دلوقتي انا اتعرفت ع شب هو ٣٠ سنه وانا ٢٣ سنه والمفروض اننا هنتخطب قريب وكده انا كنت بنزل صوري وفيديوهات ليا ع السوشيال ع طول هو بدا يقولى مش عجبه وانى متفتحه وكده المهم بدأت اعمل كل حاجه برايفت ومسحت كل حاجه مضايقه وكده وقالى انه محتاج يعيد تفكير تانى في الموضوع قولتله تمام فكر وقرر وانا معاك عايز تكمل تمام مش عايز تمام ف قالى تمام
المفروض اكلمه اسأله عن رأيه ولا اسكت لحد ما يكلمنى
واحتمال بنسبه كام برجع تاني؟؟
تعديل اهلى وأهله عارفين العلاقه وهو كلمنى امبارح بطريقه عاديه وقالى انه لسه محتاج وقت يفكر اكتر بس اتكلمنا عادي برضه
اللي عاوز يدخل البيت من بابه ، هيدخل البيت من بابه مش هيلف ويطلع من الشباك ، اللي اقصده اللى عاوز يتجوزك هيدخل يقولك عاوز رقم والدك وخلاص والكلام هيكون مع والدك ، انما شغل نتكلم ونتعرف ونتخطب ودا مش عاجبني ودا معرفش ايه دا ميأكلش عيش الصراحة، الراجل ملهوش كلمة عليكي الا لما يتجوزك ، حتى لو كان خطيبك ملهوش يقلك اي حاجه وانتي مش ملزمة تعملي اي حاجه بيقولها الا لو كان بينصحك وكلامه صح ، انما يأمرك وكده ، مفيش الكلام دا ، واصلا الكلام بين الرجل والمرأة حرام مادام خارج الزواج ، ولو خارج الزواج بيكون بحدود اوي ويكون للضرورة فقط . وخدي بوصية النبي صلى الله عليه وسلم « اذا اتاكم من ترضون دينه وخلقه فزوجوه » ، اتجوزي اللي دينه وخلقه كويسين ، الاتنين مش حاجه واحده بس عشان متجيش تشتكي بعدين .
تم النشر الاثنين، ٢٩ يناير ٢٠٢٤
هل دخل البيت وكان هيتفق على الخطوبة؟ ولا ده مجرد كلام بينكم وبين بعض؟ لو مجرد كلام بينكم وبين بعض .. يبقى فيه نسبة منه اساسا انه يكون بيتسلى طبعا .. لو كان عايز يجي البيت كان جه، ف ليه بيضيع وقت واشوف ومشوفش؟ علشان تقفلي الموضوع ده تماما، كلميه وقولي له انك محتاجه تعرفي رأيه في الموضوع هل هيجي يتقدم ولا لا علشان انتي مش حابه ان الموضوع يفضل متعلق بالطريقة ديه. علشان تخلصي من الموضوع ده خالص.
