السلام عليكم انا في رمضان عامل نظام علشان اخس انا طولي 173 وزني كان 83.5 الان بقي 81 النظام هو صائم طبعا من الفجر للمغرب بفطر علي بلحتين ومياه وبعديها ب ساعه او نص ساعه طبق سلطه كبير مع فراخ او لحمه او سمك الي متوفر بدون دهون طبعا وطبق شوربه بالليمون ومعلقة رز وموزه وفي خلال العشاء والفجر لو جوعا باكل تفاحه والسحور علبتين زبادي علي معلقة عسل نحل و4 حبات فراوله هل النظام ده ممكن يسبب لي مشاكل صحيه
انت الى حد ما طولك مع وزنك مناسب بس شوف شكل جسمك لو مش مناسب ابدأ روح جيم هيظبط الشكل نصيحه برده متخليكاش قاسي على نفسك ، النظام ال انت ماشي عليه كويس بس فى السحور زودلك بيضه مسلوقه مع علبتين الزبادى مش كده ي اخى يعنى وشكرا على اكمال القراءه
تم النشر الأحد، ٩ أبريل ٢٠٢٣
على قدر معلوماتى فهو كده كل العناصر الغذائية موجوده. فى الصيام بس اهم حاجة تزود شوية من السوائل والماء لان الجسم محتاجة بشكل مكثف اكتر عشان فترة الصيام. الدوخة بس اللى ذكرتها لو اتكررت يبقي كده محتاج تزود نسبة السكريات بالفاكها او العسل ...كده الحرق زيادة عن الصحى. والافضل تتابع الوزن بنظام inbody عشان تعرف اللى خسيته ده من الدهون ولا الميه ولا العضلات..
تم النشر الخميس، ٦ أبريل ٢٠٢٣
نظام كويس جدا ... اهم حاجة ان النظام ميكونش معتمد على النشويات .. يكون اعتماده الكلي على البروتين، وعادي انه يكون فيه دهون هي مش خطيرة ... والدهون مش بتخن اساسا. اللي بيتخن هي ان الاكله تكون نشويات عالية مع بروتين ودهون عالية .. زي مثلا المكرونة بشاميل علشان كده بترفع الانسولين عالي جدا. اما النظام اللي انت ماشي عليه كويس ... بس متحاولش تاخد حاجة اي حاجة ما بين الافطار والسحور .. المقصدود هنا الاكل طبعا. ومش لازم العسل يبقى كل يوم مثلا او الرز ... بس ده نظام كويس جدا وبالتوفيق وصحتك باذن الله هتبقى كويسة عليه. وانت اللي هتقول كده بنفسك هل بتحس انك تقلان بعد الاكل ع النظام ده؟ او حاسس ان بتفقد الطاقة ... زي مثلا زمان لما كنت بتاكل اللي انت عايزه؟
تم النشر الأربعاء، ٥ أبريل ٢٠٢٣
عليك الحرص على تناول وجبات متوازنة تحتوي على العناصر الغذائية الأساسية المطلوبة لجسمك وفقًا للأهداف التي تسعى إلى تحقيقها. يجب عليك تناول كمية كافية من البروتينات التي تشتمل على جميع الأحماض الأمينية الضرورية والتي تقوم بتغذية العضلات ودعم عملية التئام الأنسجة. وايضا تناول كمية كافية من الخضار والفواكه لتوفير الألياف اللازمة للهضم وصحة الجهاز الهضمي. كما عليك تناول كميات مناسبة من الدهون الصحية، مثل الأسماك الدهنية والمكسرات وزيت الزيتون. من خلال الوصف الذي قدمته، يبدو أن نظامك الغذائي يحتوي على الكمية الكافية من المواد الغذائية المهمة، وينصح بالاستمرار عليه بشرط عدم الشعور بالتعب أو الضعف حيث أن التغذية السليمة يجب أن تؤثر إيجابًا على صحتك. إذا كنت تشعر بأي مشاكل صحية أو تعاني من عوارض جسدية مزعجة، فيجب عليك استشارة طبيبك، ومراقبة الوزن بانتظام، وممارسة الرياضة بانتظام، والحصول على كافة النوم اللازم لجسمك.
تم النشر الثلاثاء، ٤ أبريل ٢٠٢٣
نسيت اذكر اني امشي كتير جدا وبعمل تمارين في البيت لمدة ربع او نص ساعه
تم النشر الثلاثاء، ٤ أبريل ٢٠٢٣
لعرض السؤال في فدني اضغط هنا