دلوقتي انا الحمدلله ياربي بعد تعب وجري ورا اي فرصة علشان انمي ذاتي
ربنا فتحلي فرص كتير اوي الشهر ده منهم فرصة عمري ما كان يجي في بالي أنها تجيلي لحد دلوقتي مش مصدقه انها جت
بس دلوقتي لاقيت حاجات كتير كنت مقدمه عليهم أتقبلت فيهم الحمدلله ياربي
بس انا لاقيت نفسي مضغوطة ولازم استغنى عن حاجات علشان اكمل في حاجات تانية
بس مش عارفه اخد قرار خااالص
ومترددة استنغى عن ايه وحاسه انه عايزه اضغط نفسي اوي واستغلهم كلهم بس ده حاسه انه مستحيل ومش هعرف أخطط له في نفس وقت حاسه أن يمكن فرص دي متجليش تاني
فأرجوكم ساعدوني
أهلاً بيكِ! أول حاجة، مبروك على الفرص الرائعة اللي جتها لك. ده إنجاز كبير ويستاهل إنك تفرحي وتفتخري بنفسك! بالنسبة للضغط اللي حاسة به، ده طبيعي جداً لما يكون عندك اختيارات كتير. عايزة أقترح عليك شوية خطوات ممكن تساعدك: اعملي قائمة : اكتبي كل الفرص اللي عندك، واكتبي جنب كل واحدة منها المزايا والعيوب. كده هتقدري تشوفي الأمور بوضوح. حددي الأولويات : فكري في إيه الأكثر أهمية بالنسبة لكِ. هل تحبي تكمل في حاجة معينة أو تكوني قريبة من حاجة معينة؟ سجلي مشاعرك : حاولي تكتبي عن كل فرصة، إيه اللي حسيتي به لما عرفتي عنها؟ ده هيساعدك على تحديد ما إذا كانت تلبي شغفك وطموحاتك. فكري في المستقبل : حاولي تتخيلي نفسك بعد سنة من الآن. أي فرصة تتمنى تكوني حوليها؟ خذي قرار وإلتزمي به : بعد ما تراجعي كل الخيارات، اختاري الفرصة اللي حاسة إنها الأكثر توافقًا مع رؤيتك لنفسك، وخذي القرار بإيمان! وفي النهاية، تذكري إنك تقدر تغيري رأيك في المستقبل، لكن الأهم الآن هو إنك تأخذي خطوة للأمام. أنا معكِ في كل خطوة!
تم النشر الأربعاء، ١٤ أغسطس ٢٠٢٤
أولا انصحك بإنك تهدي وتخففي من توترك عشان تعرفي تختاري صح من غير ما تضايقي من قرارك بعد كدا بسبب خوفك وتسرعك ثانيا حاولي تشوفي اي التخصص اللي انتي حابه اكتر يعني الل انتي موهوبه فيه اللي عندك مهارات تساعدك علي انك تواصلي فيه وتكوني متميزه فيه عشان تكملي صح ثالثا انصحك انك تاخدي برأيك انتي وبقرارك انتي مفيش مانع انك تستشيري حد ويديكي رأيه بس تفكيرك انتي في الحاجه اللي انتي متميزه فيها اكتر وتكون ليكي بعد كدا وسيله انك تكوني بفضل ربنا حد متمكن منها حاولي تهدي وخففي توترك وحاولي انك تختاري صح ومفيش مانع انك تصلي استخاره هتفيدك يعني اختيار ربنا ليكي مفيش احسن منه بتمنالك التوفيق والخير والطريق الصح ليكي ربنا يوفقك يارب وتحققي كل اللي بتنمنيه♥️♥️🥰
تم النشر الجمعة، ١٦ أغسطس ٢٠٢٤
طيب انا هقول لك على السلام عليكم ورحمه الله وبركاته اولا. ربنا يتم عليك فضله ونعمته ودائما نكمل تعبك ومجهودك بنتائج تكون مرضيه عليك. وهقول لك على حاجه بسيطه جدا حددي هدفك الاساسي اللي انت رايحه له دايما حددي هدفك انت عاوزه توصلي لايه انت عاوزه تكوني ايه في المستقبل البعيد الحاجه اللي فعلا هتكوني لما توصل لها وشوفي من الفرص اللي قدامك دي كلها ابدئي كده اعملي تقييم وشوفي كل فرصه منهم هتاخذ كم من عشره في سبيل ان هي هتؤدي للهدف ده وهتبدئي تشوفي بقى مين اللي واخد اعلى سكور وهو ده اللي هيحقق لك طيب حتى لو مش عارفه تقولي انا حاسه ان هديهم كلهم درجات عاليه شوفي الهدف بتاعك ده قسميه لحاجات صغيره يعني مثلا لو انا عاوزه اكون شخصيه ناجحه ومؤثره في المجتمع طيب يعني ايه يعني اكون بعمل كذا يعني اكون بعمل كذا مثلا يعني اكون بساعد الناس.
