مساء الخير
انا عندى ١٧
انا بحب ولد ونعرف بعض لينا ٣ سنين و هو اكبر منى ب سنه وحصلت مشاكل وسبنا بعض فترة بس رجعنا تانى بس انا خايفه بعد طول الانتظار ده منكونش لبعض وخايفه اقوله يزعل منى واخسره للابد بس ربنا اعلم انا بحبه قد اى
طبيعى تحسي انكم ممكن متكونوش لبعض. ده سن صعب فيه القرار يثبت ويكمل ...دى مرحلة مختلفة عن المرحلة اللى ينفع يتاخد فيها خطوات حقيقية قبل ما تخافى على زعله وخسارته ...خافى على زعلك من نفسك لما تضيعى وقت وسنين فى حاجة غلط خافى تخسري نفسك مع كل المشاعر اللى بترميها فى الارض كده فى شىء الله اعلم بنهايته. اللى انتى بتفكرى فيه صح...انهى العلاقة الغلط دى فورا ...انتى هتكسبي اكيد ومش هتخسري حاجة
تم النشر الأحد، ٢٢ يناير ٢٠٢٣
يعني على علاقة بيه وانتي عندك 14 سنة؟ ليه يابنتي .. يعني ليه تدخلي علاقة وانتي عندك 14 سنة ؟ ليه؟ ممكن تقولي لي يعني ايه حب اساسا من وجهة نظرك؟ يعني ايه يبقى عندك 14 سنة وتعيشي قصة اساسا والله ما وقتها! عرفتي ايه وعملتي ايه في الدنيا علشان تبقى عملتي كل حاجة وفاضل انك تدخلي علاقة مع حد، انتي لسه الدنيا قدامك ..! تفتكري اصلا ان حد عنده 18 سنة هيكون في باله اصلا يشيل مسؤولية، هيكون في باله اصلا هيكمل معاكي؟ انتي اساسا ايش ضمنك انه يكون صادق معاكي؟ مش يمكن بيتسلى وعارف بدل الواحدة 10؟ طبعا وارد جدا بعد طول الانتظار ده ممكن اساسا الموضوع يطلع على فركش .. فيه ناس ممكن تكون مع بعض اكتر من 10 سنيين ويسيبوا بعض ... هل انتي عايزة تعملي كده في نفسك؟ عايزة كمان تقعدي في علاقة اكتر من 5 سنيين علشان يقولك في الاخر كان فيه وخلص؟ خليكي صاينة نفسك ... يعني ايه تقعدي مع حد في علاقة بالكام سنة اصلا؟ ليه ؟ ومفيش بينكم اي حاجة رسمي؟ فكري في كلامي علشان بعد متدفعيش التمن غالي بعدين. هسيب ليكي كذا رابط لاسئلة مشابهة برده ارجو انك تقرئي اجاباتها https://fedni.net/q/94624599/استنزاف-مشاعر https://fedni.net/q/72039645/ولا-في-الأفلام-صديقتي-حبت-ابن https://fedni.net/q/41831888/معنديش-شغف-لاي-حاجه-ودخل-شخص https://fedni.net/q/46308777/حب-ثانوى
تم النشر السبت، ٢١ يناير ٢٠٢٣
الشاب لما يجي يخطب هيدور على واحدة مكلمتش أولاد قبل كدة .. خديها قاعدة! وأنت كدة بتعرفيه أنك ممكن عادي تكلمي ولاد وتحبوا بعض وتسيبوا بعض وترجعوا لبعض .. كثير من الأسئلة العاطفية هنا بتيجي من السن بتاعك لأن يبدو أن الفتاة في السن دة بتبقى عايزة تخوض التجربة اللي بتسمع عنها في الأفلام وبيبقى عندها مخزون عاطفي كبير لم يتكون عندها النضج الكافي لترويضه بعد لو بتخافي من ربنا قولي للشاب دة مرة واحدة أنت عارف عنوان بيتنا وأنا اللي عايزني ييجي يخطبني من البيت وتوقفي كلام معاه نهائيا .. هو لو محترم هايحترمك وياخد القرار على الأساس دة ولو مش محترم فمايستحقش يكون زوجك
تم النشر الجمعة، ٢٠ يناير ٢٠٢٣
اول حاجه واجهيه بمشاعرك و انك خايفه و اوعك تخافى من حد و حبى نفسك لان محدش يستاهل تحبيه اكتر من نفسك غير كده لو بيحبك بجد هيكمل غير كده انتى ف مرحلة مراهقه و ده طبيعى انك تحبى و تدخلى ف المرحله دي اللى يفضل يقوللك لى و انتى صغيره و الكلام ده طنشى كلامه بس عاوزه اقوللك حاجه انتى ف المرحله دي مشاعرك بتتغير كل شويه يعنى هييجى عليك الوقت و تقولى اي اللى انا كنت بعمله ده هبل و ده مكانش حب يمكن كان اعجاب تعلق مثلا لكن مش حب و خليكى واثقه فى نفسك و هاقولهالك تانى حبى نفسك
تم النشر الأحد، ٢٢ يناير ٢٠٢٣
قوليله خوفك ده وعرفيه انك قلقانه ..وفي حاجه كمان ١٧ سنه صغيره جدا لسه قدامك حجات كتير تشوفيها ف الدنيا وبتكبري اكتر وبتنضجي اكتر وهتلاقي حجات كتير شيفاها ومقتنعه بيها بتتغير كل مبتكبري وبتتعلمي كمان تفهمي الناس والعلاقات اكتر وهتقدري تقيمي علاقتك دي صح ولا لا والشخص جاد ولا لا
تم النشر الجمعة، ٢٠ يناير ٢٠٢٣
اوعك تخافى ده اول حاجه هو لو حبك بجد فا هيكمل غير كده انتى لسه ف سن مراهقه طبيعى تحسى بالمشاعر دي و لازم تمرى بمرحلة الحب دي بس لازم تكونى واثقه فى نفسك و بتحبى نفسك اكتر من اي حد و معلومه كمان انتى مشاعرك هتتغير كل ماتكبرى و ده هيخليكى بعد كده ييجى وقت و تى اللى تبقى مش عاوزه تكملى و تقولى لنفسك انا محبتوش اصلا و هاقولهالك تانى حبى نفسك
تم النشر الأحد، ٢٢ يناير ٢٠٢٣
لعرض السؤال في فدني اضغط هنا