السلام عليكم ورحمة الله وبركاته،
جارتي بتضرب ابنها اللي عمره ٧ شهور ! وبتشتم بألفاظ احنا شخصياً اتأذينا منها و عقلها عبيط بجد والله،
فأنا مش عارفة اعمل أي و اتصرف ازاي خصوصاً أنه سمعنا عنها قبل كدا أنها قتلت حد ..
فالتصرف القانوني هنا أي ؟ اروح المركز أقدم بلاغ طيب ؟
وعليكم السلام ورحمة الله وبركاته بلاش تبلغي عنها لحسن تاذيكم انتم ممكن تكلمي حد كبير يروح يكلمها
تم النشر الثلاثاء، ٣٠ يوليو ٢٠٢٤
السلام عليكم ورحمه الله وبركاته. الحقيقه الموقف انت بتحكيه يعني تبقى من الموقف الصعبه جدا ان الواحد يبقى سامع حاجه ومش مش عارف في وقتها يقوم يتصرف تصرف يوقف الاذى او الحاجه اللي بتحصل بس خلينا نتكلم بشكل عملي يعني ان شاء الله ربنا يكون. يخليكم سبب يعني كل الجيران يعني كنت انت بس اللي بتسالي او بقيه الجيران انه الاذى ده يتوقف يعني احنا هنمشي بالموضوع يعني من ايه من همم اللي نقدر عليه يعني من راى منكم منكرا ده اللي قال عليه الرسول عليه الصلاه والسلام فليغيره فهيغيروا بيده او بلسانه او بقلبه يعني اتواضع في الايمان ان الواحد يبقى بيرفض اللي بيحصل ده بقلب. اللي بايدينا نقدر نعمله والله اول حاجه لو سمعنا صوته هي بتضرب الطفل ده يعني نعمل حركه لطيفه ان احنا نقرب للست دي احنا ما نعرفش ايه الضغوطات اللي عليها او ايه السبب اللي مخليها تعمل كده ممكن نخبط عليها مثلا كاننا بس بنقدم لها حاجه حلوه يعني كيكه او اي حاجه نعملها في البيت والسلام عليكم وانا جارتك يعني حبيت ان انا ايه يعني اعزم عليك بالكيكه دي والجار للجار لو محتاجه حاجه قولي لي عيبان عليها مثلا عصبيه. ما سمعتك انك متعصبه؟ لو محتاجه حاجه قولي احنا اخوات كده يعني نقرب بحكم ان احنا جيران ونشوف رد الفعل والله لعله عسى انه هي تبدي يعني تقدير لان في حد اهتم يسال عليها. ونقرب منها طب لقينا انه الطريقه دي مش هتنفع نعمل ايه خلاص ممكن نسجل صوت الضرب ده او صوت الشتيمه دي ونروح لشرطه نجده الطفل اتصل بيهم ونقدم بلاغ انه احنا حاسين بخطر تجاه الولد يعني من شده الضرب وصغور سنه على حد ما عرفتنا بس هل بقى هو الولد عليه اثار ضرب او غيره لا يعني مش هنقدر ان احنا نحدد ده ممكن تكونوا ما بتشوفوش الولد ممكن هي تقول لا ما بيضربوش ولا حاجه انا بس صوتي عالي بزعق له كل شيء وارد فده ممكن يكون الخطوه رقم اثنين اللي هو احنا هنغير على قد اللي في ايدينا اا ننصحها اكثر من مره اا لو قدرنا كل اما نسمع صوت الولد كده بيتضرب نروح نخبط عليها ارجوكي بلاش كده اهدي طب شوفي محتاجه ايه؟ كذا ممكن ترد ردود مش كويسه ده وارد بناء على اللي بتقولي ان هي اصلا بتشتم بس ده ممكن يكون برده بسبب الحياه العصبيه اللي هي فيها. طيب. جزئيات بقى انه هي بيتقال انها قتلت حد يعني بلاش بلاش الحاجات اللي لها علاقه بحاجه احنا ما شفناهاش وما نعرفهاش يعني بلاش بقى الاشاعات اللي بتتردد او بما اننا شايفين حد اسلوبه صعب جدا فاحنا نسمع اي كلمه نصدقها عليه بلاش لانه ده هيشيلنا احنا ذنب ما فيش منه دعم ربنا يهدي الجميع يا رب ويجعلكم سبب في ان انتم توقفوا اذى.
تم النشر الثلاثاء، ٣٠ يوليو ٢٠٢٤
كلموا حد كبير في العيلة يكون عاقل وكبير يتحدث معاها او ياخذ الطفل في حضانته او احد من العيلة يوديها للدكتور نفسي مينفعش تسيبوا طفل معاها خصوصا انها قتلت حد قبل كدا لو مفيش استجابة او اهتمام من طرف اهل وممكن تكلمي احد شيوخ او رجال دين يتحدث معاها عن عقاب الله له في الاخره بس معتقدش انها هتقتنع بحاجة او اطلبي استشارة قانونية واسالي محامي ايه اجراءات اللي مفروض تتعمل عشان طفل,وحاولي توثقي مشاهد العنف دي بفيديو
تم النشر الأحد، ٢٨ يوليو ٢٠٢٤
وعليكم السلام ورحمة الله وبركاته، أولاً، أنا آسفة لسماع أنك تعيشوا في حالة مثل هذه. رؤية العنف تجاه الأطفال شيء مؤلم وخصوصاً إن الطفل ألم تتحمل أذى أو عنف. بالنسبة لتصرفك، إذا كنتي خايفة على حياة الطفل بالتأكيد لازم تتصرفي. تقديم بلاغ للمركز أو الشرطة هو خيار منطقي. ممكن كمان تتواصل مع جمعيات أو منظمات حقوقية تشتغل على قضايا العنف. بحرص وعناية، يمكن إنهم يقدموا لك الدعم والمشورة الصحيحة. الأهم أنك تحسسي نفسك أنك مش لوحدك، ولادنا دي مسؤوليتنا، ولازم نحميهم. اتمنى إنك تلاقي طريقة تعبرى بيها عن مخاوفك وتحمي الطفل بشكل آمن.
تم النشر الأحد، ٢٨ يوليو ٢٠٢٤
عليكم السلام ورحمة الله وبركاته والله كأن سكينًا طعنت صدري شفقة بالطفل، أين أبوه أو أعمامه؟ أين أهل المرأة؟ هذا ينافي العقل والمنطق والإنسانية.
تم النشر الاثنين، ٢٩ يوليو ٢٠٢٤
هتروحي المركز تقدمي بلاغ سوء الجوار وهاتي معاكي شهود ولو قدرتي تسجليلها من باب الاستدلال سجلي واعملي بلاغ وهيتم عمل اللازم
تم النشر الثلاثاء، ٣٠ يوليو ٢٠٢٤
وعليكم السلام ورحمة الله وبركاته بلاش لحسن تاذيكم انتم
تم النشر الثلاثاء، ٣٠ يوليو ٢٠٢٤
لعرض السؤال في فدني اضغط هنا