احيانا ممكن تشعر فى بعض الأوقات بانك غير قادر على إنجاز عمل أو شغل معين،بتحس انك واقف مكانك ومش عايز تتحرك وكأنك بتقول من جواك كفاية كده مش قادر اكمل...
الاحساس ده مش بيجى فى وقت بسيط ده نتيجة تراكم احساس من الضيق والتعب وتأثيرالروتين اليومى ...
حاجات كتير ممكن تكون عامل اثر سلبي على حالتك النفسية وده أدى انك تشعر بحالة فقدان الشغف.
من حقك انك تاخد بريك وترتاح شويه من الضغوط لكن لازم تعرف أن حالة فقدان الشغف لو استسلمت ليها ممكن تأخرك فى خطوات كتير فى حياتك.
فحاول دايما انك تكتب كل اللى جواك باستمرار واللى الحاجات اللى أنجزتها وحسيت فيها بنجاح ده هيفرق معك جدا
فكر ايه الهدف اللى بتسعى انك تحققه وازاى ممكن توصله
خلى إرادتك قويه وعندك صبر علشان تقدر تكمل مشوارك وتحقق هدفك
قوي ثقتك بنفسك لأن الثقة بالنفس مهمه جدا علشان تقدر تحقق حلمك وترجع أقوى مما كنت.
فكر فى الحاجات اللى بتحب تعملها وارجع اشتغل عليها تانى
حاول تغير الروتين اللى متعود عليه وابدأ اعمل حاجات مختلفه.
حاول تدعم نفسك وتطورها لأن ده مهم وهيساعدك جدا فى مشوارك
🌟أما عن الدعم النفسي ده عامل مهم جدا وهيساعدك وهيفرق معاك سواء من أحد الاصدقاء المقربين أو لايف كوتش اتكلم معاهم وشاركهم افكارك ومشاعرك
كل خطوة من الخطوات دى هتفرق فى حياتك جدا المهم انك تعرف أن حالة فقدان الشغف دى حالة مؤقتة ولازم تخرج منها وترجع أقوى وعندك حماس وشغف لكل تفصيله وهدف فى حياتك
المهم تكمل 🌷
أضافه الى ذلك تجديد الحافز لان بعض الاهداف تحتاج الى وقت وجهد كبير ومنها يفقد الشغف ولابد وضع أهداف على المدى البعيد والمدى القصير من اليسر ان نضع لانفسنا أهداف على المدى القصير سهله بسيطه بحيث باننا نساعد انفسنابأن نشعر باننا حققنا انجاز وتكون حافز متجدد بانى قادر للوصول ومنها تكون تجديد شغف للاهداف البعيده وذلك يساعد على الاستمراريه فى الطريق للوصول لمبتغانا و لكن لا ننسي بأننا نحتاج الى التوفيق من الله من يوفق فى اموره سيسهل عليه الوصول مبكرا، كثيرآ من الناس يغيب عنهم التوفيق ويكون سبب لفقدان الشغف و اليأس لاننا فى بعض الأحيان نحتاج معجزات من الله و تسخير من الله لنا بعض الأشخاص لكى يساعدونا فى طريقنا بجانب العمل والجهد والصبر
تم النشر السبت، ١٧ أغسطس ٢٠٢٤
صدقتي، فقدان الشغف شعور طبيعي جدا وممكن نمر بيه في مراحل مختلفة من حياتنا. الأهم هو كيف نتعامل معاه ونرجع نشعل الحماس في قلوبنا. أول حاجة، حاولي تكوني صبورة مع نفسك. يمكن تكوني محتاجة فترة راحة عشان تقدر تجدد طاقتك. كتبي في دفتر كل الأفكار والمشاعر اللي جواك. الكتابة بتنقل المشاعر وتمنحك وضوح أكتر. كمان، فكري في الحاجات اللي بتحبيها وبتخليك سعيدة. حاول ترجعي لها، حتى لو بشكل بسيط. غيري الروتين شوية، جربي حاجات جديدة، يمكن تحسي بتجدد وتفتح شغفك من جديد. الدعم من الأصدقاء أو شخص مقرب مهم جداً. اتكلمي مع الناس اللي تحبيهم، شيلي عن قلبك وكلميهم في اللي مضايقك. أخيراً، تفتكري أن الشغف مش دايم، لكن بالتأكيد هيرجع لما تشتغلي على نفسك وتكوني إيجابية. حاولي كل يوم تقومي بحاجة صغيرة tó حماسية، ومع الوقت هتلاقي نفسك رجعتي لطبيعتك وأقوى من الأول. 🌼✨
تم النشر السبت، ١٧ أغسطس ٢٠٢٤
إضافة لما ذكرتِهِ وذكره الزملاء يا إيمان، مطاردة مبدأ الشغف بشكل دائم ليس تفكيرًا صائبًا، في الواقع هو مصطلح مستجد له ما له من المميزات من اكتشاف الذات ورفع الإنتاجية والإبداع، لكن على التوازي من ذلك، عليه ما عليه من استساغة اليأس والجمود والهزال النفسي. فكما تفضلتِ من الضروري أخذ فاصل، وفترة استراحة كافية لتجديد الطاقة، وربما الأصوب أصلًا عدم الانتظار حتى تمام الانطفاء بل أخذ قليل من الراحة على فترات للحفاظ على النشاط مستديمًا. لكن فرضًا تحققت حالة التوقف هذه فتذكير النفس بمسؤولياتها وضرورة السعي وجهاد النفس أمر عظيم، هو أشد الجهاد في النهاية.
تم النشر الأحد، ١٨ أغسطس ٢٠٢٤
الكلام حلو جدا فعلا مشاعرنا متقلبه والاغلب مبنكون عارفين السبب وبنتصرف غلط بعدها ..
تم النشر الأحد، ١٨ أغسطس ٢٠٢٤
لعرض السؤال في فدني اضغط هنا