حد عنده فكره مشروع برأس مال صغير 10-20 الف فقط ... ياريت لو حد عنده فكرة يساعدني و شكرا
حتى تجد فكرة ضعها في ذهب حتى لا تفقد قيمتها ... بالنسبة إلي أرى أن تستثمر الأموال في شراء أصول تدر علينا المال
تم النشر الخميس، ١٨ مايو ٢٠٢٣
ممكن حضرتك او حضرتك تشوفه ايه الحاجه اللي شغاله في المحيط بتاعك اللي بيكون عليها طلب وانت تقدر انت تبيعها وتعمل تست صغير جدا جدا تجيب حاجه واحده بس او حاجتين او تلاته وتبتدي تعرضهم وتشوف هيتباع ولا لا لو اتباعوا كان في طلب وانت عارف تتسوق يبقى ده ممكن يكون طريق ان انت تبدا تمشي في ان شاء الله كل حاجه قوليها الاسواق بتاعتها فلو انت مثلا محتاج ملابس تقدر تنزل في بتاعه تقدر تشوف تقدر في ناس بتنزل على التيك توك في حاجات في مدينه نصر في مدينه نصر بيبيع براندات في اكتوبر بيبيع براندات بالتالي انت تقدر انت تجيب حمص دي حاجه حاجه لو حضرتك مهتمه تشتغل في منتجات التجميل ففيها لها اسواق وفي ناس بتبيع بالجمله فانت تقدري تجيبي حاجتين ثلاثه صغيرين خالص مش بكميه كبيره ابدا اربع قطع بالكثير خمس قطع بالكثير منوعين تبتدي تعرضيهم على الجروب على اصدقائك. لو لقيتي فيه طلب تقدري ان انت على طول تمشي في السكه دي وتبداي تعملي صفحه والجروب وهكذا.
تم النشر الخميس، ١٨ مايو ٢٠٢٣
ممكن يكون من الافضل ليك تدخل بيهم او بجزء منهم مساهمه في مشروع تكون واثق منه ومن اصحابه يعني تساهم في معمل تحاليل في مستشفى في مدرسه كده يعني بس حاول تساهم مع حد ثقه وامين ولو حد مجربه قبل كده يبقى افضل شخصيا بشوف فكرة المساهمه مع شخص امين لما يكون المبلغ صغير افضل من فتح مشروع من الصفر قد يحتمل بعض نسب الخسارة وممكن تشوف المكان ال انت فيه ناقصه ايه وتحاول توفره وتستغل وقت عرضه يعني لو مثلا منطقه محتاجه مكنة تصوير ورق او اي شئ مشابه كان في واحد بيجي على ناصية شارع المدارس عندنا وجاسب شويه ادوات منزليه وبلاستيكات من رفايع المطبخ وبصراحه كان ذكي جدا تبارك الله سواء في اختيار الناس ال بيعرضلها او الوقت ال بيبيع فيه كان بيجيب منتجات ممتازة وسعرها مش غالي بس طلوبه في كل بيت ومن الساعه ٦ ونص الصبح يقف طبعا ده وقت طلبة المدارس وامهات كتير رايحه تودي ولادها المدرسه وهما راجعين بقى تلاقي الزحمه عليه اد كده تبارك الله وعلى ٩ ونص تكون حاجات كتير خلصت من عنده ولم حاجته ومشي فهو عرف يستغل الوقت والمكان والفئه المستهدفه بالبضاعه فحضرتك حاول تشوف منطقتك ناقصها ايه واختار وقت ومكان وفئة بالتوفيق
تم النشر الخميس، ١٨ مايو ٢٠٢٣
تقدر تشتري مكان صغير وتبيع فيه الحاجات الي انت مش محتاجها ولو مفيش حاجة تبيعها تقدر تشتري حاجات وتبيعها بسعر اغلى
تم النشر الأربعاء، ١٧ مايو ٢٠٢٣
لعرض السؤال في فدني اضغط هنا