السلام عليكم
في الشتاء وشي دايما بيبقى ناشف والجلد زي بيقشر في أجزاء من وشي إيه اللي ممكن أستخدمه يعالج ده.
عليكي بالترطيب ثم الترطيب لازم يبقي عندك روتين للعناية ببشرتك في الشتا أو حتي في الصيف اهم حاجة اعرفي نوع بشرتك وبناءا علي دا هتعرفي تعالجيها بس غالبا هي جافة أو مختلطة فانتي محتاجة تعرفي ايه هي المنتجات المناسبة لبشرتك هتجيبي غسول خفيف مناسب وممكن تونر أو تستبدليه بماية ورد والأهم من دا كله الترطيب لازم ترطبي بشرتك اكتر من مرة في اليوم وكمان مرطب للشفايف ودا لازم يبقي روتينك اليومي وفي الاسبوع ممكن تستخدمي مقشرات خفيفة زي القهوة عشان تشيلي اي جلد ميت
تم النشر الخميس، ٣ أبريل ٢٠٢٥
دا طبيعى في الشتا للبشره الجافه لازم تهتمي بالترطيب استخدمى مرطب مناسب في واحد اسمه moist-1 دا كويس ولو جافه اوي استخدم فازلين حلو اوى بس لازم يكون نوعه نضيف والأفضل بردو تروحى لدكتور يكتب حاجه مناسبه مع بشرتك بالشفا ان شاء الله
تم النشر السبت، ٥ أبريل ٢٠٢٥
وعليكم السلام ورحمة الله وبركاته. جفاف البشرة في فصل الشتاء ظاهرة شائعة، ويمكن أن يكون مزعجاً جداً. هنا بعض النصائح التي يمكن أن تفيدك في علاج جفاف البشرة: ترطيب البشرة : استخدم مرطبات تحتوي على مواد مرطبة مثل الجليسرين، أو حمض الهيالورونيك، أو زبدة الشيا. يُفضل استخدام مرطبات كثيفة بعد الاستحمام مباشرةً لإغلاق الرطوبة في البشرة. التقشير بلطف : يمكن استخدام مقشرات لطيفة لإزالة خلايا الجلد الميتة، مما يساعد على تحسين مظهر البشرة. لكن تجنب التقشير القاسي لأنه قد يسبب تهيج الجلد. شرب الماء : تأكد من شرب كمية كافية من الماء يومياً، حيث أن الترطيب الداخلي مهم للبشرة. تجنب الصابون القاسي : استخدم منظفات الوجه اللطيفة التي لا تحتوي على مواد كيميائية قاسية. استشارة طبيب الجلدية : إذا استمرت المشكلة أو تفاقمت، يُفضل استشارة طبيب مختص للحصول على نصائح وعلاجات خاصة تناسب حالتك. حافظ على روتين العناية بالبشرة بشكل منتظم، وسيكون لديك نتائج إيجابية إن شاء الله. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الخميس، ٣ أبريل ٢٠٢٥
بصي استعملي غسول ارجنتو كلير حلو جدا بيشيل الرؤوس السوده وبيرطب ويفتح الوش ويشيل الحبوب وكمان استخدمي سيرم ازها بجد دول تحفه ومش غاليين وبيقعدو معاكي كتير يعني ممكن دول يبقى في توتال ٢٢ج او ٢٣٠ كده يعني
تم النشر الأحد، ٦ أبريل ٢٠٢٥
وممكن استخدام الفازلين و زيت الزيتون تعمل علي ترطيب البشرة في فتره الشتاء
تم النشر الخميس، ٣ أبريل ٢٠٢٥
محتاج كريمات ترطيب للوجه وماسكات ترطيب البشره
تم النشر الخميس، ٣ أبريل ٢٠٢٥
كل ما تبلل وشك رطبه بأي مرطب من الصيدلية زي بانثينول مثلا ومع الاستمرار هتلاقي نتيجة إن شاء الله
تم النشر الاثنين، ٧ أبريل ٢٠٢٥
لعرض السؤال في فدني اضغط هنا