انا بعيدة جدا عن ربنا وعاوزه ارجع انظم وعلاقتي بربنا ترجع زي الاول واحسن وخصوصا اني محتاجه ربنا يكون معايا جدا الفترة دي 😔
جميل جدا انك حسيتي بكدا واتبعي خطوات الثبات 1-القرآن الكريم (كَذَلِكَ لِنُثَبِّتَ بِهِ فُؤَادَكَ وَرَتَّلْنَاهُ تَرْتِيلا) 2- الدعاء (كان النبي صلى الله عليه وسلم يدعو اللهم يا مقلب القلوب ثبت قلبي على دينك) 3- الصحبه الصالحه (وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَن ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا) 4- السيرة النبوية وقصص الانبياء (وَكُلًّا نَّقُصُّ عَلَيْكَ مِنْ أَنبَاءِ الرُّسُلِ مَا نُثَبِّتُ بِهِ فُؤَادَكَ ۚ وَجَاءَكَ فِي هَٰذِهِ الْحَقُّ وَمَوْعِظَةٌ وَذِكْرَىٰ لِلْمُؤْمِنِينَ) 5- طلب العلم والعمل به
تم النشر الاثنين، ٩ يناير ٢٠٢٣
ربنا بيحبك جدا عشان كده حاسه انك مقصره وانك عايزه ترجعي قريبه منه تاني عشان تفضلي حاسه بالتوازن والامان ودي نعمه حلوه جدا ربنا رزقك بيها انك كل متبعدي في حبل بينك وبين ربنا بيشدك بيه ليه تاني عشان تفضلي قريبه منه ويفضل يسمع صوتك ف دعاء ف عباده ..ممكن تعملي جدول لاسبوع بالصلوات وكل يوم تقرري انك هتملي الجدول ده بعلامات صح كتير وانك ان شاءالله مش هتفوتي صلاه ومش هتحطي اكس ولو لقدر الله فوتي صلاه متضعفيش وصليه قضاء بس متسبيهوش وف اخر الاسبوع كافئ نفسك بحاجه بتحبيها ع انتظامك وخليكي فاكره ان علاقتك بربنا هي دايما الي بتحميكي وبتنجيكي من اي مصيبه او حاجه غلط بتقعي فيها لانه حافظك وحاميكي وعشان بيحبك ف اكيد مش هتزعلي ربنا الي بيحبك وحافظك وحاميكي وحابب دايما يسمع صوتك ويشوفك بتصلي وقريبه منه ... كمان ممكن تعملي ورد صغير ف القرأن كل يوم تقرأيه حتى لو صفحه واحده بس تلتزمي عليها فتره لحد متكون عاده عندك وضيفي عليها عباده تاني زي انك يبقالك ورد تاني من القرأن او ورد ذكر واستغفار او صدقه
تم النشر الجمعة، ٦ يناير ٢٠٢٣
تم النشر الجمعة، ٦ يناير ٢٠٢٣
قال الرسول صلى الله عليه و سلم ( من لم يتبع سنتى لا تحق له شفاعتى ) كلنا عارفين ان فى سنن فى الصلاة ( صلاة السنة ) نحاول نواظب عليها على قد ما نقدر السنن المؤكدة هى 12 ركعة 2 قبل الفجر و 4 قبل الظهر و 2 بعد الظهر و 2 بعد المغرب و 2 بعد العشاء كمان فى ركعتين الضحى و الشفع و الوتر واكثري من الصلاه علي الحبيب ومن ذكر لا حول ولاقوة الابالله العلي العظيم
تم النشر الأربعاء، ١٨ يناير ٢٠٢٣
قيام الليل: ده اجره عظيم جدا عند ربنا كتير مننا بيسهر يتفرج على التليفزيون او على النت بس محدش من الناس دى بيفكر يصلى قيام الليل مع انه كده كده سهران حاول تصحى قبل صلاة الفجر بساعة او حتى بنص ساعة و صلى قيام الليل و ادعى ربنا و استغفره انت كده كده هتصلى الفجر مش هتضرك نص ساعة بدرى تقومها و جزائها عند ربنا كبير - قلل من ذنوبك : طبعا كل واحد فينا بيرتكب ذنوب و معاصى لان كلنا بشر مفيش حد مننا ملاك يبقى اول حاجة انك تقلل من سيئاتك و ده اهم من انك تكتر من حسناتك لان ( السيئات تأكل الحسنات كما تاكل النار الحطب ) كل واحد مننا يحاول يقعد مع نفسه و يشوف ايه السيئات اللى بيعملها و يحاول يقلل منها بالتدريج مش بقول يبطلها كلها مرة واحدة لانه مش سوبر مان مثلا انا بقول بالتدريج علشان يكون الامر مستطاع
تم النشر الأربعاء، ١٨ يناير ٢٠٢٣
ابدأى بحاجات صغيرة وداومى عليها ...وربنا معانا كل وقت ...مش لما احنا نحتاج بس ...هو اقرب الينا من نفوسنا وتعمدى السجود فى اى وقت حتى لو مش وقت صلاة وكلمى ربنا بكل اللى جواكى. ده اقرب موضع بيكون فيه العبد لربنا باذن الله.
