السّلام عليكُم ورحمةُ اللَّهِ وبركاته ^^
عساكُم بخِير جميعا
من فترة كُنت منزلةة مشكلةة اني تم التحرش بيا فِ الموصلات وناديت السواق وكان راجل شهم ربّ يباركله
دلوقت انا اتعرضت للتحرُش مره تانيةة فِ الموصلات طبعاً مسكتش وناديت السواق بس حقيقي قالي انتي عوزاني اعملِك اي انا من الدهشةة مكنتِش مستوعبةة هو ازاي بيقول كده المهم راح المتحرش زعقلي وقالي اتحرشت بيكي اي ابعدي بس كده يأستاذة انا قولتلو والله وقلتلو هو عمل اي وراح السواق بدل مكان المتحرش ده وجاب راجل مكانه يقعد جمبي فَ انا فضلت اقوله هو انتَ ازاي هتعدي الموضوع عادي ودخلنا فِ جدال وراح المتحرش نزل عشان انا انهرت وكنت بعيط وازعقله و في 3 رجالة فِ العربيةة محدش فيهم بجد اتكلم ربّنا يسامحُم،بس السواق بعد ما المتحرش نزل قال هو طلما نزل يبقى هو مش كويس روحت قولتلو هو انت جاي تتكلم بعد ما نزل بجد قولتلو انا اتكلمت عشان مفيش واحد يعمل حاجةة مش من حقه قالي ايوة انتي معاكي حق وشاطره انك مستكتيش قولتيلو ايوة وحضرتك والرجاله اللي قاعده دي انا لما اتكلمت انتو عملتو اي
فَ سكِت
مشكلتي اني انا مكان دروس شويةة بعيد يعني انا ممكن اتمشها بس هاخد ساعةة فِ الطريق في اوقات مش بيكون معايا الوقت ده ونا مش عارفةة اوصفلكم احساسي لو ركبت عربيةة وفي راجل قاعد ورايا طول الوقت حاسه ان في حد بيلمسني احساس وحش بجد انا مش متأكده اذا كان حد بيلمسني بجد ولا ده وسواس لدرجةة ان لو قاعده ف عربيةةة و رجالةة قاعده كتير ورا بحس ان في حد بيلمسني بس بيدارو على بعض ولما اجي انزل عشان اللي جمبي يعرف ينزل بحسهم بيبصولي بطريقةة مش كويسةة ان مثلا هما لمسوني ونا ساكته انا بجد عاوزة ارجع كويسةة مش قادرة سُبحان الله انا واحد اتحرش بيا حسسني الاحساس ده امال البنت اللي بيتم اغتصابها ده ربنا يعنها ويستر بنـات المُسلمين و العالمين يا رب
لي بني آدم يعمل كده ويسبب لواحده الاحساس بجد ربنا يرحمنـا وإياكُم 🤲🏻💗.
وعليكم السلام ورحمة الله . الموقف ده من المواقف الصعبه واحساسها واثرها النفسى السىء ده نقدر نعديه بكذا حاجة ان شاء الله اولا : اتأكدى انك قويه وسيبك من كل الضعفاء اللى زى الرجاله اللى سكتوا دول . ثانيا : خدى فتره كده ...يا اما تركبى فى اخر كرسى يا اما تاخدى كرسيين جنب بعض. ثالثا: ابعدى عن انك تبصى للى حواليكى واشغلى نفسك فى كتاب او فى حاجة تسمعيها شوية والموضوع هيكون اهدى ان شاء الله
تم النشر الاثنين، ١٢ فبراير ٢٠٢٤
بصي انا ولد عايز اقولك ان احنا فعلا بقينا عايشين مجتمع لا يعرف دين ولا شهامة مجرد مجتمع رجعي متخلف ذكوري بالشكل الجاهلي.. ... لو انت ليكي أخ أو حد راجل يكون محرم ليكي ممكن يوصلك اطلبي منهم متتكسفيش هما مش هيقولوا لأ انا ليا أخت بنت وعارف انا بقولك ايه ....لكن لو مفيش..... ممكن تطلبي من حد من زميلايلك البنات أنهم يروحوا معاكي لما تمشوا في مجموعه هيكون كويس ....لو بردوا مفيش...حاولي تختاري مكرباص ميكنش فيه رجاله كتير وحاول تقعدي جنب الباب أو جنب الشباك أول كرسى وتحطي الشنطه جنبك بحيث محدش يعقد جنبك أو يلصق فيكي ولو لمسك حد حاولي تعلي صوتك بمعني اصح للأسف بقولك حاول تبيقي راجل في الموقف ده بس... لأن احنا في زمان اصبح مفيش حد متمسك بدينه (((((((انا قولتك خليكي راجل في الموقف هنا مقصدش انك تتخلي عن انوثتك لأ طبعا .. أنا أقصد حاولي تبيني ليه انك ممكن تخليه يروح في داهية زي مثلا تقوليلي أن اخوكي ظابط أو انك متجوزه وجوزك ممكن يجي يضربه وهكذا يعني))))).. وفي النهايه حابب اقولك أهم حاجه استعيني بالله أولا وقولي اذكار الصباح والمساء وقولي دعاء الخروج وتوكلي علي الله وادعي ربنا واتخذي بالأسباب وأيضا حاول تحسني علاقتك مع ربنا ..