تم النشر الخميس، ١٥ أغسطس ٢٠٢٤
أنا أمر بظروف مشابهة لذلك وأعرف كم الضغط الذي تشعرين به. هناك الكثير من الأشياء المهمة التي يجب أن تفعلينها في ذات الوقت ولا يمكنك الاستغناء عن أحدها لأنكِ ترينها ضرورية أو كما في حالاتكِ تخشين من ضياع هذه الفرص. الحل الوحيد بعد الاستخارة في أمركِ، هو تحديد أولوياتك. حتى لو بدت كل هذه الفرص ذات أهمية لكِ، إذا جلستِ مع نفسكِ وأحضرتِ ورقة وقلم وكتبتِ كل شيء وأفرغتِ عقلكِ من كل الأفكار التي تحيركِ وقارنتِ بين كل تلك الفرص ستلاحظين أنها ليست على ذات الأهمية حتى ولو بدرجة بسيطة. وقتها قومي بتحديد الأهم فالمهم. ما الذي لا يمكنك التخلي عنه إطلاقًا؟ لو كنتِ مجبرة على اختيار شيء واحد من بينها، ماذا ستختارين؟ الشيء الوحيد الذي ستختارينه ستضعينه في أول القائمة ثم بعدها ارجعي لباقي الخيارات وأعيدي السؤال عندها ستجدين قائمة مرتبة من الأهم للمهم والأقل أهمية. وبالنسبة للفرص فلا تقلقي من هذه الناحية... الفرص التي تذهب تأتي أخرى غيرها وربما أفضل منها بكثير. توكلي على الله.
تم النشر الخميس، ١٥ أغسطس ٢٠٢٤
ربنا يوفقك يارب حاولي تشوفي ايه الحاجه اللي حباها واعمليها وشوفي المناسب ليكي برضو وصلي وادعي ربنا ينور بصيرتك للحاجه الخير ليكي
تم النشر الجمعة، ١٦ أغسطس ٢٠٢٤
ماتشوفيش الحاجه اللي عاجباكي وتعمليها عشان كده هتعملي كل حااجه شوفي الحاجه الوحيده اللي مش هتقدري تستغني عنها وفي الاخر ربنا يوفقك ويكتبلك اللي فيه الخير
تم النشر الجمعة، ١٦ أغسطس ٢٠٢٤
"واذا عزمت فتوكل على الله " قسم اهدافك لمراحل واشتغل مش لازم كلها وقت واحد
تم النشر الخميس، ١٥ أغسطس ٢٠٢٤
بعد الاستخارة أنصحك بكتابة مميزات كل فرصة، وما الذي سيفوتك لو لم تستغليها، وما هي التحديات أو العيوب في كل فرصة. افعلي ذلك مع الفرص كلها ثم اختاري حسب الأكثر تميزًا والأنسب لك من ناحية الثقافة والالتزام ومجال العمل وفرص النمو والتطور وما إلى ذلك. موفقة.
تم النشر الخميس، ١٥ أغسطس ٢٠٢٤
اختي الكريمة ربنا يوفقك و يهديكي لطريق الصواب. طبعا من الموضوع تبعك مش واضح عندنا نوع الفرص و الفروقات بينهم عشان نعرف ننصحك أكثر بس بشكل عام و في كل امور حياتك، أفضل شيء ممكن تعمليه هو انك تستشيري رب العالمين و تصلي استخارة و ربنا ييسرك الخير
تم النشر الخميس، ١٥ أغسطس ٢٠٢٤
لعرض السؤال في فدني اضغط هنا