انا مراهق وعايش في قرية عندي ١٦ سنة وفي المدرسة بلاقي طلاب كثير اوي بيتنمروا عليا وبيتريقوا عليا لاني مش بعرف اتعامل معاهم لاني مش اجتماعي وبتلعثم في الكلام بيسخروا مني ومن كلامي ومن شكلي لاني سمين وعاوزين يضربوني ويشتموني وكل ما أبعد عنهم الاقيهم في وشي دايما عاوز اضربهم بس خايف لاني قصير وضعيف وهما طوال واقوي مني وهيضربوني هما عربجية
وكل ما اشتكي عليهم مفيش فايدة ساعات بيبقي واحد او اتنين بس بيتنمر عليا وساعات بيبقي شلة عاوز حل يا جماعة ارجوكم
بص اول حاجه لازم تتاكد منها انك جميل وانك كويس جدا ولو في حد وحش فده هما احنا في مجتمع اغلبية الناس اللي فيه بيكونوا متعلمين بس كأنهم مش متعلمين وناس عندها لامبالاه زي اللي بتشتكي ليهم ومبيعملوش حاجه المهم ممكن تغير المدرسه لو في امكانيه تروح مدرسه افضل+ممكن تتعلم رياضه من رياضيات الدفاع عن النفس مثال الكاراتيه مثلا وخليك ناجح دايما نجاحك هو اللي هيرد عليهم
تم النشر الجمعة، ٢٢ مارس ٢٠٢٤
حاول تروح دورات تنمية و دورات الدفاع عن النفس و روح قول لمدير المدرسة عن الشلة دول و عن اذيتهم لك و روح لدكتور تغذية يعمل لك نظام غذائي مش علشان كلام الناس او زمايلك بس عشان صحتك اولا و اخيرا و روح لدكتور يساعدك تتعالج من التلعثم و ان شاء الله تكون بخير و زمايلك يتوقفو عن اذيتك
تم النشر الخميس، ٢١ مارس ٢٠٢٤
اشتكي لمدير المدرسه ..متدخلش معاهم ف أي خلاف أو صراعات تجنبهم تماما
تم النشر الخميس، ٢١ مارس ٢٠٢٤
وخلى بالك خوفك اللى بيدهم القوه بس لو انتا قوى هما اللى هيخافوا منك بس لازم عشان متبقاش خايف تكون واثق من جواك انك هتعرف تدافع عن نفسك عشان كده بقولك اتعلم مهاره تقدر بيها تدافع عن نفسك عشان تكون واثق ان لو حد عمل فيك حاجه تقدر تردهالوا الف
تم النشر السبت، ٢٣ مارس ٢٠٢٤
اتعلم مهاره تخليك تعرف تدافع عن نفسك ده مهم جدا لأنك طول مانتا مش بتعرف تدافع عن نفسك وبتتهرب منهم او بتتجنبهم هيستغلوا النقطه دى لأنك كده ضعيف فى نظرهم فهيستقوا عليك بزياده وهتبقى زى نظام فى الراحه والجايه يضايقوك ويرخموا عليك وهكذا بس لو عارفين انك هتعرف تدافع عن نفسك هيخافوا منك ومحدش هيكلمك هيشوفوا حد تانى ميعرفش يدافع عن نفسه ويستلموه لان الناس دى بتتغذي على الناس الضعيفه عشان تحس انها قويه وجامد
تم النشر السبت، ٢٣ مارس ٢٠٢٤
اتعلم كاراتيه او انقل من المدرسه و حاول تخس
تم النشر الجمعة، ٢٢ مارس ٢٠٢٤
اشتكيت ومفيش فايدة
تم النشر الجمعة، ٢٢ مارس ٢٠٢٤
لعرض السؤال في فدني اضغط هنا