عرفت حاجات عن اقرب الناس ليا، مكنتش اتمنى اني اعرفها

Question

الحكاية بدأت معايا من صغري كنت متفوق في دراستي وذكي جدا وسابق سني زي ما بيقولو والحمدلله مش بفوت فرض ولحسن حظي كنا من اول الناس الي دخلت الكمبيوتر والانترنت بيتهم ومن هنا بدأت رحلتي في تعلم اساسيات الكمبيوتر ومن ثم اهتمامي بالالعاب ثم بدأت ادور علي طرق اهكر بيها الالعاب عشان اشتري كل الحاجات الموجوده فيها ومن ثم الموضوع تطور معايا وبدأت اقرأ في مجال الاختراق وبالفعل بدأت اتعلم لغات برمجه مختلفه ودخلت ع الامن السيبراني وبقا موضوع الاختراق بالنسبالي هوايه ودخلت كلية حاسبات ومعلومات واتخرجت منها بتقدير عام امتياز مع مرتبة الشرف و مره شدني الفضول اني ادخل علي الدارك ويب و من بعدها حياتي اتقلبت 180 درجة .. اتعرفت علي ناس و طورنا بعض بالمعلومات الي عندنا و شوفت هناك ما لا يخطر علي عقل انسان من كل شيئ بشع ممكن تتصوروه .. ف الاول جالي اشمئزاز من الي شوفته لكن بعدها بدأت اتأقلم وبقا الحاجات دي عاديه بالنسبالي وكانت التسلية بتاعتي هي اني اخترق ايميلات و اجهزة الموبايل بتاعت الناس في محيط دايرتي ولقيت فضايح و علاقات ممنوعه تتخرب فيها بيوت لحد ما جاتلي الصاعقه وهي ان اقرب صديق ليا طلع علي علاقه كامله بأخته لان لقيت محادثات وصور ماينفعش يشوفها الا الازواج بينهم من نوع انهم وحشو بعض وكدا لانه بيشتغل في بلد بعيده عن بلده وبينزل يومين في الاسبوع مع العلم ان سمعتهم طيبه جدا وهي بنت علي خلق ومن ساعتها وانا بقا عندي شك في كل حد و اي حد حواليا و مبقيتش ادي ثقه لحد وجهزت شقتي ومصاريف الشبكه والفرح ونفسي اخطب لكن معدش عندي ثقه في اي بنت وبالفعل كل ما انوي واقرر اني اختار واحده ادخل اقلب في جهازها قبل ما افتح معاها كلام او اعرفها الاقي حاجات تقفلني منها وفي الاخر قررت اني الغي فكره الجواز من دماغي نهائي بس المشكله اني مبقيتش عارف اثق في حد نهائيا ودا بقا مسببلي مشاكل اجتماعيه كبيره لاني الفتره الاخيره قررت اعتزل المجال الالكتروني كله وانخرط في الطبيعه والمجتمع الي حواليا بس معدتش عارف اتعامل مع الناس بأريحيه زي الاول ودايما باصصلهم من منظور ياتري انت وراك مصيبة ايه ف دخلت في نوبة اكتئاب حاد وبدأت اتجه لسكة التدخين بأنواعه المتاح والمحظور ومبخرجش من البيت الا بالليل متأخر علي اد الطلبات الي هشتريها وارجع تاني واتجهت لسكة السحر وكان سهل بالنسبالي جدا اني اجيب الكتب الي في ناس تحلم تقرأ صفحه واحده فيها ودرست فيها كتير لحد ما اتمكنت من معظم جوانبها لكن عمري ما اذيت حد بيها .. وحاليا بقيت عايش حاسس اني متكتف بالاخلاقيات والدين وحاسس اني معايا علوم كبيره مش عارف استخدمها لاني لو استخدمتها فا انا كدا كفرت وخسرت اخرتي وبعد تفكير طويل قررت اخد رأي الناس لاني معدتش عارف اعمل ايه ولا عايش ليه وقررت قراري الاخير وهو اني لو ملقيتش النصيحه الصح الي تقنعني وتشفي فضولي ف للاسف يبقا مفيش قدامي غير اني اتحول لشخص عمري ما كنت اتمني اني اكونه

