احيانا ممكن تشعر فى بعض الأوقات بانك غير قادر على إنجاز عمل أو شغل معين،بتحس انك واقف مكانك ومش عايز تتحرك وكأنك بتقول من جواك كفاية كده مش قادر اكمل... الاحساس ده مش بيجى فى وقت بسيط ده نتيجة تراكم احساس من الضيق والتعب وتأثيرالروتين اليومى ... حاجات كتير ممكن تكون عامل اثر سلبي على حالتك النفسية وده أدى انك تشعر بحالة فقدان الشغف. من حقك انك تاخد بريك وترتاح شويه من الضغوط لكن لازم تعرف أن حالة فقدان الشغف لو استسلمت ليها ممكن تأخرك فى خطوات كتير فى حياتك. فحاول دايما انك تكتب كل اللى جواك باستمرار واللى الحاجات اللى أنجزتها وحسيت فيها بنجاح ده هيفرق معك جدا فكر ايه الهدف اللى بتسعى انك تحققه وازاى ممكن توصله خلى إرادتك قويه وعندك صبر علشان تقدر تكمل مشوارك وتحقق هدفك قوي ثقتك بنفسك لأن الثقة بالنفس مهمه جدا علشان تقدر تحقق حلمك وترجع أقوى مما كنت. فكر فى الحاجات اللى بتحب تعملها وارجع اشتغل عليها تانى حاول تغير الروتين اللى متعود عليه وابدأ اعمل حاجات مختلفه. حاول تدعم نفسك وتطورها لأن ده مهم وهيساعدك جدا فى مشوارك أما عن الدعم النفسي ده عامل مهم جدا وهيساعدك وهيفرق معاك سواء من أحد الاصدقاء المقربين أو لايف كوتش اتكلم معاهم وشاركهم افكارك ومشاعرك كل خطوة من الخطوات دى هتفرق فى حياتك جدا المهم انك تعرف أن حالة فقدان الشغف دى حالة مؤقتة ولازم تخرج منها وترجع أقوى وعندك حماس وشغف لكل تفصيله وهدف فى حياتك
تم النشر الثلاثاء، ٢٠ أغسطس ٢٠٢٤
3 تعليق
تمام شكرا ليكي
تم النشر الثلاثاء، ٢٠ أغسطس ٢٠٢٤
ده احساس طبيعي بيحصل من كتر الضغوط النفسية اللي ممكن تمريي بيها بس المهم متستسلميش وتحاولي انك تخرجي من الحالة دى اهم حاجة تكون إرادتك قويه وصبورة
تم النشر الثلاثاء، ٢٠ أغسطس ٢٠٢٤
شكرا جدا ليكي أولا انا فقدان الشغف مش مسألة فتره مؤقته عندي انا حرفيا ممكن يوم ابقي متحمسه تمام وزي الفل وتلاقيني اليوم التالت فقده الشغف مش عارفه اي السبب هل طبيعي نفقد الشغف بشكل مستمر كدا؟؟
تم النشر الثلاثاء، ٢٠ أغسطس ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك