السلام عليكم ورحمه الله وبركات
انا ٢٣سنه الفترة دي حاسه بإني ضيعت عمري كله في ولا حاجه طول عمري كنت مشغوله بحاجات تافه زي أن دائما بخرج مع صحابي البنات وأزور اخواتي واقعد مع امي نتكلم معملتش حاجه في حياتي غير اني خلص كلية التربية قسم علوم تجاري وحاليا شغاله في حضانه، لكن انا بندم أن متعلمتش لغات وطورت من نفسي وكل مابقول ابدأ اقول كنت بدأت من سنين الكليه وحاسه إني كبرت علي اي فرصة تانيه .
وعليكم السلام ورحمه الله وبركاته. انا الحقيقه كان يعني بدايه كده مش عارفه انت جبت منين فكره انه كبرت على اي فرصه تانيه. سنك ايا كان هو كم يعني حتى لو انت وصلتي ل60 سنه ما فيش حاجه اسمها انا كبرت على اي فرصه تانيه ليه لان جمله انا ضيعت عمري كله دي مش هتتقال الا لما فعلا عمرنا يخلص اللي هو يعني اللي بيقولوها فعلا هم اللي انتقلوا للحياه الاخرى وماتوا وخلاص ما بقوش موجودين في الدنيا هم دول اللي يقدروا يقولوا انا ضيعت عمري ولا ما ضيعتوش لانه العمر مش بيتحدد على انا عدى من عمري قد ايه لانك ما تعرفيش هو فاضل فيه قد ايه؟ ربنا حتى يعني موصينا ان لما يعني لما نكون يوم القيامه اللي هو فعلا اخر يوم في الدنيا حتى لو في ايد اني ازرع زرعه ازرعها حتى لو هي بكره مش هتبقى موجوده فانك دلوقتي دلوقتي وبالوقت اتحركي. فات بقى قد ايه جاي قد ايه مش بتاعتك خالص ليه لان ربنا قال عز وجل في كتابه العزيز وليس للانسان الا ما سعى يعني ربنا بيقول لنا انت مطلوب منك تسعه اتفضلي اسعي طالما انت تضاركت شيء وشايفه ان شيء عايزه تعمليه ابداي اسعي ما تستنيش حاجه. طيب هل فعلا الوقت اللي فات اللي هم 23 سنه من عمرك او اللي هم ما بتحسبوش 23 لانه في فتره الطفوله اللي هو انت قضيتيها لحد ما بقى مثلا عندك 12 13 سنه بنتكلم في ان دولت انت مش مدركه فيهم ولا بتقدري تاخدي خطوات او فاهمه ايه ممكن يتعمل لكن هنتكلم في اخر عشر سنين اخر عشر سنين كنت مشغوله شايفه انها حاجات تافهه طب تعالي نشوف هل الحاجات دي لها مردود حلو ولا لا هل انك لما كنت بتقعدي تتكلمي مع مع والدتك هو مش ده نتج انه والدتك راضيه عندك ده لوحده انجاز ان بنتي تكون يعني ايه قاعده في الايه قاعده في البيت في سلام وامان وما عندكيش حاجه موتراكي ومعصباكي طيب خلصتي كليتك الحمد لله خلصت الكليه تمام وزي الفل من غير مثلا سقوط من غير متعرض. لمواقف صعبه او حاجات وحشه لا حاجه حلوه جدا دي كلها يعني حاجات ما ضاعش فيها وقت انت حققت شيء كوني منك دلوقتي بتبسي حق الاشياء دي لا طيب كنت بتخرجي مع صحابك يعني عملتي رفض اجتماعي حلو وجميل وعشتي ايام وذكريات حلوه تقدري دلوقتي خلاص لو بداتي تركزي على دراسه او على شغل ما تبقيش حاسه انك اجتماعيات فما تفكريش بشكل سلبي واسود كده متوفيه على الله ابداي حطي اهداف لنفسك شوفي عايزه تحققي ايه عايزه تتعلمي ايه ولازم تعرفي انت عايزه تعملي الحاجات دي ليه برضو يعني انا مش عايزه اتعلم لغه كده وخلاص ايوه هتاخديها هتعملي بها ايه ما تعمليش حاجه بدون ما يكون لها لازمه ولا تعملي الحاجه عشان الناس كلها بتعملها وربنا معك.
تم النشر الجمعة، ٢٤ مايو ٢٠٢٤
وعليكم السلام ورحمة الله وبركاته ، يبدو أنك تشعرين بالندم والتوتر بسبب عدم استثمار الوقت وتطوير نفسك في مجال مهم بالنسبة لك. عليك أولاً بأن تعرفي أن العمر ما زال أمامك وأنه ليس متأخراً على الإطلاق لإحداث التغيير في حياتك. قد تكون الدراسة في مجال اللغات خطوة مهمة ومفيدة، لكن لا تستسلمي للشعور باليأس. يمكنك البدء الآن في تعلم اللغات بوتيرة بطيئة وثابتة، وتطوير مهاراتك بشكل مستمر في وقت فراغك. كما يمكنك تحديد أهداف صغيرة وواقعية لنفسك والعمل جاهدة على تحقيقها. دعي الندم خلفك وابدئي بالمضي قدمًا نحو تحقيق أحلامك وتطلعاتك. دائماً تذكري أن البداية الصحيحة هي البداية من الآن.
تم النشر الجمعة، ٢٤ مايو ٢٠٢٤
لعرض السؤال في فدني اضغط هنا