Accepted Answer

( ولا تلقوا بايديكم الى التهلكة ) الفضول آفة الانسانية وفى نفس الوقت هى كنز التطور البشرى. ما بين طرفين المعادلة تقع الامانة التى كلفنا الله بها ( الاختيار ) الانسان من جهله ...فرد صدره وقال ايوه انا اشيل الامانه وانا قدها....رغم ان كل الكائنات اللى اتخلقت قبلنا ...رفضت وبشدة. هكلمك بلغة التكنولوجيا .. السيستم او السوفت ويير لما بتبوظ فيه شوية اكواد بيبقي سهل الاختراق لان ثغراته ومنافذة بتبقي ضعيفة او زى الشباك المفتوح.. فاى حاجة تدخل واى حاجة تخرج واى حد معدى يخرب جوه السيستم. ده اللى حصل لما انت سمحت بفضولك للمعطيات الغلط دى تدخل تبوظ السيستم الفطرة الطبيعية عندك. طيب انت بتعمل ايه لما السيستم يبوظ ( بتعمل settings من اول وجديد وتدخل الاكواد الصح للجهاز عشان يرجع يتعرف ع الصح وتمسح الغلط ) فى الوقت ده وفى حالات كتير بتكون قدام اختيار انك تعمل format للملفات اللى عندك الغاليه عليك فى سبيل حفاظك على الجهاز ...او تخاطر بانك تفضل محافظ علي الملفات وتخاطر بالجهاز كله وباى حاجة هتتحط عليه جديده انها تخرب هى كمان. انت محتاج إعادة ضبط مصنع يصاحبها حذف كامل لكل الملفات السابقة لانها معطوبة ونؤذية لاى جديد. هتحتاج حد متخصص يساعدك فى الفترة دى عشان الخطوات انت متعرفهاش .او ممكن يبقي صعب تنفذها لوحدك .

Answer

أخي الكريم، أشكرك على ثقتك ومشاركة قصتك معي. أرى أنك مررت بتجارب صعبة غيّرت من منظورك للحياة. لكنّي أؤمن أن هناك دائمًا أمل وفرصة للتغيير نحو الأفضل. أولاً، أنصحك بالتوقف عن اختراق أجهزة وخصوصيات الآخرين. فهذا أمر غير أخلاقي وقد يؤدي إلى مشاكل قانونية. استخدم مهاراتك في مجالات إيجابية تفيد المجتمع. ثانيًا، بالنسبة لموضوع الثقة، أنصحك بعدم التسرع في الحكم على الآخرين. فليس كل الناس سيئين. حاول أن تنظر بعين التفاؤل وانفتح على علاقات صحية جديدة. ثالثًا، بخصوص موضوع السحر، أنصحك بتركه تمامًا فهو لا يجلب إلا الشرور ويبعد عن الله. ابتعد عن هذا الطريق واستعن بالله ليهديك. أخيراً، أنصحك باستشارة أحد المستشارين النفسيين أو رجال الدين لمساعدتك على التغلب على ما مررت به. لا تيأس من رحمة الله. توكل على الله واطلب العون منه. ابحث عن الأنشطة التي تحبها وتجد فيها متعة. وأكثر من الاختلاط بالناس الطيبين. ستجد أن الحياة جميلة بفضل الله. أتمنى أن تجد كلماتي مفيدة. أنا مستعد للاستماع والمساعدة أكثر إذا احتجت ذلك. توكل على الله ولا تيأس.

Answer

أنت محق في أنك خايف تستعمل علوم السحر اللي تعلمتها علشان ماتخسرش آخرتك .. (وما يعلمان من أحد حتى يقولا إنما نحن فتنة فلا تكفر) فحاول ترمي كل هذه العلوم في سلة المهملات ولا ترجع إليها مرة أخرى الدين مش بيكتفك عن أي شيء فيه مصلحتك ولكن بيحميك من شر نفسك - وهو العاصم لك بإذن الله من شر هذه العلوم التي عرفتها .. مثلا الدين بيقول لك صلاة الجماعة مهمة وأنت لو اتبعت هذا الأمر لوجدت نفسك تصلي في المسجد خمس مرات في اليوم والليلة وتدريجيا خرجت من عزلتك و اندمجت في مجتمع المسجد الدين يأمرك بصلة الرحم .. ولو اتبعت هذا لوجدت أن عليك زيارة أبويك وأخوتك وصلتهم وحينها لا تسأل عن مردود ذلك عليك القرآن يقول لك (ولا تجسسوا) ولو اتبعت هذا الأمر لما اقتحمت ما اقتحمت من أسرار الناس! وهكذا .. لا عاصم لك مما أنت فيه سوى الدين لا أعرف شيئا عن حياتك الوظيفية ولكن أنت لديك إمكانات يمكنك أن تعمل بها في شركات كبرى وتصبح أحد الخبراء القلائل في مجالك وتنفع الناس بما علمك الله .. والانخراط في العمل يمكنه أن ينتشلك من حالتك

عرفت حاجات عن اقرب الناس ليا، مكنتش اتمنى اني اعرفها

نفسية

اجتماعية

سؤال من احد أعضاء فدني

تم النشر الثلاثاء، ١ أغسطس ٢٠٢٣

5 إجابة

15 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك