انا حاليا عندي 20 سنه ونفسي اني اطور من نفسي بس كل ما ابدا برجع ل نقطه الصفر تاني ومش عارف اعمل وحاسس ان ال 20 سنه الجاين هيبقو زي اللي فاتو ومش هبني حاجه ولا اعمل اي حاجه...
انا ف معهد 4 سنين سياحه وفنادق
المرء علي دين خليله فلينظر أحدكم من يخالل)) طب دا علاقته اي ؟! هقولك بكل بساطة هتفضل ترجع لنقطة الصفر طول منت بتطور نفسك مع نفسك أنت محتاج حد صاحبك مثلا تمشوا سوا في طريق التطوير ده بحيث لو انت في يوم ميلت هو يشجعك ♥️اصل لو انت وسط ٥ مليونيرات هتبقي السادس لو وسط ٥ مش كويسين هتبقي السادس فانتقي أصدقاء يكونوا عندهم نفس الاهداف دي وشجعوا بعض دايما علشان تستمروا ودايما حط قدامك قليل دائم خير من كثير منقطع) واحدة واحدة كدة علشان تحافظ علي الاستمرارية وربنا ييسر لك الأمور بإذن الله
تم النشر السبت، ١٩ أغسطس ٢٠٢٣
ال 20 سنة اللي جاين هيبقوا زي اللي فاتوا؟ هو احنا مطلوب مننا ايه للدرجادي واحنا عندنا 5 او 10 او 15 سنة .. يعني محتاجة اعرف ايه اللي ف مخيلتك بالظبط؟ انت 20 سنة .. يعني لسه بتبدأ .. ليه محسس نفسك انك عديت ال 70 سنة؟ وليه بتجزم انك مش هتعمل حاجه اصلا؟ ما هو ده ف حد ذاته هيخليك فعلا متعملش حاجه، اي فكرة هي مركزها الشعور والفكرة ديه لو سلمت بيها هتكون مقتنع بيها اقتناع تام وبكده هتنفذها. ف الاول نصفي دماغنا .. ونحاول نفكر تفكير واقعي شوية .. مش هقولك ايجابي ولا سلبي .. هقولك واقعي (بمعني اننا نشوف حاليا احنا واقفين فين، ومحتاجين ايه، وعايزين ايه) تمام؟ حاجه مهمه كمان - ياريت بلاش السوشيال ميديا تأثر عليك .. يعني معرفش مين وصل ل ايه وهو عنده معرفش كام سنة؟ معرفش مين عمل ايه وبقى معاه كام؟ بلاش تقارن نفسك بيهم .. خليك في حالك .. خليك في حالك وبس ... وركز ع نفسك.
تم النشر الخميس، ١٧ أغسطس ٢٠٢٣
انتظم بالصلاة الصلاة مفتاح نجاح يعينك علي كل شئ مع قراءة القرآن والدعاء ثانيا دع الكسل ولا تتردد في فعل شئ واعلم طول ما انت اخذت بالاسباب توكل علي الله خذ بألاسباب كأنها كل شئ وتوكل علي رب الارباب وكأنها لاشئ واقفل سكة التفكير السئ فإنه لايفيد بل يضر وغير مفيد بالصحة واكتب اسباب النجاح اللي خاصة بالموضوع واكتب اسباب الفشل وكيف اتعامل معها والتعلم منها
تم النشر الخميس، ١٧ أغسطس ٢٠٢٣
اول حاجه تبدأ بيها انك تصلح علاقتك مع ربنا تنتظم في صلاتك لو بتقطع تواظب علي ورد القران في يومك والاذكار وعلي قد ما تقدر استغفر وادعي ربنا أنه يهديك الطريق الصح ثانيا ممكن تبدأ تسمع بودكاست هتفرق معاك جدا كمان ممكن تحضر كورسات ودورات علي منصات مجانيه زي ( إدراك ، معارف ) وفيه غيرهم كتير رتب بس أولوياتك وشوف انت حابب تغير اي اول حاجة وخد القرار وأبدأ الموضوع في الاول هيبقي صعب عليك ويمكن تزهق بس متيأسش وخلي هدفك دايماً قدامك .
