السلام عليكم
انا مخطوبة بقالي 3 شهور وقبل الخطوبه اتعرفنا من فرح صاحبتي واتكلمنا وكان كويس ومهتم بعد الخطوبة كل حاجه بانت علي حقيقتها طلع بخيل جلدة وكداب ومبقاش فيه اهتمام خالص ممكن يكلمني في اليوم كله نص ساعه وكل ما أقوله علي خروجه أو حاجه يتحجج بمليون حاجه بإنه معهوش فلوس والشغل خصمله كل شهر علي كدا
وفي الاخر يقول لماما الشقة غاليه اعمل ايييييه واجيبها ازاي وهيا عايزاني اجيلها كل شويه مع العلم مجاليش من الخطوبه غير اربع مرات
ومش عارفة اعمل اي معاه و لما زعلت كأنه مصدق وقال خلاص اللي هيا عايزاه
ودخلت لقيته كاتب ع الفيس أنه اعزب
الخطوبة ده هدفها... لو ملقيتيش اللى يناسبك.. بتتفك الخطوبة وخلاص كل واحد يشوف نصيبة
تم النشر الأحد، ٣١ ديسمبر ٢٠٢٣
هو في الغالب دا كان اعجاب متبادل وقت الفرح لكن اعجاب فضولي لحظي وانتهي من اول ما اخد الاجابات الي تشفي فضوله ف بيزهقك عشان تفركشو و عالعموم صلي واستخيري ربنا قبل اي قرار
تم النشر الأحد، ٣١ ديسمبر ٢٠٢٣
وعليكم السلام ورحمة الله وبركاته بصي فيه حاجات عادية وفيه حاجات تانية غير عادية العادي انه طبيعي تتكلموا نص ساعة .. هي نث ساعة قليلة؟ مش لازم يتكلم معاكي بالساعتين وال خمسة في الفون .. هو اصلا زمان المتعارف عليه انه يجي البيت من الحين للاخر علشان تتعرفوا ع بعض.. وبيبقى مرة في الاسبوع مثلا مش علطول. ف ده طبيعي .. لكن اللي مش عادي انه مثلا يغير من خاطب ل اعرب وانتوا لسه بتشوفوا مثلا هتنفصلوا ولا لا .. من الواضح انه واخد قراراه !!! لكن طبعا لو حستيه بخيل امشي لان البخيل متعب وصفة مش حلوة .. ولكن الجزء الغير مريح تماما اللي قولتلك عليه، وكأنه ماصدق او عايز يفركش. وربنا يعمل ليكي الخير
تم النشر الأحد، ٣١ ديسمبر ٢٠٢٣
كويس ربنا كشفلك حقيقتو قبل متتجوزيه كلمي اهلك و قوليلهم اللي بيحصل كذا كذا و سيبيه إن شاء الله يجيلك اللي احسن منو
تم النشر الأحد، ٣١ ديسمبر ٢٠٢٣
لا ده تبعدي عنه ده مش ابن ناس وهيضرك وهيسوأ سمعت بين الناس خلي بالك
تم النشر الاثنين، ١ يناير ٢٠٢٤
بصي ..مش هقدر اقول ان الظروف بيت صعبه علي الشباب كله دلوقتي ..الشخص مش مشاعر فقط..محتاج يشتغل عشان اللي بيحبك أو علي الاقل عشان يكون اسره....بلاش ضغط عليه وهاتي آخره ..شوفيه هو بيعمل ايه عشانك..لو انتي حاسه أنه مشاعر وظروفه مش قادره..يبقي قرار الانفصال كان لازم يبقي منك وتحمدى ربنا علي كده ..الحياه يابنتي صعبه اووى..ومحتاجه راجل بمعني الكلمه
تم النشر الاثنين، ١ يناير ٢٠٢٤
فيه كذا حاجة، اولا هو ف الخطوبة مش ضروري فعلا يزورك كل شوية يوم ف الاسبوع كفاية او اسبوعين ولا يكلمك كل يوم يعني مش ده المعروف، الزيارات طبعا يفضل انها في حضور الاهل او احد المقربين، .. بشكل عام مفيش حد كامل خالي من العيوب، ولو بيظهر منه مشاكل مش هتقدري تتحمليها او اسلوبه مش كويس او ظهر منه حاجة او تصرفات توحي بالرفض او انه عايز يسيبك عادي، خلي ده ف احتمالاتك، واستنتجي يعني هو عايز ايه .. والله يتمم بخير
تم النشر الأحد، ٣١ ديسمبر ٢٠٢٣
عرفتي ازاي انه بخيل؟ احكي موقف. لانه لو بخيل بجد متكمليش معاه، لان البخيل ف الفلوس بخيل ف كل حاجه حتي مشاعره.
تم النشر الأحد، ٣١ ديسمبر ٢٠٢٣
استخيري ربنا بس باين م اولها ده هو دلوقتي كده امال في مسؤوليات البيت هيعمل ايه
تم النشر الأحد، ٣١ ديسمبر ٢٠٢٣
انفدي بجلدك
تم النشر الأحد، ٣١ ديسمبر ٢٠٢٣
لعرض السؤال في فدني اضغط هنا