دلوقتي الموبايل بالنسبة لي .. له فوايد كتير جدا بسمع محاضرات و دروس دينية و بقرأ القرآن و الاذكار من عليه و بكتب يومياتي في ال notes و بعمل حاجات كتير مفيده و أساسية بالنسبة لي ، ولكن له أضرار كتير جدا بردو أكبرها طبعا هي تضييع الوقت بطريقة عجيبة حرفيا بحس اليوم بيضيع مني و هو لسه مبدأش ..
حاولت كتير اقفل تطبيقات عشان مقعدش كتير علي الموبايل ولكن فشلت و برجع افتحها تاني و مش عارف اعمل ايه
ف السؤال هنا ..... هل من الحكمة إني استغني عن الموبايل نهائيا رغم الفوايد الكتير اللي بستفيدها منه ؟
يعني هل الحل اني اخلي الموبايل للمكالمات بس أو لما ابقا برا البيت و لما اكون في البيت مستخدموش خالص و ابدأ مثلا اقرأ قرآن في المصحف عادي و اسمع المحاضرات علي اللاب و اكتب يومياتي في اچنده .. هل دا حل ؟
حاسس أني هبقي بحرم نفسي من حاجات كتير اوي طول ما انا بعيد عن الموبايل ومش عارف ايه الصح دلوقتي ؟؟؟؟
احذف الألعاب، والتطبيقات غير المفيدة، واترك فقط ما هو مفيد ويثري وقتك
تم النشر الخميس، ١٨ مايو ٢٠٢٣
تحرم نفسك من ايه وانت بعيد عن الفون؟ اي حاجه في الحياة ليها الفوائد بتاعها والأضرار .. وانت اللي ب ايدك تختار .. يعني كويس جدا أنك اختارت حاجات مفيدة تستخدمها على الفون ... ما هو برضه زي ما فيه حد ممكن يفتح الفيس علشان بس يقلب فيه على اي حاجه تافهه أو ملهاش لازمه، فيه حد تاني يفتح الفيس برضه، بس بيتابع ناس ممكن يتعلم منها حاجه، أو يشوف بوستات كويسة، أو اي شئ مفيد. ف انت اللي هتحدد ده بنفسك .. حدد انت عايز ايه، وحدد هل انت فعلا بتضيع وقت فعلا على الفاضي ولا لأ؟
تم النشر الأحد، ١٤ مايو ٢٠٢٣
لو بتضيع وقت في انك تلف فيس وانستا يبقي تمسحهم وتفتحهم ع اللاب. وتخلي الapps المهمه. بالنسبه للقرآن فيapp اسمه جامعه القرآن حلو ومرتب. وهيبقي معاك واتس لو عليه grouos اقفل الnotifi بتاعتهم. كده مش هتلاقي فيه حاجه غير الpodcast اللي هتسمعه بس.
تم النشر الأحد، ١٤ مايو ٢٠٢٣
لعرض السؤال في فدني اضغط هنا