السلام عليكم ورحمه الله وبركاته
يعني اي ابقا تعبانة و زعلانة و الاقي اخواتي بيستفزوني و كمان أما آجي احكي حاجة لامي أو ابويا يقولوا لي احنا مشغولين
و أما اخواتي يكلموهم يسمعوهم للآخر حتى لو تعبانين و لو جيت اشتكي لامي من حاجة تفضل تقول لا ده عادي و اخواتي لو قالو كلمة يفضلو يكلموهم و يخففو عنهم و يقولوا لي بطلي تضغطي علينا و هم بيسمعو اخواتي من غير ما يقولو أنهم تعبانين
و لو طلبو حاجة من اخواتي و معملوهاش مش بيزعقو لهم و بيقولوا يا عيني دول تعبانين من الشغل و انا اللي مضغوطة و ف ثانوية عامة لو معملتش لهم حاجة يفضلو يزعقوا لي و يقولولي كلام زي التلقيح و يحسسوني بتأنيب ضمير
و هم اصلا لما بزعل من غير ما اشتكي أو اقولهم انتم زعلتوني يقولولي بطلي تحسسينا بتأنيب و ده جزائنا ف الآخر ؟
و اخواتي التانين بيفضلو يزعقو ف ماما و بابا بقلة ادب و معايرة و بيحسسوهم بتأنيب ضمير و انا بحاول ابرهم بس هم بيخنقوني و اختي الوسطانية (انا الصغيرة) لو تعبت تعب بسيط يقلقو جامد وأنا ولا كأن فيا حاجة و عندي امراض و مرض التبول الااردي
و هي عندها اكتئاب عشان معندهاش صحاب و لازم دعم نفسي و انا مش عايزين يودوني لدكتورة نفسية عشان المرض ده مسبب لي انهيار و بتجيلي نوبات هلع و خوف فجأة كتير و كل شوية
واللي بيقدرو يعيني يعملوه يقولولي معلش استحملي أنه ابتلاء و هي لما أيدها و صبعها وجعوها بسبب الشغل راحت لاحسن دكتور و انا أما وقعت جامد ف الشارع و جالي تمزق في الاربطة ودوني لدكتور رخيص و كان المفروض امشي على عكاز و ارتاح و اركب المشد حول الكاحل بس زي ما قلت دكتور رخيص وقتها يعيني كان داخل و ف أيده كوباية شاي بعد ما قومته من على الفطار بره يعيني
و أثر التمزق لسه موجود و الكاحل مائل بسبب أن الرباط ملتئمش بشكل صحيح و بجد بسببه مش عارفة احقق حلمي اني اكون لاعبة ماراثون (جري) لأن بحب الجري اوي و بجد حاسة بإهمال و مضغوطة و زعلانة
وبحاول أقرب من ربنا عشان الشيطان بيخليني افكر ف الانتحار بس والله انا مش قادرة انا بنهار نفسيا و بدنيا و عقليا
انا بقيت انسى جامد و صداع مميت و انا عندي مشكلة مش بعرف ابلع البرشام ف مش باخد مسكنات أو مضاد حيوي او اي حاجة للصداع حتى و بعاني
و نيجي بقا لاخويا اللي كل ما يشوفني يضايقني و أنا إنسانة بحط لكل حاجة ف حياتي حدود و كل شوية يستفزني و أما اتنرفز أو اشتم يقولولي مينفعش كده و انتي لسانك طويل و محتاج يتقطع و الكلام الفارغ ده
و بيقولولي صاحبي اخوكي ده معندوش صحاب و عبري عن مشاعرك لاخواتك و لينا و انا اصلا شخصيتي مش بتعرف تقول كلمة بحبك دي اصلا و انا مش هنكر اني بكون قاسية احيانا بس انا الوحيدة اللي ف البيت اللي بغير ف شخصيتي عشانهم
هم بس بينتقدوني و مش هنكر أن اخويا فعلا عايزة يتقرب مني عشان معندوش صحاب و مش هنكر أن اختي حساسة زيادة عن اللزوم و مش هنكر أن امي بتبقا مضغوطة بس انا و الله إنسانة ليا شخصية و طاقة و حدود
انا نفسي محدش يقولولي يا زنانة فبطلت ازن عليهم كل شوية
انا نفسي يبطلو يقولولي بتنكري الجميل و بتنسي الهدايا فبقيت ابطل اطلب هدايا اصلا و لو حد جابلي حاطة بشكره و بسجلها ف نوتة صغير عشان متعايرش بيها
انا نفسي يبطلو يقولولي احنا جبنالك كذا و كذا و تمنه كذا ف بطلت اطلب منهم يجيبولي حاجة و لو طلبت بديهم فلوسها عشان انا بكره أني اطلب حاجة من اخواتي و يفضلو يتكلمو عن سعرها و بحس بذل و إهانة
انا عارفة اني ف نظركو ممكن أبان أنانية أو بفكر في نفسي بس اكبر دليل على اني مش كده اني بقيت بكتم الغيظ اللي جوايا و مش برد اغلب المرات على حد و بحاول ابر امي و ابويا بس تخيلوا بعد كل ده مش بيركزو أو بيفتكرو غير اللحظات اللي ضايقتهم فيها
