انا عاطل وشكلي وحش وحياتي كلها بايظه انا في اولي ثانوي ولا اذاكر ولا اصلي كل ما اشتغل في مكان اتظلم وامشي اعمل ايه
مينفعش تقول شكلك وحش انت احسن من ناس كتير عندها تشوهات وحاجات تاني قول الحمدلله علي كل حاجه ولازم يكون عندك ثقه ف نفسك عشان تنجح ف حياتك انت لسا صغير اصلا لسا الحياه قدامك ابدا صلي وخلي صلاتك اول حاجه ف يومك وأهم حاجه لأن هي مصدر السعاده والنجاح وأبدا ذاكر ودور ع شغل تاني وتالت وعاشر كمان متيأسش وأهم حاجه تحب نفسك ومتزعلش ع الشغل اللي بتمشي منو لأن دا مش مكانك لو دا مكانك مكنتش هتمشي منوا وصلي عشان ربنا يكرمك
تم النشر السبت، ١٤ أكتوبر ٢٠٢٣
طيب ممكن نبدأ في حاجه حاجه... ليه بتقول ع شكلك وحش؟ وامتى بدأت تقطع الصلاة؟ وايه اللي بيحصل ف الشغل .. بتتظلم ازاي؟ ممكن تسرد وتحكي بالتفصيل شوية ..
تم النشر الخميس، ١٢ أكتوبر ٢٠٢٣
ربنا معاك ويكرمك أن شاء ، وإن شاء الله تلاقي شغل كويس
تم النشر الخميس، ١٢ أكتوبر ٢٠٢٣
شكرا جزيلا حضرتك والله حسيت الي في بصيص امل انا رايح ادور علي شغل شكر وادعيلي ديما
تم النشر الخميس، ١٢ أكتوبر ٢٠٢٣
أنت معندكش ثقة في نفسك كفاية عشان تشوف نفسك حلو ، مفيش حد خلقه ربنا وحش كل شخص مميز بشكله وفيه حاجة بتميزه عن غيره حب نفسك واجتهد عليها عشان تبقي أحسن من نفسك اللي أنت عليها دلوقتي أبدا مذاكرة ورتب وقتك روح دروسك وصلي أهم حاجة الصلاة لما تصلي كل حاجة هتتصلح جواك بالنسبة للشغل شوف حاجة أنت بتحبها واشتغل في مجالها وطور من نفسك فيها وطلع أحسن ما عندك أنت لسه أول تجربة ليك يعني ممكن تفشل فيها وتطرد مرة وأتنين وتلاته جرب تاني عادي
تم النشر الخميس، ١٢ أكتوبر ٢٠٢٣
شكلك مش وحش كل حد عنده حاجه بتميزه وده مش انت اللي بتشوفه اللي حواليك هما اللي بيشوفوا ده أولا ثانيا اقرأ عن ربنا واسمع عنه كتير حب ربنا عشان تتعلق بالصلاه ثالثا موضوع الشغل ده انت لسه بتبدأ حياتك طبيعي توقع وتوقف وتوقع تاني عادي
تم النشر السبت، ١٤ أكتوبر ٢٠٢٣
لعرض السؤال في فدني اضغط هنا