انا وخطيبتي ع خلاف كبير ومحتاج افاده ضروري
هي كانت ف زيارة ف دمياط عند باباها
علشان هو شغال ف دمياط
فكانت عاوزه تروح تسلم ع صحبتها وتقعد معاها سايبه طول النهار وجايه الساعه ٩ بليل تقول انا رايحة ف قولتلها النهار له عنين ومينفعشي تخرجي دلوقتي وترجعي متاخر علشان بيت صاحبتها بعيد ف قالتلي لا عادي
قولتلها هو ابوكي ازي هيسيبك تروحي تقعدي ف بيوت الناس كدا ل ١٢ بليل
ف قالتلي مش عاوزه اعرفك تاني
هل كلمتي دي مستاهله لكل دا او انا غلط !
بص اولا هي في بيت اهلها يعني انت ملكيش كلمه عليها هي بتشاركك من باب معرفه و ده كويس محدش يقدر يحكم علي صوره كامله غير صاحبها و كمان مينفعيش تقولها بابكي ازي سايبك و مش سايبك هي كده زي ما تكون بتعمل حاجه غلط و بابها سايبها انت يمكن خوفت عليها او استغربت و ده ينطبق علي مكان الا هي فيه في مناطق حايه بيسهروا لغيط فجر و في بيانموا١٢بليل شارع بيبقا ضلمه علي حسب جايز صاحبتها ده ملهاش اخوات او بتعزيها اووي و بتروحش لحد غيرها شوف صوره كامله
تم النشر الأربعاء، ٧ أغسطس ٢٠٢٤
شوف، اللي حصل بينكم مش سهل وكل واحد فيكم عنده وجهة نظره. أنت خايف عليها وده طبيعي، بس كمان هي عندها الحرية إنها تختار وتطلع وتقضي وقتها مع أصحابها. يمكن كان ممكن تتكلموا بشكل أفضل. حاول تحس بأحاسيسها وتفهم إنها محتاجة حريتها، وبنفس الوقت اشرح لها مخاوفك بصراحة وبدون توتر. حاول تكلمها بهدوء وتقول لها إنك تحبها وقلقك عليها نابع من محبتك. وفي نفس الوقت خليك مرن شوية ووافق على بعض الأمور اللي تحس إنها ممكن تخفف من التوتر بينكم. اتكلموا وحاولوا توصلوا لحل يرضيكم الاتنين.
تم النشر الثلاثاء، ٦ أغسطس ٢٠٢٤
هو انت جبتها بشكل غلط كنت محتاج تفكر قبل لما تقول الكلمه أنا راي براحه تكلمها وتفهمها انك مش قصدك والله وانك خايف عليها مش اكتر وكده
تم النشر الأربعاء، ٧ أغسطس ٢٠٢٤
حاول توصل وجهه نظرك باختلاف الطريقه والكلمات والنبره بتعت الصوت وشوف طريقتها هتتحسن وتزل ترفض ولالا
تم النشر الأربعاء، ٧ أغسطس ٢٠٢٤
انت صح وكل حاجه ومعاك حق لكن الطريقه كانت بايخه شويه.. والله يبني البنات ابسط مما تتخيل ف خلي كلامك كويس معاها وطريقه كويسه هتلاقي الدنيا ماشيه.. وربنا يوفقكم
تم النشر الخميس، ٨ أغسطس ٢٠٢٤
طب مهي رايحه تزور صاحبتها ليه تعمل مشكله معها؟ هي مش بتعمل حاجه غلط وبعدين الفكره في الطريقه و كمان لما تلاقي سبب واقعي او سبب يقنعها يعني ليه اصلا ترفض و تقلل من باباها بالمنظر ده؟ كلمها صالحها المفروض تختار طريقه كلامك معها والموقف لا يستدعي كل الكلام الي قولته ده
تم النشر الأربعاء، ٧ أغسطس ٢٠٢٤
لعرض السؤال في فدني اضغط هنا