انا في ثانوي بشوف الدفعه بتاعتي كله عنده اهداف واحلام عايز يحققها وانا معنديش اي اهداف ولا متخيله نفسي في اي وظيفه في المجتمع.
تركيزك معاهم طبيعى يشتتك ده اولا . الاحلام ملهاش وقت ولا شكل محدد ولا فيها حد شبه التانى . المرحلة اللى انتى فيها مش شرط يكون عندك حلم وعاوزة تحققيه ...بس كفايه انك تبنى شخصية تساعدك تحققى اى حلم فى اى وقت. اتعلمى الصبر اتعلمى ادارة الوقت اتعلمى المثابرة اتعلمى البحث بشكل صحيح. اتعلمى تركزى ومفيش حاجة تشتتك خليكى فى الثانوية بس وذاكرى وبعدها اقعدى وحطى رجل على رجل وانتى هتختارى الوظيفة والمجال اللى تحبيه ان شاءالله.
تم النشر الجمعة، ١٧ مارس ٢٠٢٣
مش بالضرورة خلي بس كل اللي في بالك انك تجيبي مجموع عالي يدخلك اي كلية بعدين ومش شرط كلية عالية لا عادي بس المقصد انك تجيبي اعلى حاجة عشان لو حبيتي اتك تدخلي كلية عالية منقابلكيش مشكلة زي ان مجموعك ميسمحش وفكرة انك تكوني عايزة تجيبي مجموع عالي ده حلم يعني انتي بتكلمي تجيبي مجموع عالي في ثانوية عامة وده مش حاجة عادية ركزي في المذاكرة دلوقت وبعد الامتحانات ان شاء الله ابدأي فكري وابحثي واسألي وشوفي انتي عايزة اي واي اللي هيفيدك واي اللي انتي شايفة نفسك فيه وربنا يوفقك يارب
تم النشر الجمعة، ١٧ مارس ٢٠٢٣
متقارنيش نفسك بحد، ده اول حاجه لان كل واحد مختلف عن التاني. ومش شرط علشان انتي مش شيافة نفسك دلوقت في حاجة يبقى فيكي حاجة غلط، او انك تقلقي وتقولي هو معقول ابقى مش عارفه انا عايزة ايه؟ او معنديش اهداف لاي حاجة؟ بالعكس انتي فرصتك احسن منهم تعالي كده نفكر مع بعض ... انتي مفيش اي حاجة في دماغك حاليا ومش عارفه اذا كنتي تنفعي في الحاجة الفلانية ديه او لا. فتعملي ايه؟ هتبدأي انك تكتشفي نفسك، رحلة هتكتشفي فيها نفسك، هتعرفيها بتحب ايه ومش بتحب ايه، وتنفع في ايه. طيب هو الواحد يعرف ازاي بأنه بيحب الحاجة ديه ولا لأ؟ بأنه يجرب .. انتي عندك فرصة حلوة اوي وانك تجربي حاجات كتير لحد ما تشوفي انتي عايزة ايه؟ حاليا احنا في عصر كل حاجة قدامك تدخلي تقري عنها، وتشوفي فيديوهات عنها، وتقري عن كتير اوي من المجالات، لو فيه فرصة كمان بعد الثانوية انك تنزلي تطوع وشغل تتعرفي فيها عن نفسك وعن المجالات اللي ممكن تبقى شاطرة فيها، والمهارات اللي ممكن تاخديها من التطوع كبيرة اوي هي والشغل. انطلقي في انك تبحثي عن نفسك، انتي لسه صغيرة وهو ده وقته بجد. مش شرط خالص انك تكوني موهوبة في حاجة معينة، الاهم انك تخلقي حاجة تكوني مميزة فيها بشطارتك. هترك ليكي كام حاجة كده ابقى شوفيهم هيفدوكي جدا. اختبار تحليل الشخصية ما هي تخصصات المستقبل و كيف اختار تخصصي - فرصة نادي القراءة العملية اتمنى ليكي كل التوفيق
تم النشر السبت، ١٨ مارس ٢٠٢٣
طيب خلي عندك هدف واحد احسن انك تجيبي مجموع عالي وتسيبي نفسك وقتها تحددي المكان الي نفسك فيه وهتحدديه بناء ع مميزات وعيوب وسيرش كبير عنه هتلاقي مجال بيشدك ومجال شغله افضل بتدخليه
تم النشر الجمعة، ١٧ مارس ٢٠٢٣
أولا، لا يوجد أي غضاضة في عدم وجود الرؤية الواضحة للمستقبل. لكن يمكنك تحويل هذا الشعور إلى شيء إيجابي. يمكنك البدء في تحديد بعض الأهداف الصغيرة والتطلعات قصيرة المدى. مثلا ، هل شعرت بحماس شديد حول شيء ما في السابق، مثل القيام بنشاط معين او التعلم عن شيء ما؟ استخدم هذه الشغف لتحديد بعض الأهداف الصغيرة التي تعتقد أنها يمكن تحقيقها. يمكنك البدء بالإهتمام بمساعدة الآخرين, أو العمل على شيء يمكن أن يخدم فئة معينة في المجتمع. عندما تعثر على شيء تشعر انها مهمة بالنسبة لك، تحول هذا الهدف إلى رؤية طويلة المدى، وأبدأ بتطوير خطة عمل لتحقيقها. ولا تنسى، دائماً يمكنك طلب المساعدة من المدرسين أو المستشارين المدرسين للحصول على مساعدة في التخطيط.
تم النشر الجمعة، ١٧ مارس ٢٠٢٣
لعرض السؤال في فدني اضغط هنا