تم النشر الثلاثاء، ١٣ فبراير ٢٠٢٤
لو مش ملتزمة بالحجاب الشرعي ف لازم تلتزمي عشان الموضوع ده وعشان آخرتك وحاولي لما تقعدي ف اى عربية متقعديش جمب راجل خالص لازم تقعدي جنب نساء من الناحيتين عشان ميحصلش حاجة زى كده
تم النشر الثلاثاء، ٢٦ مارس ٢٠٢٤
اكيد بتكوني عوزة تعيطي وخايفه بس صدقيني انتي معملتيش حاجه غلط عشان تخافي خليكي جريئه.. وصدقيني انتي مش لازم تتعبي او تفكري كتير عشان الموضوع والحصل دا عشان هو اصلا بيروحوا وبينسوا عملوا اي اصلا " يحسبونه هينا وهو عند الله عظيم" صدقيني ربنا هياخد حقك واكيد يعني دم مش اشكال ناس تسمحيهم وتدخليهم الجنه دم يستهلوا جهنم طوالي ودا مصرهم اصلا.. وعيشي حياتك صدقيني مفيش حاجه مستهله..
تم النشر الأربعاء، ٢٨ فبراير ٢٠٢٤
بصي فكك من البيقولوا ان العيب في لبسك عشان هما غلط اصلا.. معلش هو لو واحد محترم كان قاعد وراكي كان هيعمل البيعمله اشباه الرجال او السف*له دم اكيد لا الغلط هيفضل غلط وكل واحد مسؤل عن تصرفاته بمعني انه لما يقف ويتحاسب خليه يقول وقتها اصلها مكنتش لابسه عدل، في اطفال بيتم اغتصابهم انتي متخيله ويجيبوا الغلط علينا ربنا بجد يعينهم علي دمغهم وتبريرتهم المتخلفه دي او ميعنهمش ويخدهم احسن يعني ... بصي بعد كدا حولي تقعد في مكان مفهوش رجاله كتير اكيد انتي حولتي وبتكوني مجبرة تقعدي فحاولي تقفي ويكون في جيبك قلم مفتوح واليلمسك دبيه في ايده
تم النشر الأربعاء، ٢٨ فبراير ٢٠٢٤
بصي ياعيوني.. قبل اما تنزلي من البيت تأكدي انك مظهرك او لبسك مافيهوش اي شئ ملفت.. وكمان حاولي تاخدي حقك بنفسك يعني كان ممكن المتحرش ده تضربي او تزعقي وتلمي عليه الناس.. وساعتها كلهم هيتدخلو.. وكمان حاولي تكلمي مامتك وتقوللها اللي حصل او حد من عيلتك.. ولو عندك اخ ولد ممكن يوديكي الدروس البعيده.. او ممكن تحجزي الكرسيين اللي جمب السواق اللي قدام وتقعدي تجنبا للمضايقه.. بس خليكي قويه ومتضعفيش ابدا.. وبلاش تعيطي يجميله ❤
تم النشر الاثنين، ١٢ فبراير ٢٠٢٤
راجعي مظهرك ف المرايا قبل الخروج يمكن ملابسك ملفتة، ضيقة او شفافة، او رقبتك بتظهر تحت الطرحة شوفي .. وفكري تنتقبي
تم النشر الاثنين، ١٢ فبراير ٢٠٢٤
في حاجةة كُنت عاوزة اقولها السـواق راجِل مسيحي انا بعد ما نزلت و روحت الراجل ده خلاني افكر إني عشان مُسلمةة مش هيدافع عنِي ممكن
تم النشر الاثنين، ١٢ فبراير ٢٠٢٤
بصى لو حاسة انه فى مشكلة نفسية حصلت بسبب تجربة سيئة حصلت لازم تستشيرى دكتور نفسي. بعدين انتى ونازلة البسي زى شرعى واقرى اذكارك ، حاولى برده تقعدى جنب ستات ولو واحد قعد جنبك خلى شنطتك تفصل مابينكم ، لو حسيتى حد بيحاول يضايقك متسكتيش وزعقى فيه علطول . ربنا يحفظك ❤️
تم النشر الأربعاء، ١٤ فبراير ٢٠٢٤
بصي انا شايفه الموضوع عندك بقي وسواس وممكن يتطور اكتر ويخليكي تبطلي تنزلي الشارع بسبب خوفك..انتي يمكن حاسه بضعف في شخصيتك لانك مش انتي اللي بتاخدي حقكك بنفسك بتبقي مستنيه حد تاني ياخده وكمان لما تعيطي بثبتي لنفسك انك مش عارفه تعملي حاجه وممكن بعد كده تستسلمي وصوتك ميطلعش مع الوقت.. الاول شوفي مين جمبك بيوقيكي ويخليكي حاسه بالامان سواء مامتك او حد في عيلتك وبعدين ممكن تشوفي صاحبه كويس ه ورجعي علاقتك مع ربنا وادعي يبعد عنك كل شخص وحش
تم النشر الاثنين، ١٢ فبراير ٢٠٢٤
لعرض السؤال في فدني اضغط هنا