السلام عليكم ورحمه الله وبركاته
انا من الناس اللي لما بعمل اي حاجه ببقي متحمسة ليها جدا بعدين بالتدريج ببقي ولا متحمسة ولا واحد %
مثلا بدأت اخد كورسات ف حاجه معينه كنت متحمسة وبذاكر لي بعد اسبوع بظبط رخيت ولا بسمع الكورسات ولا اي حاجه فقد شغفي وحماسي
حتي علاقتي ب البني أدمين اتعرف علي حد فتره بعدين ازهق مش بكلمه بنفس الشغف بل ب اختفي من حياته ولا كأني اعرفه
وبرضو
يعني مثلا لو سافرت سفريه علشان اغير جو اتبسط يوم يومين واكون عايزه ارجع
وقيسي كل حاجه في حياتي ع زي الامثال دي
مش بعرف اكمل اي حاجه للنهايه شغفي بيقل للحاجه مش عارفه لي مش بعرف انهي اي حاجه بدأتها بسبب فقدان شغفي ليها
علطول حرفيا بيبقي عندي بدايه شغف لأي حاجه ومع الوقت بيطفي ومش بقدر انهي
وعليكم السلام ورحمة الله وبركاته كنت بقرأ كتاب نفسي كان بيتكلم عن مشكله فقدان الشغف في النص يعني زي مشكلتك راجحها لعوامل نفسيه كتير يعني ممكن تكوني مريتي بتجربه واحشه في الماضي ف أثرت على حاضرك زي خوف النهايات ف اتعلمتي تسيبي الحاجه قبل ما تسيبك زي ما ذكرتي إن اصحابك بتزهقي منهم وبتبعدي ولا كأنك تعرفيهم وقيسي على دا كل اللي ذاكرتيه انتي انا شايفه مشكلتك لعوامل نفسيه وممكن تكون مش بس خوف النهايات القلق والتوتر والخوف من المجهول حاولي تعرفي انتي ليه مش بتحبي تكملي الحاجه للنهايه جربي تتكلمي مع لايف كوتش غيري روتينك جددي شغفك دايما بأي حاجه انتي بتحبيها هتفرق معاكي اوي
تم النشر الثلاثاء، ٢٠ أغسطس ٢٠٢٤
وعليكم السلام ورحمة الله وبركاته! أحيانًا، فقدان الشغف بيبقى نتيجة لعدة عوامل، ومش يعني إن في حاجة غلط فيك أو إنك مش قادرة على الاستمرار. ممكن يكون السبب إنك بتحس بضغط أو توتر، أو إن الحماس الأولي بيكون نتيجة لضغط نفسي وبتحتاجي تفهمي مشاعرك بشكل أعمق. كمان مهم نفكر إن كل حاجة لها فترة معينة من الحماس. يعني ممكن تلاقي نفسك متحمسة لشيء جديد، لكن بعد فترة، الشغف ده يقل. حاولت تسألي نفسك: "إيه اللي خلاك تتحمسي في البداية؟" و"إيه اللي خلاكي تفقدي الشغف بعد كده؟" ممكن يتكون عندك توقعات كبيرة، وده يخليكي تحسي بالإحباط بسرعة. جربي تحددي أهداف صغيرة وواقعية لحد ما توقفي تحس بالشغف مرة تانية. ولما يشغلك شي، حاولي انك تتعاملي معاه بتوازن، مش كل حاجة بنفس الحماس. بالنسبة للعلاقات وسفر، ده برضو طبيعي. كل حاجة في الحياة بتحتاج لصبر وتفاهم. يمكن تفكري في وجود روتين أو نشاطات متنوعة تخليكي تعيدي اكتشاف الشغف اللي فقدتيه. ما تنسيش إن الحياة مش دايمًا بابتسامات وحماس، وهي كمان فيها أوقات هدوء. لو كان عندك رغبة تجربي تغيير أسلوب تفكيرك أو حتى تستشيري حد مختص، هتكون فكرة كويسة!
تم النشر الثلاثاء، ٢٠ أغسطس ٢٠٢٤
احيانا ممكن تشعر فى بعض الأوقات بانك غير قادر على إنجاز عمل أو شغل معين،بتحس انك واقف مكانك ومش عايز تتحرك وكأنك بتقول من جواك كفاية كده مش قادر اكمل... الاحساس ده مش بيجى فى وقت بسيط ده نتيجة تراكم احساس من الضيق والتعب وتأثيرالروتين اليومى ... حاجات كتير ممكن تكون عامل اثر سلبي على حالتك النفسية وده أدى انك تشعر بحالة فقدان الشغف. من حقك انك تاخد بريك وترتاح شويه من الضغوط لكن لازم تعرف أن حالة فقدان الشغف لو استسلمت ليها ممكن تأخرك فى خطوات كتير فى حياتك. فحاول دايما انك تكتب كل اللى جواك باستمرار واللى الحاجات اللى أنجزتها وحسيت فيها بنجاح ده هيفرق معك جدا فكر ايه الهدف اللى بتسعى انك تحققه وازاى ممكن توصله خلى إرادتك قويه وعندك صبر علشان تقدر تكمل مشوارك وتحقق هدفك قوي ثقتك بنفسك لأن الثقة بالنفس مهمه جدا علشان تقدر تحقق حلمك وترجع أقوى مما كنت. فكر فى الحاجات اللى بتحب تعملها وارجع اشتغل عليها تانى حاول تغير الروتين اللى متعود عليه وابدأ اعمل حاجات مختلفه. حاول تدعم نفسك وتطورها لأن ده مهم وهيساعدك جدا فى مشوارك أما عن الدعم النفسي ده عامل مهم جدا وهيساعدك وهيفرق معاك سواء من أحد الاصدقاء المقربين أو لايف كوتش اتكلم معاهم وشاركهم افكارك ومشاعرك كل خطوة من الخطوات دى هتفرق فى حياتك جدا المهم انك تعرف أن حالة فقدان الشغف دى حالة مؤقتة ولازم تخرج منها وترجع أقوى وعندك حماس وشغف لكل تفصيله وهدف فى حياتك
تم النشر الثلاثاء، ٢٠ أغسطس ٢٠٢٤
لا والله معنديش خلق اصلا للسوشيل ولا الفديوهات اللي ف الريلز ولا شورتس
تم النشر الجمعة، ٢٣ أغسطس ٢٠٢٤
هل أنت مدمنة لمشاهدة المقاطع القصيرة؟ رليز وشورتس؟
تم النشر الجمعة، ٢٣ أغسطس ٢٠٢٤
شكرا ليك ، بس الفكره مش موضوع استمرار الفكره للأسف مش بلاقي شغف علشان انهيها بسيب ف النص كدا اي حاجه ابدأها لازم اسيبها ف النص بسبب اني مش بكون ف نفس الشغف اللي بدائته بيها
تم النشر الخميس، ٢٢ أغسطس ٢٠٢٤
تقريبا ناس كتير بنفس الوضع كدا .. لازم يكون عندك دافع او صديقه تشجعك تكملى الكورس او الحاجه اللى بتكمليها .. زى ما بيقولوا البدايه سهله ولكن الاستمرار هو الاصعب .. لما تاخدى كورس او تعملى حاجه حطى في بالك ديما انك لازم تخلصيها ونظمى يومك بحيث تعطى للحاجه دى ديما جزء من اليوم .
تم النشر الخميس، ٢٢ أغسطس ٢٠٢٤
لعرض السؤال في فدني اضغط هنا