طبعا مجبتش سيرة اختي الكبيرة لأنها على الأقل مش بتضايقني كل شوية و يدوب بنتعارك على الهدوم بس ف يعتبر هي أحسن واحدة الحمدلله
انا بقا مش عارفة اعمل اي ف حياتي دي و امتحانات الثانوية العامة اتفضل عليها تقريبا 6 شهور و الضغط بيزيد و انا بكتئب و نوبات الهلع بتزيد و مش مستقرة نفسيا و خايفة مجبش مجموع عالي
و في حاجات كتيرة تانية بس انا ناسياها من التعب
و السلام عليكم ورحمة الله وبركاته
وعليكم السلام ورحمة الله انتى مش انانيه ...بس لانك الصغيرة فانتى عاوزة جرعة اهتمام اكبر واضح ان كل مواقفك معاهم انك بتطلبى منهم يعملوا ليكى وللاسف من كتر ما عملتى كده بقوا بيعملوا العكس لانهم شايفين الاكبر منكممكن مش بيطلب زيك فهو الاحق عشان مش بيطلب الحدود والشخصيه بتوعك اللى بتتكلمى عنهم بيظهروا انك شايفه انك احسن منهم من جواكى ...وده واضح بردوا من انتقادك لاغلب افعالهم الاحساس بالافضليه ده هيخليكى يبان فى نبرتك ونظراتك دايما انك بتتعالى عليهم وده من غير ما تحسى ولا تاخدى بالك ...فهما طبعا مش هيتعاطفوا معاكى وهما شايفينك بتعامليهم كده المشكلة هنا جزء عليكى وجزء عليهم الجزء عليكى انك تشوفى ان دول اهلك مش اعدائك لان الشيطان طبعا استغل الاحساس اللى جواكى وخلاكى تشوفى انهم قاصدين يعاملوكى وحش او بشكل اقل من اخواتك الحاجات اللى نفسك تتعمل عشانك اعمليها انتى للى حواليكى واولهم اهلك ...اعمليها بنفس صافيه مش عشان مستنيه يعملوها بالظبط شوفى الحاجات الحلوه اللى بيقدموها لان محدش بيقدم وحش وبس
تم النشر الخميس، ٢٦ ديسمبر ٢٠٢٤
وعليكم السلام ورحمة الله وبركاته. أدرك تمامًا ما تمرين به من مشاعر الضغط والألم النفسي والعائلي، وأود أن أؤكد لك أنك لست وحدك في هذا الطريق. فهي تجربة صعبة جدًا أن تشعري بعدم الفهم أو الدعم من أفراد عائلتك، خاصة في فترة حساسه مثل الثانوية العامة. أولاً، من المهم أن تعرفي أن مشاعرك هي مشاعر طبيعية وشرعية، ولا يُعتبر ما تشعرين به ناتجًا عن أنانية. إن الحاجة إلى الدعم والاعتراف بمشاعرك أمور مهمة جدًا. يجب أن يُفهم أيضًا أن الاعتناء بنفسك ليس أنانية، بل هو جزء من الأقرب إلى الصحة النفسية والجسدية. بالنسبة لموقفك مع عائلتك، يمكنك محاولة تكوين حوار هادئ مع والدتك أو والدك في وقت مناسب، للتعبير عن مشاعرك بوضوح وبدون انفعالات. حاولي أن توضحي لهم مدى تأثير سلوكهم على نفسيتك واحتياجاتك للدعم. كوني صادقة في مشاعرك، لكن دون توجيه اللوم. أما بالنسبة لألمك الجسدي ومشكلة التبول اللاإرادي، يجب التأكيد على أهمية زيارة طبيب مختص، حتى وإن كانت الأسرة لا تدعم ذلك. صحتك النفسية والجسدية يجب أن تكون في مقدمة أولوياتك، أحتاج إلى التأكد أنك تتلقين الرعاية لكليهما. لا تستخفّي بإدراك مشاعرك والتحدث عنها. حاولي كتابة ما تشعرين به في دفتر، فهذا يمكن أن يكون منفذًا لك للتعبير عن نفسك، كما يمكنك استخدام هذا الدفتر كوسيلة للتفكير في الأهداف التي تودين تحقيقها. التقرب من الله تعالى ومحاولة تقوية إيمانك يمكن أن يكون مصدرًا للأمان النفسي، وذكري نفسك بالأسباب التي تجعلك تحاربين من أجل أحلامك، كأن تكوني لاعبة ماراثون، وهو هدف جميل وملهم. ختامًا، تذكري أنك تستحقين العيش بكرامة وسعادة، ولا تترددي في طلب المساعدة من مختص نفسي إذا تطلب الأمر. سيساعدك ذلك كثيرًا على التعامل مع التحديات التي تواجهينها. نسأل الله لك التوفيق وأن يخفف عنك ما تمرين به.
تم النشر الخميس، ٢٦ ديسمبر ٢٠٢٤
لعرض السؤال في فدني اضغط هنا