تم النشر الاثنين، ٢٩ يناير ٢٠٢٤
متكلمهوش أنتِ بجد، ولو أتصل أو غيره المفروض نصًا تقولي كده ليه بتكلمني وأنت لسه بتفكر هتكمل ولا لأ، لأ لو سمحت ي ريت ميكونش فيه تواصل تاني لحد م تاخد قرارك، لأن أنا مش متاحة ليك طول الوقت، ولا المفروض علاقتي بيك تكون واقفة علي آه أو لأ منك أنا ال مش عاوزه ده، ي ريت متتصلش تاني بيه أنا مش شايفة من موقفك أصلًا أني أكمل معاك بجد أنا واحدة من الناس قرأت كلامك عرفت أنه أحتمال ميكملش أصلا وده مجرد بيخرج من العلاقة بشويش، الحركات والمواقف دي شوفتها علي جروبات البنات بالتكرار، ولعلي أساءت الظن به لو قولتيله الكلام ال فوق ده وهو فعلا مش بيتلكك هياخد خطوة جد، لأنك كده هتبقي حسمتي قرار فالعلاقة دي، وصدقيني مش معني أنه معرفك علي مامته الكلام ده كله يبقي صادق بعدين حبيبتي، أنتِ مسلمة! بجد العلاقة دي بتاخدي عليها ذنب لأن الإسلام محرم ده ودي علاقة غير شرعية حتي لو كملتوا وأتجوزتوا الجواز مش هيغفر ذنوبكم، وال كلمتيه وكان ليك نصيب فيه، هو نفس الشخص ال هتاخديه لو مدخلتيش معاه في علاقة غير شرعية وأقصد هنا خطوبة أو جواز فليه ناخد نصيبنا وأحنا مرتكبين ذنب كبير زي ده، ولو مطلعش هو نصيبك ال ربنا كاتبهولك! هتكوني أستنذفتي قلبك فعلاقة غلط، وقلبك مش بسهولة هيرجع زي م كان، طب وقتها هتقدمي إيه للشخص ال من نصيبك؟ وهيكون إيه وفين مكانه من قلبك؟! طب وطاقتك ال هتستنزفيها فمكان مش مكانها ليه أصلا منصبرش غشان نحفظ قلبنا وطاقتنا لمكانها الصح والمكتوب ليها، ربنا يهديك ويحفظ قلبك من الأذي والجرح
تم النشر الثلاثاء، ٣٠ يناير ٢٠٢٤
متكلميش حد مفيش بينكم علاقة رسمية ولي أمرك عارف بيها والعلاقة كلها ف النور يعني
تم النشر الثلاثاء، ٣٠ يناير ٢٠٢٤
بما انكم كنتوا تتكلموا... فالأفضل ليكى انك تحسمى الأمر معاه... مثلا تقوليله انا بالنسبالى موافقة لو انت هتيجى تتقدم... بالنسبالك انت محتاج تعرفنى نيتك وقرارك فى خلال مثلا يومين عشان مفيش داعى نسيب الأمور مفتوحة كده بلا داعى. او لو بالفعل مر على الكلام اللى بتحكيه ده فتره كبيرة وهو ساكت فهتبعتيله انك بناءا على طول الفترة دى فواضح بالنسبالك قراره وانك بتتمنيله الخير وسلام وخلاص واقفلى على الموضوع ده تماما. نصيحة بقي بخصوص انك تخبي حاجات بتعمليها بشكل طبيعى عشان بتضايق الشخص اللى هترتبطى بيه فده هيبقي حاجة مؤقته ولو توافقتم دلوقتى واتخطبتوا نفس الحاجة هتعمل مشكلة قدام... خليكى واضحة والحاجة يا اما توصلوا فيها لحل يا اما بلاش.
تم النشر الثلاثاء، ٣٠ يناير ٢٠٢٤
متتكلميش مفيش واحد بيبعد عن شخص بيحبو ويقولو كدا البنت في الدين بتاعنا معززة مكرمة الراجل هو اللي بيروح لحد عندها ويطلبها خليكي غاليه في عين نفسك الاول هتبقي غاليه في عين الناس مبنيش حياتك علي القرار بتاعو كل ما يطول البعد تحت مسمي التفكير اعرفي واتأكدي انو مش عايزك ابعدي
تم النشر الثلاثاء، ٣٠ يناير ٢٠٢٤
بصي انتي اتغيرتي علشان وهو لازم يقدر ده ... بس أنا شايف ان انتي متكلموهش لحد ماهو يكلمك
تم النشر الاثنين، ٢٩ يناير ٢٠٢٤
لا متكلميهوش لحد ما هو يتكلم انتي عملتي اللي عليكي واللي المفروض يتعمل من ناحيتك فاضل هو يعمل اي خطوة ليكي ف من هنا لحد ما ياخد اي خطوة متتكلميش انتي
تم النشر الثلاثاء، ٣٠ يناير ٢٠٢٤
لا هو هنا مش
تم النشر الثلاثاء، ٣٠ يناير ٢٠٢٤
لعرض السؤال في فدني اضغط هنا