيء تحبيه. إضافة إلى استخدام أساليب متنوعة وممتعة في الدراسة بحيث يصير الوقت خفيفًا ومحببًا لقلبك ... وتذكري أن نيل المطالب والأماني لا يكون بالنوم والتكاسل. اكتبي حلمك في ورقة وعلى الشاشة الرئيسية لهاتفك وفي كل مكان بحيث تجعليها في مرمى بصرك على الدوام وكلما تكاسلتي نظرتي إلى حلمك وتذكرتي أنك في حاجة لفعل المستحيل للوصول إليه بالتوفيق
تم النشر الاثنين، ٥ يونيو ٢٠٢٣
انتي عاوزه اللي يحفزك او يدفعك وافضل وقت المذاكره هو اللي انتي شايفه نفسك فيه ملكيش مزاج من المذاكره فا انتي استعيني بالله كده واعملي ورد قران وقبل ما تبداي اقراي قران وتوكلي علي الله وان شاء الله خير
تم النشر الأحد، ٤ يونيو ٢٠٢٣
فى خوف من النجاح ..ده ممكن يكون عندك... تلاقى نفسك بتفكرى كده ( وده بيتردد فى اللاوعى مش بصوت عالى فى مخك يعنى ) ...ايه ده هنجح بقي ويبقي مطلوب منى مجهود اكبر والناس تبصلى اكتر عشان ناجح ....لا لا دى دوشة كتيره انا الافضل ابعد عنها. فتيجى فى الجزء الواعى من مخك ينفذ حاجات تبعده بقي عن انه يروح ناحية النجاح . وانتى تبقي مش فاهمه ليه كده .
تم النشر الأحد، ٤ يونيو ٢٠٢٣
انتي عاوزة النتيجة الي هي النجاح من غير مجهود الي هو المذاكرة و ده مستحيل طبعا لازم عشان تنجزي حاجه يكون عندك دافع و مبرر الدافع عندك المبرر الي هو انا بذاكر ليه ، انا ايه الي جابني هنا اصلا 😂 لما مخك يربط أن المذاكرة الطريق للنجاح هتلاقي نفسك سبتي كل حاجه و قعدتي تذاكري
تم النشر الأحد، ٤ يونيو ٢٠٢٣
انا بدات اقنع نفسى ان مفيش اى حل للنجاح و تحقيق اللى نفسى فيه غير لما اذاكر اقتنعت جزئيا بجمله المذاكرة طريق النجاح و كمان بقيت بكتبها ع الكشكول من فوق جربى كدا 🙂🙂
تم النشر الأحد، ٤ يونيو ٢٠٢٣
انا عايزه اقولكم ان من بعد م كتبت البوست دا و انا تقريبا بقيت بذاكر و بحاول انى مضيعش يوم تانى غير لما اذاكر حتى لو الجزئيه بسيطه بس المهم اذاكر فشكرا جدا ليكم ❤️❤️
تم النشر الاثنين، ٥ يونيو ٢٠٢٣
اكيد هجرب
تم النشر الاثنين، ٥ يونيو ٢٠٢٣
جربي تعذلي نفسك أو تجربي نشاط مختلف للمذاكرة يمكن أنت مش عارفة تذاكري إزاي ومفهومك للمذاكرة أو طريقتك هي الخطأ طالما أنت تريدين المذاكرة وعندك إرادة.
تم النشر الاثنين، ٥ يونيو ٢٠٢٣
وانا كمان برضو حد يحل المشكلة دي بجد 🥲
تم النشر الأحد، ٤ يونيو ٢٠٢٣
لعرض السؤال في فدني اضغط هنا