تم النشر الخميس، ١٧ أغسطس ٢٠٢٣
بس يا صاحبي انا انا اصغر منك في السن بس عندي الحل ويمكن كلنا عايزين نفس الحل بس لازم الاول نعرف ايه اللي بيمنعنا من أننا نحقق حلمنا ونحقق النجاح سواء كان النجاح ده في الدراسة أو في الشغل أو في أي حاجة تانية علشان نقدر نواجهه كويس في واحد سأل تقريبا نفس السؤال وكان عنده المشكلة وهي تضييع الوقت علي الموبايل وعدم الاستطاعة من تغيير حياته وكان ده ردي عليه ويا رب يفيدك : يا أخي الأمر من عندك اقصد أن امرك لا يحتاج منك الا إرادة قوية لتحقيق هدفك وعزيمة صلبة للتمكن من السيطرة علي شهواتك ومقاومتها افعلها في شكل مهام يومية بسيطة تزداد يوما بعد يوم بمعني أن تبدأ في اليوم الأول بترك الهاتف لعمل مهامة واحدة ثم في اليوم الثاني مهامتين وهكذا حتي تصبح أكثر مقاومة لشهواتك سواء الهاتف او اي شئ آخر واعلم يا صديقي وليعلم الجميع أن وسائل التواصل إنما هي وسائل الضياع وسائل الفساد للشخص والمجتمع إن لم تستخدم بالشكل الصحيح وكما نعلم أن الهاتف يضيع منا الكثير من الوقت الذي هو حياة الإنسان فحياتنا دقائق وثواني حياتنا عبارة عن وقت يمر فإذا أضعنا هذا الوقت فيما لا ينفع فقد أضعنا حياتنا فكر في الأمر ماذا لو أنني استثمرت هذا الوقت في شئ اسمي وقتها سأعيش الحياة التي خُلقت من أجلها حياة العمل والجد ثم يأتي بعد ذلك النجاح وهو ثمرة لعدة اشياء أولها:مقاومة الشهوة كالهاتف وغيره ثانيها:الجد والاجتهاد في العمل وتحدي الصعاب وحسن تصرفنا مع المشكلات واخيرا اكرر لا تترك نفسك لشهوات الدنيا تلعب بك الكرة تُذهبك اينما شاءت وتأتي بك من اينما شائت هناك خروجة مع الأصدقاء هيا هناك سهر علي الهاتف هيا هناك لعب ولهو وإضاعة صلاة وإضاعة وقت هيا هكذا نفسك تريد وتقول (هيا) ولكن اين انت اين انت من هذا في كل يوم ترهق نفسك في أمور لا تنفع تضيع عقلك وجسدك وشبابك في تفاهات وشهوات نفسية لن تدوم طويلا لن تصنع لك المجد وانت جالس بين لهوك ولعبك فالناس نوعان كما نعلم أما ناجح أو فاشل الم تفكر يوما ما الفرق بينهما الفرق أن هذا الفاشل اختار المتاع القليل يمتع نفسه قليلا وهو لا يعلم ولا يدرك أنه هكذا يضيع مستقبله أما الناجح فهذا رجل نعم رجل قرر تحدي الصعاب وتحدي الدنيا بأكملها وضع لنفسه اهداف وحارب حرفيا حربا اصعب من حرب السيوف أنها حرب العزيمة لترك الشهوات ومقاومتها والإرادة الصلبة لتحقيق النجاح اعلم أن النجاح ليس سهلا كما يظن البعض النجاح يحتاج منا الصبر وانتظار الفرج اكلمك باللهجة بقي يا صاحبي خش في الدنيا قل لها انا جي وهحط عليكوا بهزر😄وإياك تستسلم هتحس في البداية أن الحياه صعبة وان تحقيق حلمك شبه مستحيل لكن اوعي ثم اوعي تتراجع مهو طبيعي كنت عايش في عالم كله راحة وانتقلت لعالم مليان صعوبات ومشاكل وكمان سِبت الراحة اللي كانت بتهون عليك الحياه........