تم النشر الجمعة، ٦ يناير ٢٠٢٣
اطلعي السلم واحده واحده واول درجه هي الصلاه ودي اهم حاجه، طيب قلنا واحده واحده يعني الصلاه بدون تقطيع ابدا مهما حصل مهما كان تحت اي ظروف نثبت رجلينا علي الصلاه وندخل علي الدرجه التانيه اذكار الصباح والمساء هناخد منهم آيه الكرسي والمعوذات بعد الفجر والعصر ونثبت يبقي كدا صلاه ومعوذات نفضل ثابتين ليهم خلاص ثبتنا نجتهد شوبه ونخلي اذكار الصباح والمساء كامله حلو اوي قدرتي تثبتي علي دول ماشاء الله بقي عندك مناعه، ربنا ثبتك الدرجه اللي بعدها ورد ولو صفحه من القرآن مع اذكار ما بعد الصلاه ثبتنا والحمد لله ندخل علي الدرجه اللس بعدها اذكار النوم والاستيقاظ والخروج من المنزل، اهتمي انك تطلعي درجه درجه وثبتي فيها ومتستعجليش وخليكي عارفه ان الانسان ليه فطره بشريه ولازم تحترمها وكل ابن آدم خطاء وخير الخطائين التوابين، واتبع السيئة بالحسنة تمحها، والله يهدينا ويلهمنا طريق الصواب أجمعين.
تم النشر الاثنين، ٩ يناير ٢٠٢٣
ارحنا بها يا بلال ♥.... الصلاة ربنا مفرضهاش علينا علشان تبقي روتين يومي او حاجه انت متعود تعملها... لا... مهموم.. صلي... نفسك في حاجه... صلي... محتار في حاجه روح ليه واسجد بين ايديه واتكلم معاه وقوله يارب انا محتار اختارلي الصح... عملت ذنب.. روح ليه واسجد وقول يارب سامحني.. ربنا بينادي علينا في الثلث الاخير من الليل ويقول هل من تآئب فأغفر له... واول ما تقول يارب ربنا بيرد عليك ويقولك لبيك عبدي.. يارب انا نفسي في كذا.. ربنا هيرد عليك ويقولك لك ما سألت يا عبدي... اوعي في يوم تصلي وانت بتعمل الموضوع ده علي انه روتين يومي... انت رايح تقابل ربنا.. فاهم معني الكلمه.. انت رايح تقابل اكتر حد بيحبك اكتر من ابوك وامك.. فاهم.. خش في الصلاه وقول الله اكبر وانسي همك وانسي كل حاجه وخليك معاه.. واقرأ الفاتحه بهدوء وتدبر كده وخليك فاكر انه شايفك وسامعك وانت بتكلمه فاشوف بقي انت هتكلم ربنا ازاي... لما المشركين كانوا بيأزوا الرسول صلى الله عليه وسلم بالكلام ربنا قاله ايه... بسم الله الرحمن الرحيم «ولقد نعلم انك يضيق صدرقك بما يقولون فسبح بحمد ربك وكن من الساجدين» صدق الله العظيم زعلان مخنوق مكتئب الدنيا جايه عليك مش موفق في شغلك راجع حساباتك مع ربنا ومع الصلاة بالذات وارجعله هتلاقي ده كله راح بمجرد ما ترفع ايدك للسما وتقول بس يارب بس تقولها وانت متأكد انه سامعك وانه هايلبي طلبك.. خلي بالك انت لما تصلي وتبدا تقرأ الفاتحه وتقول الحمدلله رب العالمين الرحمن الرحيم.. ربنا بيرد ويقول حمدني عبدي مالك يوم الدين... ربنا بيقول مجدني عبدي اياك نعبد واياك نستعين.. ربنا بيقول ذلك بيني وبين عبدي اهدنا الصراط المستقيم صراط الذين انعمت عليهم غير المغضوب عليهم ولا الضالين.. ربنا بيقول لك يا عبدي ما سألت... واعي حد يستهون بالفاتحه لانه قيل في بعض الاحاديث انها اعظم سوره في القرآن الكريم... فا تخيل لما الحوار ده كله في الفاتحه بس فما بالك لما تقرأ ما تيسر ليك من آيات الذكر الحكيم... ولا لما تركع وتقول سبحان ربي العظيم... وتقف وتقول اللهم لك الحمد والشكر كثيرا طيبا مباركا فيه... ولا لما تسجد وتبدأ وتقول سبحان ربي الاعلي و اللهم لك الحمد حتى ترضّى ولك الشكر اذا رضيت ولك الحمد بعد الرضي وتبدأ تدعيه.. اه علي فكره انت ممكن تكلم ربنا بالعاميه عادي جدا... اه والله عادي وتحكيله علي مشاكلك وهمومك وتقوله يارب ساعدني... علي فكره انت لو اتكلمت مع ربنا ربنا هيحل ليك كل مشاكلك لكن لو اتكلمت مع اي انسان آخره هيقولك معلش ويطبطب عليك... ويسلام لمه تروح تصلي كده وانت مبتسم واول ما تسجد تقوله يارب انت وحشتني وانا عايز اتكلم معاك وتقوله يارب انا بحبك وتقوله يارب حببني وحبب قلبي في طاعتك اكتر واكتر يارب... والله عمرك ما هتسيب فرض وهتجري علشان تصلي اول ما تسمع الاذان... هتلاقي حياتك كلها متغيره للاحسن وهتلاقي في حياتك كل الخير والفرح والسعاده.. من الاخر كده الصلاة والذكر هما مفتاح السعاده في الحياه... آلا بذكر الله تطمئن القلوب..
