انا بنت عمري ١٤ سنه لما كنت في اولي اعدادي يعني ١٢ سنه كدا اتعرفت علي بنت شخصيتها حلوه اوي وكانت دايما تنصحني وبتقف جمبي بس مكناش بيست فريند الهو صحاب عاديين بعد فتره كنت واقفه مع ناس صحابي والناس دي صحابها هي كمان المهم صحابي دول لقيتهم بيقولوا ان صحبتي اللي بحبها مرتبطه بولد ولما دخلت علي حسابها في الانستا لقيتها عامله ماتشينج معاه وضيفاه من تلات حسابات يعني للاسف الكلام ده حقيقي وانا انصدمت فيها هي شخصيتها حلوه جدا ليه تقل من نفسها بالطريقه دي المهم قولت لصحابي يقول ليا معلومات اكتر من صحبتي واللي مرتبطه بيه عرفت انه بيلعب بيها وهي واثقه فيه وهي كمان معرفه اهلها بالحوار ده
وهي مش عارفه انا انا عارفه انها مرتبطه وانا بحاول اخليها ترتاح ليا وتقول ليا الحوار ده بنفسها
واحاول اقف جمبها علي قد ما اقدر عشان هي احسن من كدا بكتير وانا بحبها اوي وصحابي نصحوها بس هي قالت ملكوش دعوه وانا بحبه ومش هبعد عنه
فا اعمل ايه
بصي انا كنت بمر بنفس الموضوع مع صحبتي وفضلت وراها لحد لما سابت الشخص ده عليكي تنصحيها وتسمعلها بكل حاجه هي هتقولي وحاولي انتي تشغلي يومهاا وتكوني معاها علطول وتكلميها دايما وعرفيها ان الشخص ده لو عاوزها مش بيلعب بيهاا قوللها انها تقوله هتبعد عشان حرام ولو هو عاوزها بعد كده يصبر ويجي يتقدم ف الحلال وهو اصلا هيخلع كده كده وهيتكشف امره علطول وانتي عليكي تسندي صحبتك وتصبريهاا عشان اكيد مش هيبقي سهل عليها اللي هيحصل
تم النشر الثلاثاء، ٩ يوليو ٢٠٢٤
قربى منها وانصحيها يعنى ان دى علاقه حرام وهاتقلل من نفسها وان نهايتها وحشه وان ده فترة سن مراهقة الأفعال إلى نتجامنها مش بتبقى صح لازم تحافظ على نفسها لان ده سن حساس جدا لازم ناخد بالنا من أفعالنا المواضيع دى كلها تسليه 90%
تم النشر الثلاثاء، ٩ يوليو ٢٠٢٤
حبيبتي أنتي فعلا جميله وجدعه وصديقه حقيقيه لأنك مشغوله بمصلحة صاحبتك ومهتمه بالموضوع لكن سن إعدادي من الطبيعي وسن المراهقه هيكون في ميول طبيعيه للجنس الأخر لكن المهم إنك توعيها إن العلاقه بينهم تتطور وأسألي حد أكبر تكون بتحبه وقوليله الموضوع وممكن يساعدها
تم النشر الثلاثاء، ٩ يوليو ٢٠٢٤
أولاً يا حبيبتي، أحب أقولك إنك صاحبة جميلة ومخلصة لإنك بتهتمي بصاحبتك وعايزة تساعديها. ده بحد ذاته رائع ومستحق للتقدير. في مواقف زي دي، بيكون صعب على الشخص إنه يشوف الحقيقة أو ياخذ نصيحة من حدا غيره لما يكون في حالة حب، حتى لو كان الشخص العزيز عليه قلقان عليه. جربي تتبعي النصائح التالية: اجذبي الثقة: حاولي تكوني جنبها وتكلمي معاها بشكل دائم في مواضيع تانية قبل ما تدخلي في موضوع العلاقة. خليها تحس إنها قادرة تحكيلك أي حاجة. الصبر والمساندة: لما تشوفيها مرتاحة معاكي في الكلام، تقدري تبدأي تلميح بسيط عن قلقك عليها ورفقائك. يعني ممكن تقولي، "أنا عايزة أطمن عليكي، بحس إنك قريبة مني وبخاف عليكي". ما تضغطيش عليها أو تنتقديها مباشرتاً. ناقشي بوعي: لو بدأت تتفاهم معاكي أكتر، حاولي تفتحي موضوع الشخص اللي بتحبه، واسأليها عن شعورها وتفكيرها فيه بشكل عام. خليها تتحدث وانت اسمعيها بتركيز. نصائح غير مباشرة: حاولي تسردي لها قصص أو مواقف مشابهة حصلت لشخص تاني (حتى لو كانت قصص من الإنترنت أو ناس تعرفيهم) واوضحي كيف انتهت الأمور وإيه اللي تعلموه من التجارب دي. ده ممكن يخليها تفكر في وضعها الشخصي. طلب مساعدة ناضجة: لو رأيتي إن الوضع مستمر ومافيش تحسن، جربي تتكلمي مع حد من الأقارب أو حدا كبير تثقي فيه يمكن يساعدك في إرشادك للطريقة المناسبة للتعامل مع الموقف. افتكري دايماً، التغيير بياخد وقت ولازم تكوني صبورة ومحبة في نفس الوقت. لو هي شافت إن اهتمامك بيها حقيقي ومش من باب الفضول، ممكن ده يساعدها تشوف الأمور بشكل أفضل. أنا هنا لدعمك يا حبيبتي، وأتمنى لصاحبتك كل الخير.
تم النشر الثلاثاء، ٩ يوليو ٢٠٢٤
لعرض السؤال في فدني اضغط هنا