انا شاب متجوز من عشر سنين جع من حوالى اربع سنين دخلت واحده حياتى وانا متجوز وانا محبتش اخون زوجتى وقطعت العلاقه بالبنت دى وبعد سنتين رحت حكيت لزوجتى واتفهمت الوضع ساعتها جت من تلت شهور مراتى غضبت وعاوزه تنطلق بتقول انا بخونها وانا بحب مراتى جدا وعمله تجيب مشاكل من زمان وتحكيها ومصممه على. الطلاق وانا بموت بجد انا بحبها ومعاناة طفلين وانا بحبها ومش عارف اعيش من غيرها وهى مصممه اعمل ايه انا بموت فى كل ثانيه بتعدى اعتبر ميت بدونها
هو الكلام ناقص تفاصيل كتيرة منها ١- ايه السبب ال خلاك تروح تحكي لزوجتك بعد سنتين ؟ هل ده كان تطوع منك ولا كان حصل شئ شئ فانت اضطريت تحكيلها عشان تتجنب مشكلة اكبر ولا ايه السبب ؟ لو من غير سبب فمعلش حضرتك غلطت في النقطه دي كنت كتمت سرك ولم تخبرها بشئ ٢- ايه سبب غضبها حاليا ؟ هل حصلت مشكله معينه بينكم فهي بتفتح في القديم والجديد ؟ هل هي شافت اي حاجه معاك او خلال يومك اثارت جواها شكوك بالغيرة اوجود علاقة اخرى او اي شئ ؟ هل في صديقه في حياتها سخنتها بالكلام او شككتها فيك ؟ مفيش حاجه تخليها تعمل كده بدون سبب ظاهر كل ده هيبان بالنقاش معاها وفهم سبب غضبها وفي كل الاحوال لا تستجيب للطلاق الا لسمنطقي ربنا يؤلف بين قلوبكم
تم النشر الأحد، ١٩ نوفمبر ٢٠٢٣
طيب حاول معاها انك تاخدها وتروح ل اخصائي علاقات زوجية واسرية .. قبل ما تدخل حد من العائلة.
تم النشر السبت، ١٨ نوفمبر ٢٠٢٣
دور ع الحلقة الناقصه أو الجديدة
تم النشر السبت، ١٨ نوفمبر ٢٠٢٣
لو السبب الموضوع القديم ف المفروض تقدر ده انك انت الي حكيت مش هي الي عرفت وده معناه انك شاريها وباقي علي الس بينكم والا كنت كملت مع البنت دي .. وطالما اتكلمتو ف مشكله واتقفلت ف ملوش لازمه تفتحو الموضوع تاني واهم شىء الاطفال دول هيضيعو بجد خراب البيوت وحش حاول تقعد معاها كذا مرة او شوف حد قريب منها من اهلها مثلا يتكلم معاها ويقنعها
تم النشر السبت، ١٨ نوفمبر ٢٠٢٣
بص من طبع الست الغيرة وهى اكيد بتحبك جدا وبتختبرك بتشوفك هتفضل متمسك بيها ولا لا واكيد البنت دى وصالة كلام لمراتك انك بتحبها وانك عاوز تسيبها هى حبة تشوف ده فا انت اصبر عليها المرأة من طبعها الغير وعزة نفسها والكبريت فا هى اكيد حست انها قصرت معاك أو حاجه فا انت عاملها زى ما بتعامل اولادك ومش فيها حاجه لو اخدت ليها هدية قولتها بحبك ووالله محبيت غيرك ومفيش حد مفيش حد يملى عينى غيرك وشوف رد فعلها
تم النشر الجمعة، ١٧ نوفمبر ٢٠٢٣
انت غلط انك قولتلها لان الست مبتنساش وهتقعد تعيد المشكلة كل شوية فحاول تقعد معاها وتفهمها انها كل حياتك
تم النشر الجمعة، ١٧ نوفمبر ٢٠٢٣
الله اعلم بالحقيقه بس اى اللى خلاك بعد سنتين تحكيلها!! وهيا ليه جت ف الوقت دا وغضبت عليك ومتضايقه اكيد ف حاجه غلط واصرارها ع الطلاق دا اكيد عندها سبب صارحها واتناقش معاها واعرفوا اى الاسباب اللى مضايقاها وخلتها تفكر كل المشاكل دى مره واحد، لان مشكلتك دى انت وهى حلها عندكوا انتوا . مهما قلنا اقتراحات ووجهات نظر بردوا انتوا اللى بايدكوا تحلوا المشكاه وتعرفوا اسبابها وتحلوها م بعض. دا من وجهة نظرى...
تم النشر الجمعة، ١٧ نوفمبر ٢٠٢٣
لعرض السؤال في فدني اضغط هنا