تم النشر الاثنين، ١٦ يناير ٢٠٢٣
اهم حاجه المداومة علي الصلاه والاذكار وأن يكون لكي ورد من القرآن الكريم ❤️
تم النشر الاثنين، ٩ يناير ٢٠٢٣
شكراً جداً ولك بالمثل وزيادة
تم النشر الاثنين، ٩ يناير ٢٠٢٣
الصلاة على وقتها اهم حاجة +ورد و لو صفحة من القرآن وورد ذكر و لو دقيقتين كل كام ساعة هيفرقوا معاكى جدا + اختارى ذنب معين جاهدى نفسك و توبى و ميتعملش تانى و تذكرت من ترك شيئا لله عوضه الله خيرا منه
تم النشر السبت، ٧ يناير ٢٠٢٣
ابدأى خطوة خطوة
تم النشر السبت، ٧ يناير ٢٠٢٣
شكراً جداً علي الكلام الجميل دا
تم النشر الاثنين، ١٦ يناير ٢٠٢٣
مش قادره اوصف جمال التعليق بجد
تم النشر الاثنين، ١٦ يناير ٢٠٢٣
ممكن تبدأي بالصلاة لانها الاساس ومع الوقت باقي العبادات هتتظبط لوحدها باذن الله
تم النشر الأربعاء، ١١ يناير ٢٠٢٣
بجد كلامك جميل جداً وانا هنفذه بالحرف ان شاء الله +اللهمَّ آمين +شكراً جداً
تم النشر الاثنين، ٩ يناير ٢٠٢٣
ادعي دايما اللهم أعني على ذكرك وشكرك وحسن عبادتك , اللهم اجعلني كما تحب وترضى وارضني وارض عني
تم النشر الاثنين، ٩ يناير ٢٠٢٣
العفو حضرتك، امين اجمعين
تم النشر الاثنين، ٩ يناير ٢٠٢٣
استمري بمجاهدة نفسك ودي فعلا مرحله فتور والمهم انك تستمري ف الطاعه ف ايه ف القرآن بتقول «فتزل قدم بعد ثبوتها» وبعض المفسرين بيقول ده بعد الثبات والطاعه الشديده ورغم ذلك بتذل القدم وتهتز لكثره الفتن والله يقلب القلوب كيفما يشاء لذلك الواجب دايما الحفاظ على الصلوات والطاعات وقران القرآن والذكر والدعاء مثل يا مقلب القلوب ثبت قلوبنا علي دينك وربنا يحفظك ويهديكي ويوفقك يارب +العفو
تم النشر الأحد، ٨ يناير ٢٠٢٣
انا اما بنتظم ببقي كويسه جدا لحد ما بتيجي عليا فترة بضيع اووي بس بجاهد نفسي وكذا حد قالي ان دا فتور وعاادي بس اهم حاجه متسبيش نفسك وحاولي ديما وانا بعمل كدا والله المستعان + شكراً جداً علي الكلام الجميل دا
تم النشر الأحد، ٨ يناير ٢٠٢٣
بإذن الله
تم النشر الأحد، ٨ يناير ٢٠٢٣
اقفلي الموبايل اول ما تصحي واقرأي ورد قران + اتوضأي دايما ومتقلقيش هتلاقي نفسك بنفسها بتجبرك تروحي تصلي ودوامي ع اذكار الصباح والمساء ومتمليش وفتره وهتتعودي وهتقربي ب اذن الله
تم النشر الأحد، ٨ يناير ٢٠٢٣
حاضر
تم النشر الاثنين، ٩ يناير ٢٠٢٣
والله انا بعافر جداً والله المستعان 🤍
تم النشر الأحد، ٨ يناير ٢٠٢٣
ونعم بالله ♥🫶
تم النشر الأحد، ٨ يناير ٢٠٢٣
لعرض السؤال في فدني اضغط هنا