عايزه ابعد وافصل دماغي عن السوشيال ميديا فتره طويله واركز في حاجات بقالي فتره بحاول أنجز فيها ومش عارفه... أنا عارفه ان اللي عايز يعمل حاجه بيعملها وان السوشيال مش سبب كافي ان منجزش اللي ورايا بس انا حقيقي من غير إنجازات عايزه افصل منها ومن الهري وكل دا ومش عارفه اعمل اي واحد قراري اوي واكون قده
اولا و قبل كل حاجه استعيني بالله أنه يقويكي عللي اللي انت عاوزه تنجزيه .. ثانيا دي خطوات عملية و عن تجربة تقدري تعمليها و هتفيدك بإذن الله 1-امسحي كل تطبيقات السوشيال ميديا .. فيس انستا تويتر تيك توك .. و نزلي برنامج يحددلك وقت استخدامك لباقي التطبيقات المهمة اللي علي الموبايل عشان الوقت مينفعش يضيع علي الفاضي 2-ورقة وقلم و اكتبي عاوزه تنجزي ايه و خلال قد ايه 3- اعملي جدول واقعي .. يعني بلاش حماس البدايات و تحطي جدول يعجزك أو يخليكي تكسلي تبدأي اصلا .. و بردو متحطيش جدول خفيف جدا تخلصي اللي فيه بسرعة و تحسي بالملل و تعوزي ترجعي تاني للسوشيال ميديا. 5- لو الحاجات اللي عاوز تنجزيها كبيرة أو تحتاج وقت طويل قسميها ل تسكات قليلة بحيث كل ما تخلصي task يبقي دا إنجاز صغير. 4- كافئي نفسك بعد كل إنجاز يتم بحاجه بتحبيها 5-لو حصل و جيتي بعد فترة و كسلتي أو زهقتي تصالحي مع نفسك و انك بشر و دا طبيعي .. و افهم المشكلة فين و حليها وابدأي من الاول. ربنا معاكي .
تم النشر الأحد، ٢٣ أبريل ٢٠٢٣
امسحِ كل التطبيقات أولًا من على هاتفك بحيث لا يُتاح لك مسك الهاتف وتضييع الوقت في اللا شيء. بعد هذا ابدأي بوضع خطة سنوية لتحقيق ما تسعين إليه، ثم قسمي خطتك هذا لخطوات صغيرة على شهور، ثم قسميها لخطط اصغر على مدار كل أسبوع وأخيرًا صممي خطة نهائية يومية تتضمن أفعالا بسيطة تقودك إلى تحقيق الخطة الأسبوعية فالشهرية فالسنوية. واحرصي في الخطة اليومية أن يكون المطلوب يسيرًا في البداية لا يستهلك وقتًا طويلًا حتى لا تملي. وكلما انجزتي شيئًا قدمي مكافئة لنفسك على هذا الانجاز، مكافئة تحبيها وتدخل السرور على قلبك بالتوفيق الدائم لك باذن الرحمن
تم النشر الاثنين، ٢٤ أبريل ٢٠٢٣
امسحي تطبيقات السوشيال ميديا خالص من على الفون
تم النشر الأحد، ٢٣ أبريل ٢٠٢٣
انا عايزه اعمل كدا برضو 🥺
تم النشر الأحد، ٢٣ أبريل ٢٠٢٣
مرحبا، أولاً أود أن أقول أن هذا موقف رائع منك. إذا كنت تشعرين بأن السوشيال ميديا تستنزف الوقت وتمنعك من تحقيق أهدافك، فإن فصل دماغك عنها لفترة محددة هو خطوة جيدة. لكن، قبل البدء في هذه العملية، أريدكِ أولاً أن تنظري إلى الأسباب التي تدفعك إلى الهرب من السوشيال ميديا. هل هي السلبية والضغط الذي يأتي من خلال المحتوى الذي تراجعينه؟ هل تكونين مستهدفة بالمقارنة مع الآخرين وتشعرين بالمنافسة المفرطة؟ إذا كانت الإجابة نعم، قد يكون عليكِ مراجعة علاقتك بالسوشيال ميديا وطريقة استخدامك لها. تأكدي من أن محتواك الرقمي ملهم وإيجابي، وتحاشي المواقع والصفحات التي تثير فيكِ الشعور بالضغط والاكتئاب. ثانيًا، عليكِ تحديد أهدافك المهمة والتركيز على ما تريدين تحقيقه. النجاح يحتاج إلى الانضباط والتركيز. حددي القوائم الأسبوعية أو اليومية للمهام التي تحتاجين إلى العمل عليها، واتبعي هذه القوائم واحدة تلو الأخرى. وأخيرًا، تحتاجِ إلى القوة الداخلية والصبر اللازمين للمضي قدمًا في مشروعك. دعي نفسك تفشي الضغط من خلال الموسيقى، القراءة، اليوغا أو ممارسة الرياضة. وكذلك، تذكري دائمًا أن النجاح لا يأتي بسهولة، يتطلب تضحيات وصبرًا، لكنه في النهاية يستحق كل ما قمت به.
تم النشر الأحد، ٢٣ أبريل ٢٠٢٣
التزمى بحاجات تكون محاضرات مباشرة ويكون فيها امتحانات ليها وقت محدد ادخلى على حسابات السوشيال ميديا ووقفيها ...مش بس تمسحى التطبيق...وقبل ما توقفى عرفى الناس كلها انك مش هتكونى متواجده ع السوشيال ميديا خلاص وان اللى حابب يتواصل معاكى هيلاقيكى عن طريق التليفون بس مثلا ده هيساعدك تكونى قد كلمتك ومترجعيش فعلا . حددى لنفسك وقت للترفيه وحددى هتعملى فيه ايه مثلا ساعة واحده ف اليوم كله هتفرج ع التليفزيون او هفتح يوتيوب اتفرج على حاجة خفيفة وبس . عشان تلتزمى بردوا ومتحسيش انك قفلتى على نفسك اوى وترجعى بشراهه تانى للسوشيال ميديا. لما حد يكلمك على حاجة مثلا ويقولك ايه ده انتى مش متابعه ..قوليله لا لانه موضوع تافه وميخصنيش .
تم النشر الثلاثاء، ٢٥ أبريل ٢٠٢٣
أصح قرار تاخديه و جربي اسبوع مثلا تمسحي البرامج اللي عندك و تشغلي وقتك باللي وراكي هترتاحي كتير جدا
تم النشر الاثنين، ٢٤ أبريل ٢٠٢٣
لعرض السؤال في فدني اضغط هنا