وعليكم السلام ورحمه الله وبركاته بصي احنا ليه بنروح للطبيب النفسي لما بيكون في عندنا حاجه بدأت تكون خارجه عن السيطره وبقينا احنا مش قادرين نتحكم فيها والحاجه دي هي اللي متحكمه فينا فأنت دلوقتي قدامك اختيارين يا اما هتروحي للدكتور عشان يساعدك ويدعمك في انك تعرفي تتحكمي انت وما تبقاش الحاجه هي اللي متحكمه فيكي يا اما انت هتبدئي تشتغلي مع نفسك بنفسك علشان انت اللي تتحكمي وده هيجي بايه وده هيجي بانك هتمسكي نفسك في اوقات وهتشتغلي بعلاج سلوكي ممكن تعمليه بنفسك اللي هو انت اللي هتبقي بتدربي نفسك على انك توقفي رغم كل الألم اللي هتبقي حساه داخليا ورغم كل التوتر اللي هتبقي فيه لكن هتوقفي الفعل اللي انت بتعمليه لانه هو الوسواس بيقف بان احنا نوقف الافعال اللي بتكملها لانه طالما انا قمت ومثلا بسبب الوسواس فقمت بقيت كل يوم الصبح لازم اقوم اغتسل فانا كده بعمل ايه كده الوسواس هو المتحكم فيها مش انا انا ما عنديش حاجه اصلا توجب الغسل دلوقتي فانا فانا بغتسل ليه فلما ابدا امسك نفسي ولا ما اغتسلش الا لما يوجب الغسل يبقى انا كده اللي اتحكمت ومش الوسواس هو اللي اتحكم فده اللي هتحتاجي تعمليه اختاري عايزه تعملي انهي من الاثنين وده اللي هيخليك يا اما تتبعي النصائح الكثير اللي قالت لك في التعليقات او الاجابات فهتبقي مقرره انك انت اللي تبداي تدربي نفسك انك تتحكمي او مش هيكون في اي حلول اخرى عشان اكون صريحه معاكي يعني.
لعرض الإجابة في فدني اضغط هنا