الحياه اللي مكنتش عايشها اصلا لو دخلت عالم النجاح هتحس أن انت مكنتش عايش اصلا وان فيه عالم تاني اجمل بكتير من العالم اللي كنت فيه(عالم الراحة والتواكل) اسمه عالم النجاح عالم علي قد مشاكله وصعوباته علي قد حلاوته وجماله من الداخل لو كملت فيه ومستسلمتش النجاح بيبقي ليه طعم مختلف عن أي شهوة بتشغلني عنه وخصوصا بعد ما يكون جاي بعد عناء كبير ومقاومة للنفس وشهواتها وعمل مُرهق ليل نهار انا حرفيا مش شايف قدامي الا حلمي اللي عاوز أوصله ومش شايف قدامي اي حد أو أي حاجة تانيه سواء حد كان بيشغلني عن تحقيقه قبل ما التزم أو حاجة كانت بتشغلني، خلاص انا قررت اني هَدُوء طعم النجاح ثمرة مجانية طعمها حلو اوي مش عاوز أحرم نفسي منها كل الموضوع أنها بتحتاج لشوية تعب وصبر للحصول عليها وبس كده . ويا رب اكون أفدتكم بفيديو النهاردة ما تنسوش تضغضوا زر اللايك والاشتراك في القناة علشان يوصلكوا كل ما هو جديد😂☝🏻ومع السلامة🫡
تم النشر الخميس، ١٧ أغسطس ٢٠٢٣
ما هو لازم كل كلمة بتقولها تبقى واضحه ومفهومه تعريفها يعنى ايه تطوير لنفسك ؟ انت حاليا بتدرس سياحة وفنادق هتكمل نفس المجال فيبقى التطوير انك تزود لنفسك مهارات تخليك احسن ولا هتنطلق فى مجال تانى فمحتاج تبدأه اصلا وتتطور فى مهاراته ؟. ال 20 سنه الجايين محدش يعرف عنهم حاجة ولا حتى الشهر الجاى ولا حتى بكره ( الله اعلم ) نحن لا نملك الا الان ( الوقت الحالى ) ومش مطلوب منك غير انك تخلص النيه وتسعى وتتحرك فى اتجاه محدد طب انت اصلا عارف عاوز تبنى ايه ؟ الاسئلة العامة دى حتى لو بينك وبين نفسك بتبقى كأنك رميت نفسك فى المحيط ...مش حتى البحر
تم النشر الأربعاء، ٢٣ أغسطس ٢٠٢٣
صدقا انت لو عند 100 سنه فكل نفس بتاخده فرصه فرصه تبداء من الاول وتخوض ،، بس عايزه اقولك انو الفشل ده اهم اهم مفتاح لبابا النجاح فمتحولش مش تفشل او تحاول تياس لمجر انك فشلت مره وتنين وتلات صدقني يبقى ده مش من الفشل ده هيكون منك لون مفيش اي حد بداء وكمل من دون عقبات بس في ناس بدات و فشلت ميت مره ودلوقتي في اعلى القمم عارف ليه لانهم مش استسلموا صدقني الطموح والاهداف وحده بعد العباده الى بتخلي الانسان عايش وحاسس بل حياه ،، هقولك حاجه واحده ويريت تفهمه الفشل بيكون في الحياه بنسبة 95٪ الان اذ ما قولنا انو الفشل اهم سبب لناجح ف اكيد مش هتنجح اكتر ما هتتعلم لازم تتعلم من فشلك علشان تعرف تخوض صح ومتياسش علشان الحياه مش تديك على افك 😂 ،، اصح لنفسك وشجع نفسك ومش تستنا حاجه من حد وتوكل على الله وخوض لاني دي حياتك لازم تعيشها بتفصله وتستمتع بيها 🤍💜
تم النشر الاثنين، ٢١ أغسطس ٢٠٢٣
روح علي الفيس واسمع محمد جاويش
تم النشر الجمعة، ١٨ أغسطس ٢٠٢٣
لعرض السؤال في فدني اضغط هنا